Heimsókn dagsins....

Þriðja árið í röð sem við fáum jólasveina í heimsókn eða þá frá www.sveinki.is sem ég mæli eindregið með enda þeir allra skemmtilegustu sem ég hef kynnst.  Þeir syngja, dansa, segja brandara, fíflast og svo lengi mætti telja - ALLT fyrir börnin og við eldra fólkið skemmtum okkur ekkert síður.

Þessi skemmtilegu sveinkar "ruddust" inní íbúðina seinni partinn en krakkarnir vissu að sjálfsögðu ekkert að þeir væru að koma og þeim fannst þessi heimsókn alls ekki leiðinleg.  Maístjarnan mín hló endalaust mikið en það er langt síðan ég hef heyrt hana í svona miklu krampa-hlátri, henni fannst þetta svo gaman reyndar einsog hinum.

En hérna eru nokkrar myndir frá þessari yndislegu heimsókn:

 

 

 

 

 

 

 

 

 

 

 

 
Þeir tóku "gangman style" dansinn með krökkunum.

 

 

 

 

 

 

 

 

Allir fengu pakka frá sveinkunum sem þau fengu að sjálfsögðu að opna samdægurs enda er tilgangurinn að hjálpa þeim í biðinni löngu og fá eitthvað til að dunda sér við.

 

 

 

 

 

Stuuuuuð í sófanum - systradætur mínar voru með í stuðinu.  Þið getið ekki ímyndað ykkur hvað þetta var gaman, maður lifir sig svo í gegnum börnin sín.

Annars er Maístjarnan mín sæmilega hress, hún var farin að kvarta við mig að hún var farin að sjá illa með öðru auganum (verr en venjulega) og sem betur fer áttum við pantaðan tíma hjá augnlækni nokkrum dögum eftir þá kvörtun.  Viti menn sjónin hennar hefur versnað mjög mikið og það finnst mömmunni ekkert rosalega gott þar sem hún fékk sín fyrstu gleraugu í nóv'09 og greinist svo aftur í maí'10.  Þannig við pöntuðum okkur ný gleraugu í dag - ekki það allra ódýrasta á svæðinu.

Hún er líka búin að vera frekar þreytt undanfarna daga/vikur, fer undan öllum á heimilinu að sofa - laumar sér inní herbergi og sofnar.  Já ég get alveg viðurkennt það að mér líður ekki vel vitandi það að sjónin er orðin þetta slæm en ætla samt að reyna hugsa um eitthvað skemmtileg næstu vikuna og njóta jólanna með þeim sem ég elska mest í heimi.

Næst á dagsskrá er að skreyta þetta tré:

Athugasemdir

[Kristín (IP-tala skráð) 23.12.2012 kl. 13:08]

Gleðilega jólahátíð elsku fjölskylda og njótið samverunnar ;)

[Sólveig (IP-tala skráð) 26.12.2012 kl. 11:56]

Elsku fallegu þið öll sendi ykkur mínar bestu jóla og nÿjárskveðjur með óskum um GOTT OG FARSÆLT komandi ár.

Biðjum Guð að vera með.stjörnunni já og ykkur öllum frá veikindum og öðrum erfiðleikum

Þess óskar Sólveig