Reykjadalur og aðgerð....

Núna er sú allra flottasta í Reykjadal og nýtur sín væntanlega í botn - gat ekki verið meira sama þegar foreldrarnir kvöddu hana en mamma saknar hennar alveg gífurlega mikið.

Annars á hún að fara í aðgerð 12.ágúst - það fundust tvær "blöðrur" í síðustu myndatökum hjá tannréttingatannlækninum hennar sem þarf að fjarlægja sem fyrst en kjálkaskurðlæknirinn getur ekki sagt hvort þetta tengist hennar veikindum eða ekki fyrr en í aðgerðinni.  Í þessari aðgerð þarf að fjarlægja tennur til þess að komast að þessum "blöðrum" og það gæti verið að það væru líka fullorðinstennur en vonandi ekki samt.  Það tekur 10 vikur fyrir sjúkratryggingar að samþykkja þessa aðgerð þar að segja hvort þeir borgi hana eða við en það er því miður ekki hægt að bíða svo lengi og ef þeir samþykkja hana ekki þá liggjum við bara í "súpunni".  Læknirinn sagði reyndar að það væri fáránlegt ef þeir samþykktu ekki þar sem þetta er eitthvað sem ÞARF að gera en þanga til ætlum við ekki að hafa neinar áhyggjur af þessum "blöðrum" eða sjúkratryggingum - ætlum bara að njóta þess að vera til og gera eitthvað skemmtilegt þanga til.

Get samt ekki beðið eftir að fá hana úr Reykjadalnum - við erum ofsalega dugleg að hreyfa okkur fyrir maraþonið en hérna er ein mynd frá einni Esjuferðinni okkar sem krakkarnir elska að fara. Þau "drösla" mömmunni upp sem er stundum alveg að "andast" á leiðinni - reyndar skokkar Blómarósin mín léttilega upp og tekur nokkrar pásur svo hún verði ekki alveg langt á undan okkur hinum

Treysti á ykkur :)

Hvað haldiði??  Jú konan sem hefur ekki hreyft á sig rassgatið síðan hún varð ólétt af DraumaDísinni sinni hefur skráð sig í 10km í maraþoninu í ágúst, konan sem er að drepast í grindinni eftir fimm meðganganir hefur ákveðið að koma sér í "form" - jú það er ógeðslega vont að hlaupa en hey hetjan mín sem hefur þurft að ganga upp margar brekkkurnar hefur kvartað lítið sem ekkert.  Hún er mín hvatning og ég mun að sjálfsögðu hlaupa henni til heiðurs og þó svo ég verði kvalin í grindinni í hverju skrefi þá mun ég hugsa um allar hennar brekkur og halda ótrauð áfram.  Ég mun hlaupa til styrktar Styrktarfélagi krabbameinssjúkra barna sem er félagið sem hefur staðið þétt við bakið okkar í hennar veikindum og ég vona svo sannarlega að ég fái hvatningu frá ykkur og þið styrkið þetta flotta félag í gegnum mitt nafn.

Hérna er slóðin af styrktar"línunni" minni:
http://www.hlaupastyrkur.is/einstaklingar/keppandi?cid=21699

Ég, Óskar og Oddný Erla (10 ára)mín ætlum að hlaupa saman en Oddný Erla heimtaði að fá að hlaupa með okkur þegar hún heyrði að við ætluðum að skrá okkur en hún hefur fylgt systur sinni í þessu stríði og langar líka að hlaupa henni til heiðurs, hún er reyndar í þrusu formi enda æfir hún fimleika daglega einsog í sumar eru æfingarnar frá kl 10-16 alla virka daga nema í júlí fær hún frí en hún hefur samt aldrei hlaupið þessa vegalengd.

Ég er ofsalega spennt fyrir þessari áskorun - þetta er mín byrjun að koma mér í gott líkamlegt form.

Ég ætla að leyfa ykkur að fylgjast með mér í þessu verkefni...... endilega klikkið á linkinn og styrkið þetta frábæra félag.