Fjórir krampar á dag koma EKKI skapinu í lag

Maístjarnan mín byrjaði daginn á því að krampa eða fékk tvo í morgunsárið og var virkilega hrædd í krömpunum en Blómarósin mín var ekki langt undan einsog venjulega svo hún var ekki lengi að taka utan um hana og leyfa henni að finna fyrir sér.  Milli níu og tíu þá héldum við að krampa-hrinan væri yfirstaðin þá ákváðum við að kíkja í skólann en um leið og stigum fæti í skólann þá fékk hún þriðja krampann svo við vorum ekki lengi að snúa heim og hvíla okkur enda alveg búin á því.  Eftir hádegi þurftum við að fara á "teymis"fund útí skóla svo Maístjarnan mín kom með mér og fékk sinn fjórða krampa um leið og við stigum aftur fæti í skólann.  Það var einsog ég hefði fengið alla þessa krampa þar sem ég er algjörlega búin á því - hvernig ætli þá Maístjörnunni minni líði?  Það er virkilega erfitt þegar "ástandið" er svona og einsog ég hef sagt milljón sinnum "vávh hvað við erum farin að þrá venjulegt líf án allra veikinda".

Ég og Maístjarnan mín vorum á tjattinu í fyrradag þegar hún segir við mig "mamma mig hlakkar til að vera unglingur".  Ég:"nú afhverju?"  Þuríður: "jú því þá verður krabbameinið farið".  Mjög sérstakt en ég vona svo sannarlega að hún hafi rétt fyrir sér og haldi áfram að gefa "skít" í það sem læknarnir segja "að þetta verði eilífðarbarátta hjá henni".

Annars kom bara gott útur heilaritinu sem Gull-drengurinn minn fór í þetta er sem sagt "bara" night terrors sem hann er að fá sem er reyndar alveg nóg en mikill léttir.  Night terrorið er virkilega erfitt að horfa uppá en auðvidað verður hann algjörlega búinn á því líka enda álagið mikið á systkinum Maístjörnu minnar.

Blómarósin mín (7 ára) er líka mjög viðkvæm þessar vikurnar en gengur ROSAlega vel í fimleikunum - kom mjög stollt heim í gær og tilkynnti mér að hún er farin að æfa fjórða þrepið og gerði arabaflikk-flikk (tvöfalt) svo það er ofsalega gaman að sjá að hún getur gleymt sér þar þrátt fyrir að vera stundum erfitt að fara á æfingar en það er bara vegna þess að hún vill dáltið vera hjá mér.

Við erum orðin frekar spennt fyrir páskunum sem við ætlum að nýta í að vera saman og gera eitthvað skemmtilegt.  Ætlum reyndar að byrja á föstudaginn en þá er fjölskyldan okkar með "árlegt" páskabingó heima hjá okkur - ótrúlega skemmtilegt - krakkarnir eru allavega rosalega spennt.  Svo verð ég að sjálfsögðu með mitt "árlega" páskabingó uppá barnaspítala í næstu viku og er ótrúlega þakklát fyrirtækjunum sem styrkja mig í því - bara flott og vegleg páskaegg sem inniliggjandi börn geta unnið og systkin þeirra.

Ég er ekkert í svakalegu stuði þessar vikurnar að blogga mikið - stundum koma bara þessar vikur að maður er of þreyttur til þess einsog núna.

Athugasemdir

[Friður Petursdottir (IP-tala skráð) 28.3.2012 kl. 16:43]

bið englana að vera með ykkur og gefa ykkur styrk Gleðilega Páska

[Halla Magnúsdóttir (IP-tala skráð) 28.3.2012 kl. 18:01]

Æ hvað er leiðinlegt að heyra með blessaða

litlu frænku.þið eruð öll hetjur.Svo dugleg.

Vona að Guð gefi ykkur betri heilsu.

hjartans kveðjur.

Halla.

[Helga (IP-tala skráð) 28.3.2012 kl. 20:30]

Alltaf jafn erfitt að lesa svona færslu frá þér.  Ég er alveg viss um að Hetjan hafi rétt fyrir sér að krabbameinið verði farið þegar hún verður unglingur....ég bið bara fyrir því að það verði miklu fyrr.

Vonandi eigið þið yndislega páska.

Trú, von og kærleikur - Helga

[Sólveig (IP-tala skráð) 29.3.2012 kl. 12:13]

Byrja á að segja að ég er óskaplega glöð að heyra að það er ekki alvarlegt með Theódór þó óþægilegt sé það engu að síður.

En ömurlegt með Stjörnuna að hún skuli fá þessa fj.... krampa, því það skil ég 100% að er mjög erfitt að horfa uppá fyrir ykkur, og ekki skrítið að þú sér eins og þú hafir fengið hann sjálf á eftir, og trúlega hin systkynin líka, 

Sendi ykkur öllum stórt knús

[gþ (IP-tala skráð) 29.3.2012 kl. 20:06]

Gott að heyra frá þér, það er nú ekki skrítið að þú sért þreytt eftir öll þessi átök.Sendi ykkur skærgular  páskakveðjur með ósk um að þið eigið góða daga. kv gþ

[Sigrún Helgadóttir (IP-tala skráð) 30.3.2012 kl. 00:45]

Langaði bara að senda ykkur RISA KNÚS og orkustrauma :*

[Ragnheiður , 1.4.2012 kl. 19:16]

Hvíldu þig Áslaug, þetta er svo mikið álag á þig. Hjartans knús á ykkur öll. Ég vildi óska að þessir ljótu krampar hættu bara !