Niðurstöður

Það er engin hjöðnun í æxlinu síðan í byrjun des, 70% líkur á að þetta eru "bara" bjúg en það gæti líka verið einhver æxlisvöxtur í meininu en þetta er í fyrsta sinn sem þessi læknir okkar getur ekki sagt okkur 100% hvað er að ske "þarna uppi" og það er vont.  Maístjarnan mín á væntanlega að fara í einhverjar aðrar myndatökur sem eru alveg nýjar hér á landi en byrjað að nota í "útlandinu"til að fá betri niðurstöður.  Svo er fleira í stöðunni sem ég ætla ekkert að ræða hér.

Nei mér líður ekki vel við þessar niðurstöður (ég þrái svo mikið að heyra eitthvað gott), þetta er gjörsamlega að éta mig að innan og þessi helvítis óvissa er að ganga frá mér/okkur. 

Maístjarnan mín ákvað að kíkja í skólann í dag, verður í ca klukkutíma og það er ofsalega gott fyrir hana að komast aðeins út á meðal aðra en hérna á heimilinu.  Það var erfitt fyrir hana.  En núna þurfum við að fara byggja hana upp hægt og rólega (aftur og aftur á byrjendarreit) og það er SKÍTT að þurfa alltaf að byrja uppá nýtt.

Blómarósin mín á ótrúlega erfitt og það er rosalega erfitt að horfa uppá hana svona óhamingjusama og miklar áhyggjur af systir sinni.  Hún er gjörsamlega að horast niður (og ekki má hún við því að borða lítið) því henni er alltaf svo illt í maganum sem eru áhyggjur af systir sinni og 6 ára gamalt barn á ekki að þurfa hafa svona miklar áhyggjur. 

Athugasemdir

[Lilja (ókunnug) (IP-tala skráð) 3.2.2011 kl. 08:38]

Mikið er þetta ömurlegt og óréttlátt, var búin að kíkja margoft inn eftir góðum fréttum, furðulegt hvað ókunnugt fólk getur snert mann. Finnst líka hræðilegt að lesa um hvað litla systirin tekur þetta nærri sér, ekkert ungt barn á að þurfa að hafa svona miklar áhyggjur.

Bið um kraftaverk fyrir ykkur og sendi ykkur fallegar hugsanir og þið eruð í bænum mínum.

[Begga Kn. (IP-tala skráð) 3.2.2011 kl. 08:56]

úff... erfitt að fá ekki 100% svör um það sem er að gerast :-(

Vona að uppbyggingin gangi vel hjá ykkur þó að það sé að sjálfsögðu hundfúlt að vera alltaf aftur og aftur á byrjunarreit.

Baráttuknús og -kveðjur til ykkar...

[4 barna mamman (IP-tala skráð) 3.2.2011 kl. 09:11]

Elsku vina...mikið er þetta erfitt og óvissan er það versta.  Finn til með ykkur og vildi að ég gæti gert eitthvað fyrir ykkur!  En það er ekkert annað í stöðunni en að halda áfram og auðvita er erfitt að vera á byrjunarreit. Mundu að þið standið ykkur gríðarlega vel, þið eruð öll hetjur hvunndagsins.  Litla blómarósin æi litla skinnið þetta er gríðarlega erfitt fyrir hana.  Ætla að tendra ljósin og ætla að hafa þau 6.

Guð gefi ykkur góða daga, styrk og trú.

Með kærleikskveðju 4 barna mamman

[Lilja Sigmarsdóttir (IP-tala skráð) 3.2.2011 kl. 09:14]

Knús og kremjur, manni langaði svo að heyra góðar fréttir með ykkur, óvissan er skelfileg... gangi ykkur vel með að byggja ykkur öll upp... maður hugsar um Blómarósina sem litla konu, skinnið litla að taka svona inn á sig.. enn og aftur knús og kremjur og baráttukveðjur!

[Hrundski (IP-tala skráð) 3.2.2011 kl. 09:17]

Krossum áfram putta og tær og vonum.

Knúss á ykkur

[Helga (IP-tala skráð) 3.2.2011 kl. 09:23]

Já, þið hefðuð viljað fá betri fréttir, óvissa er alltaf erfið, en vonandi sýna þessar nýju myndir að þetta sé bara bjúgur.  Það er góðs viti að Þuríður vilji sjálf fara í skólann og ótrúlegt hvað hún er alltaf dugleg.  Með svona "kraftakerlingu" mun ganga vel að byggja upp aftur, þó það sé ekki gaman að þurfa að gera það aftur og aftur.

Ég held áfram að biðja fyrir ykkur, að þið haldið styrk og að allt gangi vel.

Kveðja - Helga

[Birna Dis Vilbertsdóttir (IP-tala skráð) 3.2.2011 kl. 09:31]

Guð gefi ykkur styrk

[Sólveig (IP-tala skráð) 3.2.2011 kl. 09:35]

Elsku hjartans þið öll, ég er algerlega sammála ÞETTA ER SVO ÓRÉTTLÁTT, ERFITT og ÖMURLEGT.

Ég var farin að óttast SLÆMAR niðurstöður af því þú bloggaðir ekkert fyrr en í dag, en að fá svo sem ekki niðurstöður eins og í dag annað en að það er ekki minnkun, en svo einhver óvissa, það er enn ein viðbótin á kvíðann og vanlíðanina. Eins og þú og þið sjáið á innlitunum þá er fólk um allt land með hnút í maganum með ykkur, en ég veit vel að það minnkar ekki ykkar.

Ég frekar en aðrir sem hér fylgjast með ykkur get svosem lítið sagt eða gert sem að gagni getur komið því miður, en held áfram af alhug að senda til ykkar fyrirbænir og fallegar hugsanir með aðdáun á ykkur öllum, því ykkar aðstæður eru hörmulegar hvað varðar Þuríði, en ykkur tekst það sem alls ekki öllum tekst að lifa lífinu fallega og ríkulega þegar tækifæri gefast, og það er það sem gerir ykkur svo einstök og aðdáunarverð.

kærleikur og ljós í húsið og til allra ykkar.

frá Sólveigu

[Halldór Jóh. (IP-tala skráð) 3.2.2011 kl. 09:40]

<3 á alla...

Kærleikskveðja..

[Ragnheiður Rafnsdóttir (IP-tala skráð) 3.2.2011 kl. 09:41]

Elskulega fjölskylda, þið eruð rosalega dugleg og þetta er hræðilega ósanngjarnt...Vona að það komi góðar niðurstöður úr myndatökunni þessari nýju og gefi ykkur von um bjartari tíð....Knús á ykkur öll og ég skil hvað það hlýtur að vera erfitt að horfa upp á barnið sitt svona veikt og eins hin börnin þau auðvitað eiga hræðilega erfitt...Litla blómarósin ætti ekki að þurfa að hafa áhyggjur 6 ára....Gangi ykkur vel...

[gþ (IP-tala skráð) 3.2.2011 kl. 10:17]

Þetta eru erfiðar fréttir, tek undir með Lilju, þetta með ókunnugt fólk, ég er mikið búin að hugsa til ykkar, það er ekkert sárara en sjá börnin sín þjást og geta svo lítið gert.

Sendi ykkur góðar hugsanir yfir fjöll og heiðar. gþ

[Jóhanna G. Ól (ókunnug) (IP-tala skráð) 3.2.2011 kl. 10:35]

Knús á ykkur öll. Sendi ykku kærleiksljós,  baráttukveðjur og óskir um góðan bata

[Sólveig Jónsdóttir (IP-tala skráð) 3.2.2011 kl. 10:43]

Þegar  líf 4 yndilegra systkina einnkennist af hræðslu, kvíða endalausum áhyggjum. Og ég tali ekki um foreldrana, þá er ekki hægt annað en að taka það nærri sér. Svo mig undrar ekki innlitið á þessa síðu.

Ég sendi ykkur áfram hlýjar hugsanir og kveiki á kertum fyrir ykkur. Vona að þið eigið yndislega helgi framundan.

Það ætla ég að gera. Kíki svo hér inn eftir helgina. Knús á ykkur

og smá auka knús á Blómarósina sem þarf virkilega á því að halda.

Knús á ykkur. 

[Hólmfríður Bjarnadóttir, 3.2.2011 kl. 11:05]

Hvað er hægt að segja við foreldra og systkyni sem bíða í angist eftir staðfestum fréttum af veiku barni. Jú, ég hugsa mikið til ykkar, bið fyrir ykkur og sendi ykkur öllum orku og kærleika. Ég ætla að trúa því að það sem er "þarna uppi" sé bjúgur en ekki stækkun á æxlinu. Knús í kotið

[Dagbjört Jakobsdóttir (IP-tala skráð) 3.2.2011 kl. 11:13]

Elsku öll þetta er erfitt ég hugsa til ykkar dag og nótt .

stórt knús  kv . Dagbjört

[Sigga (IP-tala skráð) 3.2.2011 kl. 11:42]

Elsku fallega fjölskylda

Ég fæ tár í augun og horfi á lyklaborðið og veit ekkert hvað ég á að skrifa

Ég ætla að taka undir hvert orð hennar Hólmfríðar Bjarnadóttur og sendi ykkur allar mínar fallegustu hugsanir og kærleik

[Kristín (ókunnug) (IP-tala skráð) 3.2.2011 kl. 12:40]

Kæra fjölskylda

Vona svo heitt og innilega að ný myndataka gefi ykkur betri svör. þetta er hræðilegt álag og erfitt fyrir ykkur öll. Vona svo sannarlega að blómarósin ykkar finni rétta leið út úr sínum kvíða.

krossa putta og vona það besta fyrir ykkar hönd

kveðja

Kristín

[Dagrún (IP-tala skráð) 3.2.2011 kl. 12:51]

Elsku fjölskylda , tek undir þeim orðum sem er skrifuð hér að ofan ,

hugsum til ykkar og sendum ykkur góðar bænir

kærleiksknúskveðjur að austan :)

[Bylgja (IP-tala skráð) 3.2.2011 kl. 13:04]

Óvissa er hræðileg, getur étið mann að innan og magnar upp áhyggjurnar. Sendi strauma

[Bryndís (IP-tala skráð) 3.2.2011 kl. 13:14]

Kæra fjölskylda... Guð veri með ykkur, blessi ykkur og gefi ykkur styrk,kærleika og ljós. 

[dísa (IP-tala skráð) 3.2.2011 kl. 13:23]

Finn fyrir sársauka í hjartanu, vildi að ég gæti borið áhyggjurnar fyrir ykkur í nokkra daga. Þið eruð einstök, og ég sendi ykkur styrk í bænum mínum. Ég vil trúa því að kraftaverkin gerist. Elsku mömmuhjarta sendi þér og þínum fallegar hugsanir og hvatningu.

Mér þykir vænt um ykkur þó ég sé ókunnug.

Kær kveðja

[Elín (IP-tala skráð) 3.2.2011 kl. 15:29]

Kæra fjölskylda, leiðinlegt að heyra en vonandi fer allt vel því tæknin er alltaf að þróast og læknarnir eru alltaf að geta gert meira og meira.

Kær kveðja.

Elín.

[Guðrún unnur þórsdóttir, 3.2.2011 kl. 15:32]

elsku þið öll ég vildi að ég gæti hjálpað ykkur en ég sendi batasrauma og knús til ykkar allra og aukaknús á litlu Blómarósina .svona litið barn á ekki að þurfa að hafa áhiggur svona ungt .mer þykir lika vænt um ykkur þó ég sé ókunnug

[Fríða (IP-tala skráð) 3.2.2011 kl. 15:32]

Kæra fjölskylda. Ég er búin að kíkja örstutt í einu og vonast eftir að sjá stórt YES!! eða VÁ!! en ekkert kom í heillangan tíma að því að mér fannst. Það boðaði ekki gott.

Vonandi náið þið og Maístjarnan ykkar að reisa ykkur aftur upp á lappirnar og ýta þessum andskota í burtu. Hin börnin ykkar mótast því miður af þessu og eyða æsku sinni í allt aðra hluti en þau ættu að gera. Sem betur fer hafið þið svo gott fólk í kringum ykkur sem eru dugleg að gera þeim lífið aðeins bærilegra. Það eiga engin börn, hvorki 2ja, 5 né 6 ára að þurfa að ganga í gegnum svona.

Get varla hugsað þá hugsun til enda að þau hin "neyðist" til að fara í skóla/leikskóla þegar þau vilja frekar hlúa að systur sinni og bjarga henni.

Knús á ykkur kæru hjón og gangi ykkur vel

[Hanna (IP-tala skráð) 3.2.2011 kl. 15:41]

Elsku fjölskylda.

Þetta er sárt - svo sárt.  Veit ekki hvað ég á að segja.  En... við vonum það besta að sjálfsögðu.

Sendi ykkur allar mínar bestu hugsanir, strauma og ást.

Hanna

[Hildur (IP-tala skráð) 3.2.2011 kl. 15:44]

Þið eruð algjörar hetjur og ekki gefast upp. Stundum gerast kraftaverk þegar maður býst hvað síst við þeim.

Vonin og jákvæðnin geta ýtt manni langt.

 Lítil frænka mín er að ganga í gegnum svipaða lífsreynslu og Perlan ykkar nema þar er móðir sem er lasin og hún á voða erfitt litla skinnið.  En við prófuðum að fara með hana í dansþerapíu og það hafa orðið breytingar á líðan hennar. Hún dansar frá sér áhyggjur, reiði og vonleysi.  Kannski hafið þið skoðað alla svona möguleika.

Vildi bara benda ykkur á þetta.  Það er alltaf auðvelt að gefa ráð og þið fáið líklega tugiþúsunda ráða og ábendingar.

 Gangi ykkur rosalega vel og við biðjum allar góðar vættir að vaka yfir ykkur og senda ykkur baráttustrauma.

[Hrönn. (IP-tala skráð) 3.2.2011 kl. 18:31]

Yndislega fjölskyldan öll,erfiðar fréttir fyrir okkur sem bara fylgjumst með,það er engan vegin hægt að setja sig í ykkar spor,en hægt er að læra mikið af ykkur,aldrey gefast upp ,altaf sterk, og til mikillar fyrirmyndar,en þetta eru mjög sársaukafullar fréttir,kveikji bara á öðru kerti og sendi allar heimsins bestu verndarengla til ykkar,baráttu kærleikskveðjur .Hrönn.

[Bryndís (IP-tala skráð) 3.2.2011 kl. 20:23]

Sendum hlýjar hugsanir til ykkar xxxx

Búin að kveikja á kertum og krossum putta xxx

Gangi ykkur alltaf sem best!!

Kveðja // Bidda

[fjögurra_dætra_móðir (IP-tala skráð) 3.2.2011 kl. 20:46]

Þetta var sárt að heyra en mikið á hún gott að eiga ykkur öll að og mikið dáist ég að kjarki þínum og dugnaði.  Ég vona innilega að hennar mál skýrist sem fyrst, það er ekki á það bætandi að þurfa að lifa við þessa óvissu.

[Hjördís Blöndal (IP-tala skráð) 3.2.2011 kl. 22:13]

Sendi ykkur mínar bestu kveðjur og hlýjar hugsanir . Guð gefi ykkur styrk og kærleika .

[Ragnheiður , 4.2.2011 kl. 00:33]

Hjartans litla systirin svo blíð og góð. Ég vonaðist líka eftir góðum fréttum en við bíðum öll með þér elsku Áslaug mín.

Guð styrki þig og þitt fólk í biðinni

[Ingibjörg Sigurðardóttir (IP-tala skráð) 4.2.2011 kl. 08:23]

Kærleikskveðja til ykkar allra

[Berglind (ókunnug) (IP-tala skráð) 4.2.2011 kl. 09:48]

Æ ég vonaði svo innilega að þið fengjuð góðar fréttir. Óvissan er vond, en vonandi fáið þið góð svör með nýjum myndatökum. Óska ykkur alls hins besta.

[Kristín (IP-tala skráð) 4.2.2011 kl. 09:57]

Yndislega fjölskylda, bið fyrir ykkur og kveiki ljós.

[Bryndís J (IP-tala skráð) 4.2.2011 kl. 10:15]

sendi ykkur hlýjar kveðjur,ljós og kæleika..Guð veri með ykkur..

[Laufey (ókunnug) (IP-tala skráð) 4.2.2011 kl. 10:46]

En sárt að heyra að ekki komu betri niðurstöður en þetta. Mikið vildi ég óska þess eins og svo margir aðrir að hægt væri að gera eitthvað fyrir ykkur, losa um áhyggjurnar fyrir ykkur og að þið öll gætuð lifað því áhyggjulausa lífi sem þið eigið skilið. Held áfram að hugsa fallega til ykkar og vona að birti til hjá ykkur öllum sem fyrst.

[Ingibjörg (IP-tala skráð) 4.2.2011 kl. 10:58]

Gangi ykkur sem allra best í þessari erfiðu baráttu. vona svo innilega  að yndilega stelpan ykkar nái bata. Hugsa til ykkar!!

[Helga (IP-tala skráð) 4.2.2011 kl. 17:02]

Eigið þið góða helgi fallega fjölskylda

Kveðja - Helga

[Sæunn ókunn (IP-tala skráð) 5.2.2011 kl. 00:06]

Knús á ykkur kæra fjölskylda,  baráttukveðjur og óskir um góðan bata

[Berglind (IP-tala skráð) 5.2.2011 kl. 01:08]

Langaði í góðar fréttir handa ykkur yndislega fjölskylda. Guð veri með ykkur. 

[Thorgerdur (IP-tala skráð) 5.2.2011 kl. 03:37]

Elsku Aslaug. Sendi minar einlaegu kvedjur til ykkar allra.

[Ásdís Steingrímsdóttir (IP-tala skráð) 5.2.2011 kl. 20:13]

Elsku Áslaug.

Mikið var ég að vonast eftir betri fréttum en þetta:o(  En vonandi koma þær eftir nýju myndatökurnar, ég held að blómarósin ykkar þurfi á því að halda að fá mömmudag eða annars konar sambærilegan dag.  Það hlýtur að vera ofboðslega erfitt að lifa við það að vorkenna systur sinni alla daga og vera stressaður yfir vanlíðaninni hjá henni, hvað þá þegar maður er svona ungur.  Ég vona að þið getið fundið tíma til að eyða í eitthvað skemmtilegt eins og þið eruð svo dugleg að gera þrátt fyrir allt! 

Knús og kossar

[Halla (IP-tala skráð) 6.2.2011 kl. 14:38]

Hugsa til ykkar með einlægri von um betri daga fyrir ykkur öll.