Á uppleið?

Mig langaði dáltið að blogga á sunnudagskvöldið og segja að Þuríði mín væri á þvílíkri uppleið því helgin var svo "góð" hjá henni (ákvað samt að vera ekki of fljót á mér því oft dettur það aftur niður um leið og ég er búin að skrifa) en svo í gærmorgun þegar ég vakti hana var allt á niðurleið.  Hún stóð ekki í lappirnar, hélt varla augunum opnum og grét stanslaust.  Ég ákvað samt að fara með hana í sjúkraþjálfun enda hefur stúlkan ekki getað mætt í þessa tíma almennilega síðan í byrjun des vegna slappleika og hélt kanski að hún myndi hressast við að fá aðeins að hreyfa sig.  Mikið hafði ég vitlaust fyrir mér, meir að segja sjúkraþjálfarinn gafst upp eftir 20mín og þá er nú mikið sagt en hún er ekki vön að gefast auðveldlega upp og hefur mikla þolinmæði með Þuríði mína að gera en þarna sá hún bara að það var engin orka til staðar.  Hún lét hana ekki fara í "leikfimishringinn" sinn, sat bara á dýnunni og æfði fínhreyfingarnar sem var reyndar ekki að virka, við fórum bara beint heim og hetjan mín fór að sofa og svaf frammað hádegi.

Í morgun vaknaði hún reyndar á sama tíma og systkinin sín án þess að vera vakin enda erum við líka hætt að vekja hana á morgnanna nema á mánudagsmorgnun því þá þarf hún að mæta í sjúkraþjálfun ef orkan er til staðar.  Hún er öll að koma til með matinn, farin að borða aðeins meira en hún er t.d. á þriðja Lucky charm disknum sínum (hún fær allt sem hún biður um) sem er mjög gott en það er samt eitt sem er að bögga okkur mikið hvað hún er slöpp.  Hún á ekki að vera svona slöpp einsog hún er þessa dagana þó hún hafi ekki borðað mikið síðasta mánuðinn, hún er líka mjög þvoglumælt sem sagt mjög erfitt að skilja hvað hún er að segja.  Ætli við heimtum ekki lyfjamælingu á flogalyfjunum á fimmtudaginn þegar hún á að mæta í vikutjekkið sitt, hvort hún sé að fá of mikið af flogalyfjunum því hún er búin að léttast svo mikið en þetta er allt miða við þyngd hennar.  Maður er bara svo hræddur við að taka eitthvað út af lyfjunum því ég er svo hrædd við krampana.  Þuríður mín hefur verið krampalaus næstum því í ár sem er bara best í heimi og það yrði hrikalega erfitt ef hún færi að krampa aftur, mjög erfið upplifun fyrir okkur öll.  Tekur mjög á litla kroppinn hennar og svo myndi það ö-a alveg fara með hana Oddnýju Erlu okkar sem passar svo vel uppá stóru systir sína. Well þetta kemur allt í ljós á fimmtudaginn.

Litli íþróttaálfurinn okkar á afmæli á morgun, allir nágranna vinirnir verða boðnir í pizzupartý og foreldrar en ég bý bestu blokk ever og það er mikill samgangur hérna á milli íbúa á jarðhæðinni.  Það eru sex íbúðir og að meðaltali 2 börn 6 ára og yngri í hverri íbúð, bara gaman!!  Hef aldrei kynnst öðru eins og það mun mæta leynigestur í afmælið sem stelpurnar reyndar vita af en þið fáið ekkert að vita fyrr en þetta er liðið.  Vííííi stelpurnar eru svooooo spenntar!  Það er svo mikið af góðu fólki í kringum okkur og sérstaklega þessi leynigestur sem hefur gert góða hluti fyrir börnin okkarsem við munum aldrei geta þakkað nógu mikið fyrir.

Skólinn kominn á fullt og ég er ekki alveg kominn í gírinn, Þuríður mín þarf ágætlega ummönnunn hérna heima og þá er erfitt að kúpla sig aðeins út en þetta kemur með kalda vatninu eða?

Ætla að enda þetta á einni fallegustu mynd af hetjunni minni, tæplega þriggja ára gömul:

Psss.sss Ef þið hafið mikin áhuga á slúðri fræga fólksins mæli ég með því að þið kíkið á www.gossip.is síða sem minn athyglisjúki  bróðir er með.

 

Athugasemdir

[Bryndís R (IP-tala skráð) 22.1.2008 kl. 09:05]

Hún er algjör hetja. Þið eruð í mínum bænum á hverju kvöldi.

Til hamingju með litla íþróttaálfinn ykkar

[Þórunn Eva , 22.1.2008 kl. 09:07]

hæ hæ sæta :) gott að heyra með lucky charmsið hehheh ;)

já hún er sko lang flottust þessi skvísa :) hafið það gott í pizza partýinu og vonandi verður litli kútur aðeins ánægðari með að eiga afmæli á morgun heheheeh :)

koss og knús á ykkur öll..... 

[Kristín (IP-tala skráð) 22.1.2008 kl. 09:11]

Til hamingju með litla kútGuð veri með ykkur og gangi ykkur vel.

[Guðrún Bergmann (IP-tala skráð) 22.1.2008 kl. 09:57]

FALLEGUST!!!!!

[Sigurrós (IP-tala skráð) 22.1.2008 kl. 10:12]

Hef kíkt öðru hvoru hingað til að sjá hvernig gengur, en hef ekki skrifað fyrr. Langar bara að senda ykkur stuðningskveðjur fyrir yndislegu Þuríði ykkar og óska ykkur til hamingju með íþróttaálfinn :)

[Guðrún Jóhannesdóttir, 22.1.2008 kl. 10:36]

bara laaaangfallegust þessi stelpa  já og til hamingju með litla íþróttaálfinn og morgundaginn

Þið eruð ætið í bænum mínum Áslaug mín, hugsa mikið til ykkar. Frábært að hún Þuríður sé svona dugleg að borða lucky charm, það er næring í því og það er fyrir öllu. Kannski fæst hún til að drekka kamillute með hunangi, ég er með tröllatrú á þeirri blöndu, veit að það hjálpaði á mínu heimili og eins kunningjakonu minni. Kamillute er gott fyrir alla, og ekki síst fyrir þig sjálfa, sumum finnst það vont, en það gerir svo gott.

Knús á ykkur elsku fjölskylda

Skagakellan Gunna 

[Björk töffari (IP-tala skráð) 22.1.2008 kl. 10:46]

Elsku Þuríður mín,ég vildi óska þess að þér mundi líða betur,finn fyrir algjörum vanmætti að lesa þetta.En ég bið guð að vera með þér og gefa þér kraft og styrk.Skilaðu kveðju til Þuríðar ömmu með þakklæti fyrir fallegt comment á mína síðu..kærleiksknús

[Hólmfríður Bjarnadóttir, 22.1.2008 kl. 11:21]

gott að heyra frá þér kæra Áslaug. Þó enn sé ýmisleg ekki eins og það á að vera, þá eru þó skýr batamerki á himni. Gott mál. Til hamingju með litla Theodór Inga sem er nafni afa míns og eldri dóttur minnar. Gott að heyra að það sé svona gott sambýli í blokkinni þinni. Guð veri með ykkur öllum Fríða

[Sólveig Jónsd (IP-tala skráð) 22.1.2008 kl. 11:27]

Æ, hvað það er yndislegt að heyra að hún sé að fá matarlystina aftur.  Bið Guð að gefa henni kraft og styrk. Ég man þegar ég sá þessa fallegu mynd af Þuríði Örnu í fyrsta skipti, fyrsta sem ég hugsaði: Guð, hvað hún er falleg.Kærleikskveðjur Sólveig.

[þóra pálsdóttir (IP-tala skráð) 22.1.2008 kl. 12:04]

Mikið er þetta falleg mynd af stelpunni ykkar.  Sendi ykkur baráttukveðjur. 

Þóra og co 

[Emma Vilhjálmsdóttir, 22.1.2008 kl. 13:25]

Hún er gullfalleg litla hetjan ykkar og systkini hennar líka. 

Ég veit hve erfiður sjúkdómur þetta er bæði fyrir sjúklinginn og aðstandendur, því faðir minn var með heilaæxli í mörg ár og fór í hverja heilaaðgerðina á eftir annarri. 

Ég bið fyrir ykkur og bið Guð að gefa ykkur styrk í þessari erfiðu baráttu. 

[gunna (IP-tala skráð) 22.1.2008 kl. 13:35]

Til hamingju með íþróttaálfinn ykkar.

Falleg mynd af fallegri dúllu.

Guð veri með ykkur

[Ylfa Mist Helgadóttir, 22.1.2008 kl. 15:30]

Vona að afmælið verði skemmtilegt. það er svo gaman að búa á stað þar sem mikill samgangur er. Gott að eiga góða granna, eins og þar stendur. Guð blessi ykkur!

[Gunnar Helgi Eysteinsson, 22.1.2008 kl. 16:52]

Þetta er æðisleg mynd af hetjunni.

Es. Mér finnst allt í lagi að lesa fréttir um fræga fólkið, en ég hreinlega hata slúður. 

[Guðrún (Boston) (IP-tala skráð) 22.1.2008 kl. 17:18]

Til hamingju með litla íþróttaálfinn. Sendi orkuknús á litlu hetjuna.

kærleiksknús Guðrún

[4 barna mamman (IP-tala skráð) 22.1.2008 kl. 19:06]

Bara fallegust litla hetjan ykkar.  Augun hennar eru ótrúleg og segja mér svo margt. 

knús á ykkur með von um góða daga 4 barna mamman

[Sólveig (IP-tala skráð) 22.1.2008 kl. 21:21]

Kæru öll

Frábært hvað vel tóskt til með tónleikana, tók eftir því að Skari þinn gaf sér tíma í smá viðtal, ekki skrítið að þú sért hrifinn a þinum manni.

Verra með hetjuna okkar allra.

Sendi ykkur öllum kærleikskveðjur í fullan STÓRAN kassa.

frá Sólveigu

[Calvín, 22.1.2008 kl. 22:15]

Dóttir þín er algjör engill að sjá. Megi Guð vaka yfir henni og styrkja. Að fara með Maríubænina á erfiðum stundum hefur alltaf hjálpað mér og fært mér frið:

Heil sé þér María, full náðar / Drottin er með þér, blessuð er þú meðal kvenna / Blessaður er ávöxtur lífs þíns Jesús / Heilaga María Guðs móðir bið þú fyrir oss syndugum mönnum nú og á dauðastundu vorri.

[Halla Rós (IP-tala skráð) 22.1.2008 kl. 22:53]

Til hamingju með litla íþróttaálfinn

Myndin er alveg ofboðslega falleg af fallegu Hetjunni, þið eruð alltaf í mínum bænum, mikið hvað ég vona að hún fari að fá smá orku og að henni fari að líða betur.

Knúsar frá Dk

[Ingibjörg (IP-tala skráð) 23.1.2008 kl. 23:59]

Mátti til með að kvitta, ég þekki ykkur ekki neitt en fylgist með á hverjum degi.                                                                                   Mér var svo mikið hugsað til ykkar um daginn en litla dóttir mín veiktist, mikill hiti, var bara í móki og borðaði ekki neitt (þá ér hún mikið lasin). Hjá okkur voru þetta bara 3 dagar og fannst mér alveg nóg. Þið eruð ótrúlega dugleg og þakka ég ykkur fyrir að leyfa okkur að fylgjast með báráttunni. Myndin af hetjunni er æði, þvílíkt beauty sem og Oddný Erla og íþróttaálfurinn mikli.

Baráttukveðjur til ykkar allra