Slöpp :(

Vorum að koma úr vorferð með leikskólanum, fórum í Heiðmörk og þar fengu krakkarnir að njóta sín.  Verst að Þuríður mín var ekki alveg í stuði að hlaupa um og vera með læti einsog hinir, hún er frekar slöpp núna og er sofandi.  Hún var ekki að njóta sín og lá frekar mikið í fanginu hjá okkur og vildi láta halda á sér en venjulega er hún ekki mikið fyrir það.  Það er ofsalega sárt að horfa á hana í þessu ástandi þannig við hringdum í doktorana og við eigum að koma á fund í fyrramálið og þá verður ákveðið með myndatökur.  Við viljum nefnilega fá myndatökur sem fyrst vegna þess hvernig henni hefur liði síðustu tvær vikur, eitthvað farin að slappast.  Mig langar helst að hætta þessum áhyggjum og líða svona illa og fá gott úr þessum niðurstöðum eða það er hætta á því að mér mun líða hundrað sinnum verr?

Nenni eiginlega ekki að vera hérna inni þannig ég er farin út að leika við hin tvö.

Athugasemdir

[KONA (IP-tala skráð) 30.5.2007 kl. 13:23]

Elsku þið, mér finnst alveg ofboðslega sárt að heyra um slappleika Þuríðar ykkar vona svo sannanlega að þetta sé bara venjuleg þreyta vegna þessa álags á litla kroppinn hennar. Megi allir ljóssins englar og allt það besta gefa henni og ykkur áfram þennan baráttuvilja og styrk. Með von um góðar fréttir ykkur til handa, og hlýjum kveðjum að norðan, kveð ég í bili. kona

[Martha Jörundsdóttir (IP-tala skráð) 30.5.2007 kl. 15:44]

Kæra fjölsk. Gangi ykkur vel á morgun :-)

Kkv. Martha

[Ylfa Mist Helgadóttir, 30.5.2007 kl. 16:54]

Ég er svo miður mín eftir að lesa færsluna á undan!! En ógeðfelld blaðamennska!!! Ég ætla rétt að vona að hún Þuríður eigi mýmörg jól eftir! Sendi alla mína góðu strauma til englakroppsins litla með von um að hún fari að hressast. Gangi ykkur sem best á morgun elskurnar!