Læknaheimsókn....

Við æltum að kíkja til doktor Óla í dag - þar sem Maístjarnan mín er alltaf svo orku lítil og þreytt. Við erum annars að bíða eftir aðgerðadegi fyrir Maístjörnuna okkar þar sem það á að fara taka "brunninn" hennar sem er að sjálfsögðu ákveðið skref í hennar veikindum en hún er búin að vera með "brunninn" síðan 2005 en ástæðan fyrir því það er verið að fara fjarlægja hann er að hann er hættur að virka.  Ég trúi því að það verði bara skref frammá við í hennar veikindum.

Akureyri kallaði á okkur helgina en Blómarósin okkar var að keppa og stóð sig svona líka vel - fékk gull, silfur og brons í fjórða þrepi 9 ára.  Við erum endalaust stollt af henni þar sem það benti líka allt til þess að við værum ekki að fara þar sem hún varð alveg fárveik á miðvikudag en hún ætlaði sér sko að keppa enda búin að hlakka til lengi svo viti menn hún stóð sig svona líka vel.  Við fórum öll fjölsk. kíktum á vini og ættingja, kíkjum alltaf á jólahúsið þegar við mætum á Eyrina og fleira fleira.  Endalaust gaman! 

Leyfi nokkrum myndum að fljóta með frá ferðinni okkar:

Fyrsta myndin (samt ekki í þessari röð) er af Blómarósinni okkar með medalíurnar sínar.

Önnur er af yfirteljara fjölskyldunnar - en Maístjarnan okkar vaknar á hverjum morgni og tilkynnir okkur það, hvað það séu margir dagar til jóla enda endalaust spennt fyrir jólunum og er komin með langan óskalista fyrir okkur foreldrana.

Þriðja er af verðandi jólabarni sem var tekin í jólahúsinu af litlu DraumaDísinni okkar

Fjórða er af bræðrunum sem var tekin fyrirutan jólahúsið og þeir í svona góðu stuði.  Þeim fannst alveg magnað að sjálfur jólasveinninn var að afgreiða í jólahúsinu bara í sínum hversdagsfötum og fundu svo jólafötin hans úti hangandi úti á snúru.

Athugasemdir

[I. (IP-tala skráð) 28.10.2013 kl. 16:15]

<3

[gþ (IP-tala skráð) 28.10.2013 kl. 16:49]

Fallegar og skemmtilega fréttir af ykkur.

kv gþ

[Kristín (IP-tala skráð) 28.10.2013 kl. 19:43]

Til hamingju með duglegu Blómarósina ykkar, fínar myndir úr Akureyrarferðinni. Mig skal ekki undra að elsku Maístjarnan telji niður dagana til jólanna eins yndislegur og sá tími er með öllum fallegu ljósunum, gangi ykkur vel :)

[Didda ókunn (IP-tala skráð) 28.10.2013 kl. 20:33]

falleg börnin ykkar, góðar óskir <3

[Helga (IP-tala skráð) 28.10.2013 kl. 21:13]

Yndislegar myndir :-)

Gangi ykkur vel hjá lækninum.

Kveðja - Helga

[Jóhanna Ósk Kristjánsdóttir (IP-tala skráð) 29.10.2013 kl. 00:35]

Ósköp er gott að fá smáfréttir af ykkur yndislega fjölskylda :) Hjartanlega til hamingju með Blómarósina, hún er barasta frábær þessi elska :)

Gaman að sjá líka hve öll börnin eru að njóta sín í ferðinni :) Vonandi hefur ykkur gengið vel hjá doktor Óla og fáið góðar niðurstöður <3

Bestu kveðjur úr Trékyllisvíkinni.

[Sólveigu (IP-tala skráð) 29.10.2013 kl. 13:32]

Þið eruð DÁSAMLEG !!!!

Treyst á að Stjarnan hafi fengið 10 í læknisheimsóknni

RISAKNÚS