Þreytt á að "leika hetju"....

Það hlaut að koma að þeim degi að Maístjarnan mín nennti ekki lengur að "leika" hetju eða vera dugleg.  En hún þurfti að fá sprautu sem má ekki sprauta í "brunninn" hennar og hún varð gjörsamlega brjáluð og harðneitaði að fá sprautuna svo það varð að halda minni konu og það fór alveg með mömmuhjartað og ég er strax orðin kvíðin fyrir næstu svona sprautu. 

Hún er líka farin að neita að fá lyfin sín "þetta eru bara ógeðsleg lyf og ég nenni þessu ekki lengur". Hún er orðin orðin svo leið og pirruð á þessum veikindum og langar svo að lifa sem eðlilegast sem hún þekkir því miður ekki en horfir á systkinin sín og langar að sjálfsögðu að vera einsog þau.  Þetta er orðið erfitt og þessi kafli í lífi okkar er orðinn full langur - ég  sem er alltaf að bíða eftir næsta kafla sem á að vera svoooo góður.  Hún er líka rosalega þreytt þessar vikurnar, á erfitt með að hvíla sig á næturnar og já ég er líka orðin þreytt á þessu - virkilega þreytt á líkama og sál.  Hvenær er kemur að góða  og skemmtilega kaflanum? Það er greinilegt að við þurfum að fara búa okkur til eitthvað til að hlakka til.

Annars var Gull-drengurinn okkar að missa fyrstu tönnina sína og það er nátturlega mjög merkilegt svo tannálfurinn kom í heimsókn til okkar um helgina.

 

 

 

 

 

 

 

 

 

 

 

 

Ég er líka rosalega stollt af þessari síðu: https://www.facebook.com/pages/F%C3%B6studags-kj%C3%BAklingar%C3%A9ttir-%C3%81slaugar/132713156806763 eða "föstudag-kjúklingaréttir Áslaugar.  En ég var að fá styrktaraðila sem eru Holtakjúklingar svo núna get ég einbeitt mér af því að gera "like-ara" (sem eru rúmlega 5400) mína ánægja og halda áfram að matreiða nýja kjúklingarétti.
En þetta er uppáhalds kjúklingasalatið mitt - mexíkanskt.  Endilega kíkið á síðuna mína ef ykkur finnst gaman að elda kjúklingarétti og langar í góðar uppskriftir - finnið þær allra allra bestu á síðunni minni.  

Athugasemdir

[Helga Kristín (IP-tala skráð) 12.3.2012 kl. 20:15]

Frábært hjá Holtakjúlla! Væri ekki slæmt að eiga eitt stykki svoleiðis á kantinum :)

Nú er heldur betur komin tími á stjörnuna ykkar að líða vel, ekki það að henni líði eitthvað illa með ykkur stuðboltana í kringum sig eins og styttur áranna. Þið eruð öll hetjur

knús frá Akureyri

[Halldór Jóh (IP-tala skráð) 12.3.2012 kl. 22:21]

Elsku stelpan...kærleiksknús.....

Til hamingju með Holta-kjúlla síðuna þína...

Þeir fá hrós fyrir að styrkja þig...já nú verður enn meir spítt í lófanna(eða kjúllann,heheh:)

kveðjur.

[Sigríður Jónsdóttir (IP-tala skráð) 13.3.2012 kl. 10:11]

Flott síðan hjá þér. Já þolinmæði getur ekki varað endalaust, litla krúsin. Auðvitað er hún búin að fá nóg, vonandi samt bara tímabil á undan sælutímanum sem allir biða eftir hjá ykkur :) Gangu ykkur vel.

[Dagrún (IP-tala skráð) 13.3.2012 kl. 15:15]

mikið er langt síðan ég hef kíkt hingað í heimsókn sé að ýmislegt er búið að vera að bralla:)

Æ litla hetjan ... veit að hún er sterk ..kærleiksknús til hennar

Vá til lukku með Holta...:)

kærleiksknús úr sveitinni þar sem við erum farin að bíða eftir vorinu sem er alveg að koma .... :)

[Kristín (IP-tala skráð) 13.3.2012 kl. 16:42]

Æ,snúllan litla sendi henni bænir og orkustrauma. Fínir kjúklingaréttirnir hjá þér, frábær síða :)

[Berglind Hafþórsdóttir (IP-tala skráð) 14.3.2012 kl. 12:40]

Hver væri ekki komin með uppí kok af öllu þessu spítala - veikinda - dæmi. Alltaf eitthvað. Ekki ein stund sem hægt er að plana eitthvað fram í tímann. Já og horfa á jafnaldra sína fara fram úr sér. Já þetta er vont. En elsku besta Maístjarna nú fer vorið að koma og sólin og sumarið á næsta leyti og það mun verða besti tíminn þinn. Ég ætla allavega að trúa því og sendi þér orkustrauma.

[Sigrún Þórisdóttir (IP-tala skráð) 14.3.2012 kl. 15:18]

En gaman að þú fékkst styktaraðila í kjúklingaréttina :) Það er komin alvara í þetta hjá þér.

[Sólveig (IP-tala skráð) 14.3.2012 kl. 23:39]

Þá er að gera það sem enginn gerir betur en þið, að taka á því, en Guð veit að ég skil að þið rennið út af því spori stundum og jafnvel oft.

Elsku litla hetjan pirruð og mamman með í maganum, ég hef aldrei skilið elsku duglega Áslaug að þú sért nokkurn tímann góð í honum já og ekki síður Skari og allir sem að henni standa. En eitthað er ykkur til verndar vonandi Guð og englahópurinn og þess vegna eruð þið ekki í maski,

Í Ipadinum eru engir kallar að senda þannig að ég sendi knús kalla med orðum, marga

Með kærleikskveðju frá Sólveigu