Sex ár á morgun

Á morgun eru komin sex ár síðan Maístjarnan mín veiktist fyrst, ætla ekkert að rifja upp þennan dag eitthvað sérstaklega þar sem ég hef gert það áður hérna.  Er löngu farin að þrá veikindalaust líf og henda áhyggjunum útí buskan en það er víst ekkert í boði og fáum víst aldrei að upplifa þann draum "aftur" þar sem tegundin af æxlinu er þannig.

Það styttist óðum í næstu rannsóknir og ég er hætt að hvílast á nóttunni vegna áhyggja, ég er gangandi vofa flesta daga.  Rannsóknirnar verða sem sagt 9.nóv en helgina á undan látum við stóra draum stjörnunnar minnar rætast einsog ég hef sagt áður og ég get ekki beðið.  Er að reyna hugsa frekar um drauminn en næstu rannsóknir en það gengur frekar erfiðlega.

Eiginmaðurinn búinn að vera í vinnuferð í Boston í nokkra daga en kemur heim í fyrramálið og akkurat þegar hann fer í burtu leggst ég að sjálfsögðu í gubbupest og ég verð nú að vera hreinskilin þá er það ekki það auðveldasta í heimi að vera með þessa pest og hugsa um fjögur stykki og þegar eitt þeirra er líka með pestina.

Ætla núna að leggjast undir sæng með börnin og horfa á imbann.

Athugasemdir

[Hulda Magg Elínardóttir (IP-tala skráð) 24.10.2010 kl. 19:45]

Úff!! Prófa orkudrykki og mega mega dekur, það lagar ekki mikið en kannski magapestina.

Gangi ykkur vel.

[Ragnheiður , 24.10.2010 kl. 20:57]

æj það er nú ekki skemmtileg pest ! Mér dettur ekki í huga að óska þér til hamingju með þennan minnisvarða...*hrollur*

Hafðu það gott

ég hlakka til að heyra um drauminn :)

[Sólveig Jónsdóttir (IP-tala skráð) 24.10.2010 kl. 22:37]

Batakveðjur og bíð spennt að heyra um drauminn. ;)

[Guðmunda (IP-tala skráð) 24.10.2010 kl. 23:28]

Ég var að lesa færlsuna þar sem þið fóruð á fundinn erfiða og hú hugsaðir hver hefur lifað af illkynja heilaæxli. Og talaðir um allar slæmu sögurnar og ekki kraftaverkin.

Svona til að vonandi róa hugann langar mig að segja þér að ég á frænku sem var með mjög stórt æxli við heila þegar það loksins uppgötvaðist. Það eru örugglega 5 eða 6 ár síðan þetta var og æxlið var skorið og geisla og lyfjameðferð fylgdi í kjölfarið að ég held.

Þessi kona er lifandi í dag og stundar sína vinnu sem hún gerði áður.

Langaði bara að koma með eina kraftaverkasögu, þær berast svo mun minna út en þessar slæmu.

[Guðrún ókunnug (IP-tala skráð) 25.10.2010 kl. 07:49]

Get ekki ímyndað mér hvernig er að vera búin að standa í veikindunum í 6 ár. Þið eruð hetjur!

Í gær voru 2 ár síðan ég fékk að vita hversu veikur strákurinn minn er og ég hef síðan þá þráð veikindalaust líf, sé ekki fram á það nærrum strax en ... eins og ég segji þá eru bara komin 2 ár hjá okkur... Þið eru duglegust!

[Áslaug Ágústsdóttir (IP-tala skráð) 25.10.2010 kl. 10:05]

Kæra nafna

Þið mæðgurnar eruð svo miklar hetjur,  Hún Þuríður er bara kraftaverk ekkert annað og þú svona dugleg í öllu sem þú gerir, er ekki að skilja alla þessa orku, það er einhver (eða einhverjir) þarna

uppi sem eru að passa upp á ykkur heldur betur.

Eigið þið öll bara góðan dag og næstu daga

hugsa til ykkar á hverjum einasta degi þó svo ég þekki ykkur

ekkert

kærleikskveðja

Áslaug (ókunnug)

[Sólveig (IP-tala skráð) 25.10.2010 kl. 11:25]

Kær ádáendakveðja í húsið.

Hópurinn örugglega fallegur undir sænginni, verra ef tveir eru gubbandi.

frá Sólveigu

[Emma Vilhjálmsdóttir (IP-tala skráð) 26.10.2010 kl. 01:54]

Leitt að heyra með gubbupestina ofaní allt hitt.  Hugsa alltaf sterkt til ykkar.  Bið fyrir ykkur og hetjunni ykkar. 

[Sigurður Haraldsson, 27.10.2010 kl. 00:05]

Kveðja af norðurlandi.

[Dagný (IP-tala skráð) 29.10.2010 kl. 09:08]

Sendi þér orku.

kveðja Dagný (ókunnug)