"Skemmtileg" byrjun á nýju ári

Maístjarnan mín ákvað að fagna nýja árinu með því að heimsækja bráðamóttökuna uppá Barnaspítala en hún fékk svona slæmt bráðaofnæmi í gærkveldi, svaf með blautan þvottapoka í alla nótt til að nudda sig og "kæla" og vaknaði svo í morgun þrútin í framan og öll útklóruð.  Þegar við mættum uppá spítala þá var henni gefið tafla við kláðanum og stór kokteill af sterum sem er sko ekki okkar uppáhalds lyf.  Núna er hún ofsalega þreytt af lyfjakokteilinum sem hún fékk í morgun en hætt að vera svona þrútin og með mikin kláða sem betur fer.  Vonandi verður hún bara orðin góð í fyrramálið en þá gef ég henni síðasta koteilin vegna ofnæmisins en við vitum ekkert fyrir hverju hún hefur svona mikið ofnæmi fyrir??

Það er vika í næstu rannsóknir hennar eða þriðjudaginn 10.janúar sem ég er ALLTAF kvíðin fyrir og það er ekkert öðruvísi í þetta skipti.

Mig langar annars að birta nokkrar af þeim systrum en það var einn snillingur sem tók þær fyrir okkur og við völdum nokkrar fyrir jólakortið í ár.  ...síðar koma svo af þeim bræðrum.

Maístjarnan mín á fimleikaslánni en núna eftir áramót ætlum við að einbeita okkur að sjúkraþjálfuninni hennar og styrkja hana vel.  Þannig það verða engir fimleikar eftir áramót en við erum ótrúlega þakklát hvað fimleikafélagið Ármann hefur gert margt gott fyrir hana og tilbúnir að gera ALLT, bara ef við biðjum um það.  Ekki hægt að biðja um meira.

Endalaust flott.

Blómarósin mín er ótrúlega flott í fimleikum, ég er ofsalega stollt af þessari stelpu en hún er góð í öllu sem hún tekur að sér.

Fimleikarnir hafa hjálpað henni rosalega mikið í rússíbana Maístjörnu minnar en þar hefur getað gleymt sér og notið þess að vera "bara hún" það er líka frábært að hafa haft þjálfara sem þekkir inná fjölskyldulífið okkar og veit afhverju hún er stundum ofur viðkvæm. 

Henni leiðist heldur ekkert að sýna sig fyrir öðrum þrátt fyrir að vera ofur feimin og lokuð.  Ef hún veit að hún er góð í einhverju þá er hún ekkert feimin að sýna það fyrir öðrum þrátt fyrir að þekkja einstaklingana ekki baun.

Ég er sú allra stolltasta af þessum flottu stelpum.  Hver væri að ekki?

Athugasemdir

[Ásdís (IP-tala skráð) 2.1.2012 kl. 19:57]

Flottar stelpur :)

[Halldór Jóh. (IP-tala skráð) 2.1.2012 kl. 21:33]

 vonum að hún hristi þetta dularfulla fljótt af sér...
Endalaust duglegar hetjurnar ykkar...
Knús í hús...

[Hólmfríður Bjarnadóttir (IP-tala skráð) 2.1.2012 kl. 22:36]

Gleðilegt nýtt ár - þakka fyrir liðin blog og fés ár - sendi ofnæmisstúlkunni bílhlass af bataóskum

[Kristín Amelía Þuríðardóttir (IP-tala skráð) 3.1.2012 kl. 01:33]

Sæl elsku fjölskylda og gleðilegt nýtt ár.

Það er nú ekki skemmtilegt að fá svona heiftarlegt ofnæmi og hafa heldur ekki hugmynd af hverju. Ég vona að allt gangi vel eftir viku, hugsa til ykkar og bið fyrir ykkur. Knús og kossar, Kristín Amelía.

[Sólveig (IP-tala skráð) 3.1.2012 kl. 11:43]

Gleðilegt heilsuhreystiár til ykkar allra á heimilinu.

Vona að komið sé í ljós hvað olli ofnæminu hjá stjörnunni.  Allavega að hún sé einkennalaus nú, og komi svo í ljós hvað olli til að geta varist.

Svo er það sá 10. við skulum ákveða að það verði góður dagur, góðrar útkomu, en að þurfa að standa í svona kvíðaátökum fyrir ykkur sem venjulegt fólk, og þó,  þið eruð ekkert venjulegt fólk. Þið eruð SUPERSTAR, frábær og ótrúleg.

[gþ (IP-tala skráð) 3.1.2012 kl. 21:01]

þetta eru alveg dásamlegar stelpur og ekki eru drengirnir síðri hvað þá foreldrarnir, sem að ég þekki ekki baun, en finnst ég þekkja samt svo mikið. Gleði og hamingja megi vera með ykkur á nýju ári og þá alveg sérstaklega litliu Maístjörnunni, hugsa extra mikið til ykkar í janúar.

kv gþ

[Kristín (IP-tala skráð) 3.1.2012 kl. 22:52]

Gleðilegt ár flotta fjölskylda og megi nýja árið færa ykkur gleði og góðar fréttir.