"Hver knúsaði Þuríði á meðan?"

Spurði Gull-drengurinn minn eftir að hann frétti að stóra systir hefði fengið krampa í morgun - hann hafði miklar áhyggjur af því að hún hefði verið ein í krampanum en svo var ekki en Blómarósin var ekki lengi á staðin þegar hún kallaði á hana rétt áður en krampinn kom.  Svo leið ekki langur tími þanga til næsti krampi kom og þá var drengurinn ekki lengi að taka upp símann til að hringja í pabba sinn og til þess að leyfa honum að fylgjast með stöðu mála á heimilinu.  Hann er greinilega farinn að taka þetta allt saman inná sig sem er ekkert rosalega auðvelt.

Sem betur fer var frídagur í skólanum í dag því þá gátum við líka átt kósý-dag heima við mæðgurnar og þær fengu að slappa af og gera það sem þeim langaði að gera sem sagt teikna og perla.  Reyndar hefði Maístjarnan mín ekki farið í skólann vegna krampanna en hún er virkilega orðin þreytt á sálinni og þarf nauðsynleg á fríi að halda svo hún er orðin frekar spennt eftir páskafríinu sínu sem við ætlum að njóta þess að gera það sem okkur langar að gera. Vávh hvað ég get ekki beðið!

Stutt í dag enda er konan líka frekar þreytt...

Athugasemdir

[Halldór Jóh (IP-tala skráð) 15.3.2012 kl. 20:54]

Kærleiksknús á ykkur...

Bara miklar hetjur sem þið eigið..

[Guðrún unnur þórsdóttir, 15.3.2012 kl. 21:18]

knús til ykkar allra

[Sólveig (IP-tala skráð) 15.3.2012 kl. 23:39]

Það er af því að þessi yndislega kona er úr sérstökum eðalmálmum að hún er ekki komin í tætlur, en svo á hún líka Skara og frísku börnin og alla hina góðu í stuðnigsnetinu.

Af þessu og eflaust fleiru er hún ekki í tætlum, en trosnar auðvitað stundum, og eys svo gjöfumj íallar áttir með sjálfri sér.

RISAKNÚS TIL ALLRA!!!!!

[Sólveig Jónsdóttir (IP-tala skráð) 19.3.2012 kl. 23:13]

Risa knús á ykkur öll. Vona  að þið eigið yndislegt páskafrí og Maístjarnan verði krampalaus.