GÓÐ tilfinning...

Ég hef ROSAlega góða tilfinningu fyrir fimmtudeginum þrátt fyrir mikla krampa og lömunareinkenni, ég trúi því að þetta er "bara" vegna bólgna sem hafa myndast eftir síðustu meðferð Maístjörnu minnar.  Við hjónin erum allavega búin að panta okkur leikhúsferð á laugardaginn og ætlum að fagna góðu fréttunum sem við fáum á fimmtudaginn en ekki hvað?  Jú ég er að bilast úr kvíða en ég trúi því bara að "þessi þarna uppi" fari að hlusta á bænirnar okkar sérstaklega bænir Maístjörnu minnar sem endar alltaf bænina sína á því "góði guð viltu láta mig hætta krampa" og hvernig er hægt að hundsa svoleiðis bæn?  Nei það er bara ekki hægt.

Við fáum niðurstöður strax á fimmtudeginum eða rétt eftir rannsóknirnar ef allt fer að óskum þar að segja ef að bestasti sérfræðingurinn okkar verði ekki kallaður í aðgerð.  Sérfræðingurinn á fjölskyldu en er samt alltaf laus fyrir "sitt fólk", hann hugsar ofsalega vel um "sitt fólk" en lætur vita þegar hann fer í frí eða það var svoleiðis þegar við vorum að bíða eftir dagssetningu fyrir Maístjörnuna til Svíþjóðar í fyrra.  Hann fann sér samt tíma tli að sinna okkar barni þrátt fyrir að vera í fríi sjálfur, maður með hjarta.  Auðvidað er þetta ekki sjálfsagt og ég er mjög þakklát honum að sinna Maístjörnunni minni og okkur svona vel, hann talar líka "mannamál" við okkur en ekki einhver flókið læknamál sem við skiljum ekki.  Einsog ég gleymi því aldrei þegar hún greindist aftur í fyrra og hann kom í líf okkar (sem ég hefði að sjálfsögðu betur viljað sleppa) og við vorum á fundi með honum "sko ef þetta væri þið (ég og Óskar) sem væruð að greinast með þetta þá væri ég ekki bjartsýnn en ég er ALLTAF bjartsýnn þegar börn greinast með "svona", ALLTAF!  "Jú þetta er ólæknanlegt, en ólæknanlegt getur maður verið með alla ævi".  Það er ofsalega gott að tala við sérfræðinginn okkar sem er okkur mikilvægt því hann fer í okkar spor og reynir að skilja okkar líðan.

Ég trúi því að Maístjarnan mín fái veturinn til að byggja sig upp og komi í þrusu formi eftir ár, hún ætlar sér svo margt.  Ef hún fengi að ráða þá væri hún í sjúkraþjálfun alla daga svona án gríns, hún ELSKAR þjálfunina sína þrátt fyrir að hún sé erfið og hún kanski alveg búin á því.  Sjúkraþjálfinn hennar er mjög hissa á því hvað hún er spennt að mæta í tímana til hennar en flest börn eru ekki svoleiðis, þær eru bara FULLKOMNAR saman. 

Næsta færsla sem kemur hingað inn verður ofsalega góð, ég trúi því! Sem sagt niðurstöður strax á fimmtudaginn.  GETA, ÆTLA, SKAL!!!

Fallegar hugsanir samt vel þegnar.
XOXO

Athugasemdir

[Helga Arnar (IP-tala skráð) 6.9.2011 kl. 11:01]

haugur af fallegu hugsunum til ykkar! Þið GÆS-ið þetta í drasl ;)

Baráttukveðja,

Helga

[Sólveig (IP-tala skráð) 6.9.2011 kl. 11:25]

Allar mínar bestu og fallegustu hugsanir til ykkar allra elsku duglega Áslaug Ósk

Svo sannarlega trúum við og vonum að sá á efri hæðinni sé ÖRUGGLEGA búin að fá óskina hennar Þuríðar til sín, þó endalaust streymi til hans óskir og beiðnir

Kærleiks og aðdáunarkveðjur á hópinn allan

frá Sólveigu

[Ásdís (IP-tala skráð) 6.9.2011 kl. 11:43]

Ég sendi ykkur mínar bestu óskir og trúi því eins og þið að þetta verði góð læknisheimsókn. KNÚS á ykkur öll og ég hlakka til næstu færslu. Ásdís

[helga (IP-tala skráð) 6.9.2011 kl. 12:16]

Ég sendi ykkur mína allra bestu strauma.  Ég er líka sannfærð um að þið fáið góðar fréttir á fimmtudaginn.  Góðir hlutir gerast hægt og ég er viss um að Maístjarnan mun geta notað veturinn til að byggja sig upp.

Trú, von og kærleikur - Helga

[Kristín (IP-tala skráð) 6.9.2011 kl. 12:25]

Sendi alla mína góðu strauma og bænir til ykkar

[Dagbjört (IP-tala skráð) 6.9.2011 kl. 14:05]

Sendi ykkur mínar fallegustu hugsanir :) Gangi ykkur vel!

[Ingibjörg (ókunnug) (IP-tala skráð) 6.9.2011 kl. 14:23]

Sendi ykkur bestu óskir um gleðilegar fréttir.

Guð styrki ykkur.

[Hrund (IP-tala skráð) 6.9.2011 kl. 14:57]

Krossum putta og tær.

Knús á alla þína

[María Jónsdóttir (IP-tala skráð) 6.9.2011 kl. 21:12]

Sendi ykkur alla mína góðu strauma.

kv.maja

[Guðrún unnur þórsdóttir, 6.9.2011 kl. 21:15]

ég sendi ykkur góða strauma og krossa putta og tær .

knús til ykkar allra 

[Sólveig Jónsdóttir (IP-tala skráð) 6.9.2011 kl. 21:23]

Sendi ykkur extra mikið af góðum straumum og fallegum hugsunum.

Knús á ykkur ÖLL!!!

[Valdís Jónsd. (IP-tala skráð) 6.9.2011 kl. 22:28]

Krossa tá og fingur um að niðurstöðurnar verði eins góðar og hægt er:). Þið eigið hreinlega ekki annað skilið en allt það besta.

 Gangi ykkur vel!

Kveðja, Valdís

[Ragnheiður , 7.9.2011 kl. 07:07]

Fallegustu hugsanirnar sem ég á fáið þið. Við viljum bara góðar fréttir og að Guð hlusti á bænir lítillar telpu !

knús

[Bylgja (IP-tala skráð) 7.9.2011 kl. 07:23]

Sendi hlýja strauma og ósk um gott gengi

[Sissa (IP-tala skráð) 7.9.2011 kl. 08:21]

Gangi ykkur rosalega vel. Hugsa mikið til ykkar!

[Þórleif (IP-tala skráð) 7.9.2011 kl. 08:45]

Bestu óskir um góðar fréttir á fimmtudaginn  

[Sólveig (IP-tala skráð) 7.9.2011 kl. 15:25]

Elsku þið öll

Gef mér að hnúturinn sé farinn að sjást utan á maganum.

En sendi allt það fallegasta og besta til ykkar fyrir morgundaginn

frá Sólveigu

[Þóra (IP-tala skráð) 7.9.2011 kl. 15:41]

Ég trúi því líka, gangi ykkur vel á morgun!

[Guðrún (boston ) (IP-tala skráð) 7.9.2011 kl. 17:19]

sendi risa knús á ykkur öll og mikla strauma um að allt gangi vel,hef fulla trú á litlu hetjunni :)

[Eva Guðjónsdóttir (IP-tala skráð) 7.9.2011 kl. 17:58]

Elsku duglega og fallega fjölskylda!

Ég sendi allar mínar fallegustu hugsanir beint til ykkar. Gangi ykkur sem allra allra best og haldið áfram að vera svona dugleg og jákvæð! Ég dáist að ykkur og finnst þið æðisleg.

Kærar kveðjur frá Danmörku,

Eva Guðjónsdóttir

[Bergljót Hreinsdóttir, 7.9.2011 kl. 19:42]

Sendi mínar heitustu bænir og óskir..þetta MUN verða góður dagur með góðum niðurstöðum...:o)

[Halldór Jóh. (IP-tala skráð) 7.9.2011 kl. 20:05]

Sendi hlýjar og fallegar hugsanir til ykkar elsku sterku hetjurnar mínar...

Kærleikskveðjur...

H

[Hulda (IP-tala skráð) 7.9.2011 kl. 21:38]

Bestu óskir með morgundaginn!

[gþ (IP-tala skráð) 7.9.2011 kl. 21:49]

bestu óskir og allt það góða með morgundaginn.

kv. gþ

[Dagbjört jakobsdóttir (IP-tala skráð) 7.9.2011 kl. 22:22]

Bestu óskir á morgun, það verða öruglega góðar fréttir   

kv. Dagbjört

[Berglind (IP-tala skráð) 7.9.2011 kl. 22:47]

Fallegar bænir sendar til ykkar. Vona að þið sofið vel í nótt

[Ingveldur (IP-tala skráð) 8.9.2011 kl. 01:06]

Gangi ykkur vel á morgun.

Sendi ykkur góða strauma =)

[Hildur (IP-tala skráð) 8.9.2011 kl. 06:53]

Megi dagurinn verða góður. Gangi ykkur vel.

[Edda Bjork (IP-tala skráð) 8.9.2011 kl. 07:39]

Bestu óskir og bænir um góðan dag í dag. Risaknús

[Erla (IP-tala skráð) 8.9.2011 kl. 07:43]

Ég hugsa fallega til ykkar.

[Húsmóðir, 8.9.2011 kl. 08:52]

Hlýjar hugsanir, bænir og góðar kveðjur til ykkar allra.

[Edda Sigurdís Oddsdóttir, 8.9.2011 kl. 10:08]

Vona að þið fáið góðar fréttir til að ylja ykkur við í norðanáttinni!! Gangi ykkur vel í dag.

[Helga (IP-tala skráð) 8.9.2011 kl. 10:41]

Hef ykkur í bænum mínum í dag.  Gangi ykkur vel.

Trú, von og kærleikur - Helga

[Sirrý (IP-tala skráð) 8.9.2011 kl. 11:05]

Vona svo innilega að þið fáið góðar niðurstöður á eftir. Er með kveikt á Þuríðar kertinu :) Búin að hugsa til ykkar í allan dag og geri það áfram.

[hjordis blöndal (IP-tala skráð) 8.9.2011 kl. 14:45]

Sendi góðar hugsanir til ykkar .