Töffararnir mínir

Langaði að koma með nokkrar myndir af aðal töffurum mínum (fyrir utan Óskar að sjálfsögðu) sem eru í aðlögun á nýjum leikskóla(Óskar er sko ekki í aðlögun), komnir í "sveita"leikskólann okkar.  Þetta er dáltið erfitt fyrir mömmuhjartað þar sem eldri töffarinn ældi af kvíða í gærmorgun þegar hann átti að fara, saknar vinanna svo mikið og sá yngri grenjar "ég ekki fara í nýjan leikskóla".  En ég veit að þeir verða sáttir eftir ekki svo langan tíma "góðir hlutir gerast hægt".

Fyrr í vikunni fóru töffararnir með elsta töffaranum á heimilinu í Hetjulund sem er verðandi hvíldarheimili Styrktarfélag krabbameinssjúkra barna, rosalega flott og verður vonandi vígt eftir ekki svo langan tíma þökk sé fólkinu í landinu að þetta hvíldarheimili varð að veruleika.  Við getum ekki beðið með að fara þangað og hvíla okkur aðeins og eiga góðan og notanlega tíma saman.  En hérna eru nokkrar frá þeim degi sem var æðislegur fyrir gaurana mína:

Theodór minn mjög einbeittur í gröfuvinnunni en hann fékk að hjálpa til með jarðveginn svo það sé hægt að fara gera pallinn.  Þetta fannst honum BEST og SKEMMTILEGAST í heimi, þarf ekki mikið til að gleðja 5 ára gaur og töffara.

Svo var það nestis-tími í góða veðrinu, enda þurfa vinnumenn að fá smá pásu inná milli en í baksýn sjáiði Hetjulund sem er að verða stór glæsilegur.

Hinrik minn Örn var meira fyrir það að slappa af í þessari ferð, kom ekki of nálægt gröfunni eða vinnumönnunum.

Bara flottur dagur hjá strákunum mínum sem er bara byrjun á góðu sumri, næst á dagsskrá er að finna einhverja sveit sem við getum séð litlu lömbin.

Eigið góðan dag en dagurinn í dag byrjar yndislega en Blómarósin mín á von á 13 fimleika-vinkonum í smá partý í dag og svo er alveg að koma að Maístjörnu-partýi.

Athugasemdir

[Guðrún unnur þórsdóttir, 11.5.2011 kl. 13:36]

flottar myndir knús til ykkar

[Hafdís (IP-tala skráð) 11.5.2011 kl. 16:51]

Skemmtilegar myndir af strákunum þínum og gaman að sjá hvað Hetjulundur er að verða flottur.

Þar sem þú ert að tala um að þig langi að finna einhverja sveit þar sem hægt er að sjá litlu lömbin, þá langar mig að benda þér á Hraðastaði í Mosfellsdal (stutt að fara). Ég fór þangað um daginn með bekkinn minn og við áttum yndislegan dag :) Fullt af nýfæddum lömbum, kettlingum og hvolpum og allir fengu að halda á dýrunum - algjörlega dásamlegt. Bóndakonan á bænum heitir Nína og sagði að það væru allir velkomnir, en best væri að koma seinnipart dags. Hún tekur 500 kr. fyrir hvert barn.

Sumarkveðjur,

[gþ (IP-tala skráð) 11.5.2011 kl. 20:58]

Kvitta fyrir innlitið með bros á vör og gleði í hjarta ykka vegna.

kv gþ

[Ragnheiður , 12.5.2011 kl. 16:52]

HAHAHAHA..! Myndin af Hinrik er svo brjálæðislega fyndin hahaha. Yndislegastur hahaha

Nú mun ég hlæja í allan dag.

Takk elsku Áslaug, gleðigjafi

[Kristín (IP-tala skráð) 12.5.2011 kl. 17:40]

[Sólveig Jónsdóttir (IP-tala skráð) 13.5.2011 kl. 17:23]

Töffararnir flottir!!! Það er stundum gott að vera latur!

Eigið góða helgi kæra fjölskylda.

 ÁFRAM ÍSLAND!!!!