Engin fyrirsögn

Hérna er Hinrik minn töffari en þessi var tekin af honum síðasta sumar.  Þessi drengur er gullmoli, rólegur, góður, dundari, mikill mömmupungur og finnst fátt skemmtilegra en að liggja í mömmukoti, hann getur jú að sjálfsögðu fengið frekjukast einsog flest börn, farinn að sýna smá gaura"stæla".  Bara yndislegur.

Theodór minn sem er líka mikill mömmupungur og finnst jafn gott að kúra í mömmukoti einsog hinum, hann er mikill gaur og elskar mikinn gauragang.  Orkumikill enda finnst honum fátt skemmtilegra en að fara á fimleika- og fótboltaæfingar.  Hann er mikill töffari og ef hann fengi að ráða þá væri hann í skyrtu og bindi alla daga. Flottastur!!

Þuríður mín er að fara í tjékk á fimmtudaginn og þá væntanlega verður ákveðið með nk. myndatökur sem ég vil fá síðasta lagi í maí en þá eru níu mánuðir síðan síðast.  Æji stundum finnst mér hún ofsalega óhamingjusöm en aðra daga hamingjusöm, finnst bara svo erfitt að geta ekki spurt hana hvað sé að angra hana.  Hún bara finnur ekki réttu orðin en langar samt svo mikið að segja mér, finnst þetta ótrúlega erfitt. 

Athugasemdir

[Bergljót Hreinsdóttir, 23.2.2010 kl. 19:50]

Baráttukveðja til ykkar hetjanna...sendi fullt af englum til að vaka yfir ykkur..þið eruð ótrúlegt fólk

[Sóllilja (IP-tala skráð) 23.2.2010 kl. 21:10]

Þið eigið yndisleg börn,það er nokkuð víst;) Ekkert er eins vont og þegar börnunum manns líður illa og þá sérstaklega þegar þau geta ekki tjáð sig um það......maður heldur oftast að maður viti hvað angrar þau en þorir ekki að vera með leiðandi athugasemdir því litlu skinnin segja stundum að maður hafi hitt naglann á höfuðið því þau eru fljót að sjá að það færir okkur ró en ég hef kynnst því að það er oft skotið framhjá. Ég vona svo innilega að hún Þuríður sé ekki með króníska verki sem eru að valda henni því að hún heldur að svona líði fólki bara og ekki taki því að nefna það því það kosti bara læknisferðir og rannsóknir og kannske döpur augu þeirra sem henni þykir vænst um. Börn eru bara svo klárar litlar manneskjur. Svo gæti líka auðvitað verið að þú læsir of mikið í hana afþví að þú ert alltaf á verði,auðvitað á hún sínu góðu og slæmu daga og mest í heiminum vona ég að þetta sé það.

Með miklum baráttukveðjum Sóla.

p.s hefurðu reynt taugaverkjalyfið Lyrica,hjálpar bæði með verki og svefn,maður veit ekki hvað er að sofa vel fyrr en maður á eina góða nótt

[Hólmfríður Bjarnadóttir, 23.2.2010 kl. 23:49]

Miklir töffarar þessi piltar. Góðar bænir fyrir ykkur öllum.