Leita í fréttum mbl.is

"mamma ég er hrædd við krabbameinið"

Sagði Maístjarnan mín við mig einn daginn en hún var búin að vera ofsalega leið allan daginn og ég spurði hana hvað væri eiginlega að og þá var þetta svarið.  Hún er greinilega að átta sig á þessum veikindum sem er "gott" því það er þroskamerki.  Einsog í dag tilkynnti hún mér það að hún myndi aldrei lagast í höfðinu "væri alltaf svo illt" en ég vona svo heitt og innilega að hún hafi rangt fyrir sér þar.  Einsog mömmunni þá þráum við ekkert meira en veikindalaust líf og erum alltaf að bíða eftir nýjum kafla en þessi kafli er orðin frekar langdreginn.

Þið getið ekki ímyndað ykkur hvað ég öfundast mikið (á góðan hátt) og samgleðst að sjálfsögðu þegar ég sé börn og fullorðna klára sína meðferð og verða heilbrigð á ný, eitthvað sem við erum búin að bíða eftir í tæp átta ár.  Hvenær getum við farið að fagna heilbrigðu lífi?  Í staðin er maður alltaf að kynnast nýjum og nýjum veikum einstaklingum og horfir á eftir sumum sem er erfiðast í þessu veikindastríði. En ég er samt ofsalega þakklát að hafa kynnst öllu þessu flotta fólki því þau eru þau EINU sem skilja mig/okkur BEST og hvað við erum að ganga í gegnum.  Ofsalega gott að geta talað við fólk sem skilur mann.....

Sumarið hjá Maístjörnunni minni er búið að vera alltílagi eða samt eiginlega í betri kantinum, jújú hún er búin að vera ofsalega þreytt, rosalega hress eða þetta er bara svona rússíbani sem fer hratt upp og hratt niður.  En hún er búin að njóta sín og fer inn ef hún er ekki að þola hitan eða sólina, leggur sig ef henni finnst hún þreytt svo hún hefur algjörlega ráðið ferðinni sjálf.  Þannig við höfum alveg notið okkar. Ég fékk reyndar salmonellu fyrir 11 dögum - ekki það skemmtilegasta en er öll að koma til en við Skari skelltum okkur til Spánar 24.júlí fyrir gjafabréf sem ég vann í einum leik á netinu og höfðum það sjúúúúklega gott fyrstu fimm dagana en síðustu tvo lá ég bara fyrir að "drepast".
399429_10150999839404611_1204131121_n.jpg

 

 

 

 

 

 

 

 

 

 

 

 
Hérna er ég mætt á bráðamóttökuna sama dag og ég lenti til að fá vökva og í allskonar rannsóknum.

Svo ætla ég að leyfa ykkur að sjá nokkrar frá sumrinu okkar:
487176_10150956137929611_958581275_n.jpg





















Þessi bók er lesin á hverju kvöldi af Blómarósinni minni (Íslendingar á ÓL)en hérna er hún sofnuð við lesturinn en ég held að þetta sé eina kvöldið hennar í sumar sem hún sofnaði í sínu rúmi en eftir að Bjarnabófarnir kíktu í heimsókn til okkar í byrjun júní þá hefur hún alltaf að þurft að sofna annað hvort uppí hjá okkur eða á gólfinu (á dýnu inni hjá okkur)en hún getur ekki sofið inní herbergi sínu því hún er svo hræddum að þeir mæta aftur á svæðið þegar hún er sofandi.Frown
522158_10150933177399611_1543850467_n.jpg

 

 

 

 

 

 

 

 


Konan varð 35 ára 12.júlí og Sjarmatröllið mitt fékk að velja afmælisköku sem var risaeðla en þessi kaka var gerð af henni Írisi Björk bakaranema ef þið viljið sjúklega flottar kökur.  En tilefni afmælis míns þá fengu krakkarnir að velja hvernig við myndum eyða deginum og það var sko draumadagur fyrir þau og okkur Skara að sjálfsögðu.  Fengu köku í morgunmat, fórum í bíó á Ísöld, kíktu í skemmtigarðinn og svo endað á Fabrikkunni.  Algjör drauma-afmælisdagur.Grin
600018_10150933366994611_1509240241_n.jpg





















Ég ELSKA þessa mynd af Maístjörnunni minni en hérna er hún að horfa á 20 ára gömul myndbönd af mömmu sinni og henni finnst það einsog þið sjáið mega fyndiðInLove.
532614_4147566297690_1144705948_n.jpg





















Gull-drengurinn minn að sjálfsögðu í fótbolta en hann veit ekkert skemmtilegra en að spila fótbolta og hann myndi gera það allan sólarhringinn ef hann gæti.  Hann var einmitt að klára viku í fótboltaskólanum og ætlar að sjálfsögðu að fara aftur í næstu viku en þessi mynd var tekin af "áhugaljósmyndara" hjá Fylki, man ekki alveg hvað hann heitir.  Gull-drengurinn minn er einmitt að stíga stór skref í haust og er að fara í skóla, bara gaman!!
img_5622.jpg
















Fjársjóðurinn minn - held að það sé ekki hægt að vera ríkari, peningar hvað???
582006_10150981815384611_796859242_n.jpg
















Svo að lokum en hérna er mánaðarlyfjaskammtur Maístjörnu minnar - ekki skrýtið að hún sé komin hundleið á að taka þessi lyf sín.Errm

Eigið góða helgi...


« Síðasta færsla | Næsta færsla »

Athugasemdir

1 identicon

Mikið er gott að sumarið er búið að vera gott hjá ykkur. Fjársjóðurinn er ekki bara peningar, hann er meira virði í fjölskyldunni.

Kristín ókunnuga (IP-tala skráð) 10.8.2012 kl. 21:10

2 identicon

Mikið er gott að heyra að sumarið sé búið að vera að mestu leyti gott hjá ykkur og þið notið þess :) Vonandi verður svo áfram um ókomna tíð.

Jóhanna Ósk Kristjánsdóttir (IP-tala skráð) 11.8.2012 kl. 00:01

3 Smámynd: Guðrún unnur þórsdóttir

Guðrún unnur þórsdóttir, 11.8.2012 kl. 20:36

4 identicon

Mikið var ég glöð að sjá þessa færslu hjá þér.  Það að sumarið hafi eiginlega verið í betri kanntinum....að börnin hafa notið sín og þú og Skari líka.  Það er ekkert gaman að fá salmonellu og ég vona að þú náir þér fljótlega.

Sumarið er samt ekki búið og ég vona að þið haldið áfram að njóta ykkar.

Kveðja - Helga

Helga (IP-tala skráð) 12.8.2012 kl. 17:13

5 identicon

Yndislegt að heyra af ykkur.

Mér verður svo oft hugsað til þess að vonandi sé allt gott í stóra fallega hópnum.

Ekki síðra að heyra að þið Skari hafið verið á Spáni, þrátt fyrir að fjandans salmonellan hafi stungið sér í hópinn, hún hefði nú alveg getað sleppt því.

Kær kveðja

Sólveig (IP-tala skráð) 13.8.2012 kl. 11:10

6 identicon

Glöð að sjá bloggið frá þér aftur. Þetta sumar er búið að vera svo gott og gott að það fór að mestu leiti vel með ykkur. Bestu kveðjur

Sesselja (IP-tala skráð) 14.8.2012 kl. 17:26

7 identicon

Æðislegar myndir af gullmolunum ykkar. c",)

Edda Hlíf Hlífarsdóttir (IP-tala skráð) 18.8.2012 kl. 12:37

8 identicon

Gott að fá fréttir af ykkur. Gangi ykkur vel áfram.

Sæunn ókunn (IP-tala skráð) 21.8.2012 kl. 21:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Nýjustu myndböndin

Þuríður í vaskbaði :)

Hinni rokk

Jólakveðjan 2010

Stóra leyndarmálið

Það vantar ekki taktana :)

Innskráning

Ath. Vinsamlegast kveikið á Javascript til að hefja innskráningu.

Hafðu samband