Biðin endalausa

Hvernig í andskotanum getur verið svona erfitt að ná í EINN mann.  Svíarnir eru nefnilega nánast búnir að samþykkja að fá Þuríði  mína til sín NEMA það þarf EINN "reynslubolti" að samþykkja hana sem er svona líka erfitt að ná í.  Arghh!!  Því þeir eru ekki vissir hvort þeir eigi að geisla bæði æxlin eða bara það "gamla" og þá eigi að fjarlægja hitt með aðgerð en það þarf þessi "reynslubolti" að samþykkja eða ákveða.  Svo er náttúrlega annað "vandamál" en skurðlæknirinn okkar fer í sumarfrí eftir næstu viku eða reyndar er hann kominn í sumarfrí en fer útá land eftir næstu viku og gerir þá engar aðgerðir og þá yrði hún aldrei skorin fyrr en í ágúst sem er náttúrlega HRIKALEGT!!  Hún má ekki bíða svona lengi.  Hva á  bara að leyfa æxlinu að stækka?  Já ég er nett pirruð eða reyndar mjög pirruð og er orðin andskotin leið á því hvað þeim er gefin langur tími, afhverju er svona hrikalega erfitt að ná í EINN mann?

Þuríði minni líður ótrúlega vel og læknirinn hennar er mjög hissa á því hvað hún lítur vel út svo æxlið er ekkert farið að bögga hana ENNÞÁ.  Eru þeir að bíða eftir því að það fari að gera eitthvað illt fyrir hana?  Nei ég bara spyr?  Já þetta er ÓÞOLANDI!!

Restinni af fjölskyldunni líður ágætlega, Oddný Erla mín telur niður dagana þanga til hún hættir á leikskólanum og það eru sem sagt þrír leikskóladagar eftir og þá mun væntanlega hefjast talning í fyrsta skóladaginn.  Ég og hún erum búnar að liggja í upp og niður pestinni, ógeðsleg pest!!  Theodór fótboltatöffari fylgist með HM og var að eignast Brasilíubúning sem lítur á sem gullið sitt og fer ekki úr honum, endalaust flottur!!  Hinrik litli mömmupungur er að fíla sig í leikskólanum en gargar samt alltaf af gleði þegar móðirin kemur að sækja hann.

Athugasemdir

[Hólmfríður Bjarnadóttir, 27.6.2010 kl. 19:43]

Átti þetta ekki að ganga hratt fyrir sig. Skil vel að þú sér örg og pirruð. Það verður bara að ákveða þetta sem allra fyrst. Vona bara að næsta vika færi ykkur niðurstöðu í málið. Gott að þið hafið það gott að öðru leit fyrir utan magaskotið. Bíð frétta og er hneyksluð á biðinni

[erla (IP-tala skráð) 27.6.2010 kl. 21:59]

 Sæl,þú þekkir ekki mig,en nú skil ég ósköp vel þig.Láttu bara heyra í þér á öðrum vettfangi!Ja,t.d. í fjölmiðlum,biddu um meiru hjálp.Gangi ykkur sem allra best ,það gengur þannig.

[Kristín ókunnuga (IP-tala skráð) 27.6.2010 kl. 22:14]

Skil ykkur mjög vel ég er líka örg og pirruð fyrir ykkar hönd svona eiga þessir hlutir ekki að vera. Sendi ykkur fullt fang af góðum óskum um að allt gangi vel í framtíðinni.

[Sólveig (IP-tala skráð) 28.6.2010 kl. 15:33]

Elsku þið öll

En hvað ég skil þennan pirring yfir biðinni, af því líka maður hefur ALLSEKKI biðlund í þessum aðstæðum.  Mér finnst reyndar skrítið þegar sagt er að það náist ekki í einhvern í nútíma samfélagi svo dögum skiptir.  Það er BOGIÐ.  Þó er auðvitað til í dæminu að hann sé með lokaðan síma vegna anna eða fría. En allavega er biðin hrikalega erfið.

Frábært er þó að stjarnan sýnir engin ný merki veikinda.  En hún bara verður að komast í meðferð.

Sendi kærleikskveðju í húsið

frá Sólveigu

[Bergljót Hreinsdóttir, 29.6.2010 kl. 15:05]

Æ, agalegt að bíða svona...á ekki aðleggja á neinn að vera í svoleiðis aðstöðu. Vonandi næst í þennan lækni sem allra fyrst svo Maistjarnan þín fái þá meðferð sem hún þarf til að ná bata. Vertu samt áfram bjatsýn...þetta hefst allt á endanum...<3

[Dagrún (IP-tala skráð) 30.6.2010 kl. 00:22]

Æ alveg er þetta eftir þeim að draga að svara , já það er hrikalegt þegar þarf að biða eftir svari , en vonandi fáið þið svar sem fyrst

hér var lika talið niður með leikskólan, alltaf gott að fá smá frí frá honum

kærleiksknús

kveðja að austan

[Kristín (IP-tala skráð) 1.7.2010 kl. 16:27]

Svooo taugatrekkjandi hjá ykkur en vonandi fer þetta að skýrast. Bið fyrir ykkur og sendi góða strauma

[Inga Sæland Ástvaldsdóttir, 2.7.2010 kl. 12:34]

Sæl baráttukona,  miðað við að þetta er svona sjaldgæft heima og lítil reynsla þar þá myndi ég drífa mig eitthvað annað með Maístjörnuna þína, þessir aðilar sýna ótrúlegan kulda og tillitsleysi og ég er hjartanlega sammála Erlu hér að ofan um að það er ástæða að fá fjölmiðla í lið með sér núna. Gangi ykkur vel í baráttunni .

[Rakel Sara Magnúsdóttir (IP-tala skráð) 2.7.2010 kl. 14:53]

Þetta er óþolandi! Ég var líka látin bíða eftir einum karli sem virðist enga virðingu bera fyrir tíma fólks. Ég skil vel að þú sért pirruð, hefur fulla ástæðu til !

Held áfram að hugsa til ykkar.