Hausverkur.is

Maístjarnan mín er búin að vera kvalin í höfðinu síðustu daga, verkjatöflurnar gera lítið sem ekkert fyrir hana.  Hún leggur sig flesta daga enda orkan ekki uppá sitt besta, við fórum í fermingarveislu í gær og ég var dáltið kvíðin fyrir henni því maður veit aldrei hvernig formi Maístjarnan mín er í dag eða á morgun en stúlkan naut sín bara í botn og kvartaði lítið sem ekkert.  En núna er hún búin að taka inn sína fyrstu verkjatöflu og ætlar að leggja sig þó svo hún sé nývöknuð.  Við ætlum líka að hringja í doktor Óla á eftir og ath hvort það sé ekki hægt að lina verkina hennar eitthvað, það er ekki hægt að hafa kvalda í höfðinu alla daga þá eru nú sterarnir betri lausn.  Sterarnir eru greinilega að renna vel af Maístjörnunni minni og þrýstingur að myndast í æxlinu fyrst að hún er svona kvalin alla daga.  Hvort vil ég vera vakandi flestar nætur með henni, búandi til mat eða hafa kvalda í höfðinu alla daga?? Engin spurning hvort, ég get sofið síðar.

Það er reyndar smá "vandamál" með svefninn hennar þar sem hún neitar að sofa í rúminu sínu, finnst það vont og sefur þá bara á gólfinu í staðin.  Við keyptum nýtt rúm handa henni í haust þar sem Hinrik var að komast í "fullorðinsrúm" og fékk hennar og við ákváðum að vera ekkert að kaupa eitthvað of dýrt og fórum "bara" í rúmfatalagerinn ENN oft er ekki gott að reyna spara eitthvað í svona kaupum kemur bara í bakið á manni síðar greinilega.  Við þurfum sem sagt að kaupa aftur rúm handa og þá eitthvað "lúxus" svo hún fái nú almennilegan svefn og þjáist ekki í líkamanum.

Hún er orðin rosalega spennt fyrir páskunum, systkinin voru reyndar ekki sátt þegar við sögðumst ætla að kaupa "bara" páskaegg nr.4 handa þeim, þeim fannst það einum of lítið svo því var breytt.  Fjölskyldan okkar beggja megin ætlar að koma til okkar um helgina og við ætlum öll að spila bingó, krakkarnir elska það og við líka að sjálfsögðu.  Við ætlum annars að hafa notalega og skemmtilega páska, allt verður ákveðið hvernig líðan Maístjörnunnar minnar verður.

Svo styttist óðum í afmæli Blómarósarinnar, hér eru niðurtalning í gangi og mikill spenningur.

En annars erum við á leiðinni uppá spítala, vonandi að hitta doktor Óla og svo er ég með páskabingó fyrir krakkana á leikstofunni, fékk Audda og Sveppa til að vera bingóstjórar.  Að sjálfsögðu fá strákarnir frí eftir hádegi í leikskólanum, hitta stjörnurnar sínar og spila bingó.  Fullt af páskaeggjum í vinning, ásamt miklu meira þökk sé flottum fyrirtækjum .

Eigið góða daga, við ætlum að reyna njóta þeirra einsog við getum.
XOXO

Athugasemdir

[Halla Magnúsdóttir (IP-tala skráð) 18.4.2011 kl. 10:45]

Æ, hvað er leiðinlegt að heyra um litlu Þuríði.

Vonandi getur Doktorinn eitthvað hjálpað.

Sendi ykkur alla mína bestu strauma.

Hafið það sem allra best.

Bata og kærleikskveðjur.

Halla fr.

[Þorgerður (IP-tala skráð) 18.4.2011 kl. 16:16]

Kærleikskveðjur til ykkar allra.

[Kristín (IP-tala skráð) 18.4.2011 kl. 17:33]

[Guðrún unnur þórsdóttir, 18.4.2011 kl. 17:40]

knús til ykkar allra

[Hólmfríður Bjarnadóttir, 18.4.2011 kl. 19:03]

Knús og kærleikur til ykkar allra

[Halldór Jóh. (IP-tala skráð) 18.4.2011 kl. 19:35]

Knús á ykkur elskulega fjöls...

[Dagbjört jakobsdóttir (IP-tala skráð) 18.4.2011 kl. 20:20]

knús til ykkar allra  

kv Dagbjört

[hrafnhildur Jóhannsd (IP-tala skráð) 18.4.2011 kl. 23:58]

Æ hvaþ það er sorgelgt að Dúllan sé svona kvalin i höfðinu..Allar góðar vættir vaki yfir ykkur öllum.. Gleðilega páska og góða skemmtun með bingóið..

[Ragnheiður , 19.4.2011 kl. 07:15]

Kærleikskveðja til ykkar og gleðilega Páska.

[Olafia Z (IP-tala skráð) 19.4.2011 kl. 17:02]

Ég keypti afskaplega góða yfirdýnu í Ikea í vetur. Hún heitir Sultan Tafjord og hér er slóðin á hana. Má nota hana með venjulegri dýnu.

 http://www.ikea.is/products/8203

Hún er ekkert mjög ódýr en ótrúlega góð og lagar sig að líkamanum.

 Batnaðarkveðjur!

[Jóhanna (IP-tala skráð) 19.4.2011 kl. 22:05]

Dugleg, dugleg, dugleg.  Þið eruð svo endalaust dugleg.

[Jóhanna (IP-tala skráð) 20.4.2011 kl. 08:49]

Bataknús, kveiki á kerti fyrir ykkur öll.

[Kristín S (IP-tala skráð) 20.4.2011 kl. 13:41]

HAHAHAH, auðvitað var páskaeggjastærðinni bara breytt :) Kannast við þetta af mínu heimili :)

Vildi óska ykkur gleðilegra páska og vonandi getið þið notið lífsins og gert skemmtilega hluti og átt góðan tíma saman.

bestu kveðjur

Kristín S

[Sólveig (IP-tala skráð) 20.4.2011 kl. 18:10]

Elsku fallega stórfjölskylda

Á síðasta vetrardegi segi ég gleðilegt sumar og í tilefni komandi páskafrís segi ég líka gleðilega páska.

Bið Guð að gefa að þið getið notið þessara frídaga, eins og ykkur er einum lagið. Og að STJÖRNUNNI okkar líði vel, og auðvitað ykkur öllum.

Risastórt knús til allra í húsinu ykkar.

frá Sólveigu

[Sigrún og co (IP-tala skráð) 20.4.2011 kl. 18:42]

Elsku "þið öll" !

vona að þið eigið góða, skemmtilega og verkjalausa páskahelgi framundan sem þið getið notið með stórfjölskyldunni

Baráttu-kærleiksknús til ykkar

[Helga (IP-tala skráð) 20.4.2011 kl. 19:32]

Kæra fjölskylda

Vonandi eigið þið yndislega páskahelgi.

Kveðja - Helga

[Dagrún (IP-tala skráð) 20.4.2011 kl. 21:11]

hæhæ

æ leiðinlegt að heyra þetta , vonandi hefur læknum tekist að gera einhvað fyrir hana .

Nú það eru á fleirri bæjum sem er verið að kvarta yfir stærðini á páskaeggjum  hehe :)

Vona að þið eigðið skemmtilega og verkjalausa páskahelgi

kærleiksknúskveðjur til ykkar og eigði gleðilega páska

kveðja að austan  

[Guðný Elísabet Einarsdóttir (IP-tala skráð) 21.4.2011 kl. 15:21]

Gleðilegt sumar og páskar. Sendi ykkur baráttukveðjur. Vonandi gengur ykkur vel í baráttunni og hún Þuríður hafi betur

[Sólveig Jónsdóttir (IP-tala skráð) 22.4.2011 kl. 11:48]

Sæl Áslaug. ég er búin að vera erlendis í 1 viku og lítið komist í tölvu. Svo nú nú varð ég að kíkja og sjá hvernig þið hefðuð það. Leitt með höfuðverkinn. Vona að þið eigið yndislega páskahelgi. Gleðilega páska og gleðilegt sumar, kæra fjölskylda.