Fullt af rannsóknum

Þar sem hjúkkan hennar Þuríðar minnar stór af skarið og ákvað að panta hjá augnlækni fyrir Þuríði mína vegna þess hvernig hún er búin að vera síðustu vikur.  Ótrúlega erfið, óhamingjusöm, hausverk og svo lengi mætti telja og jú mín stúlka fór til augnæknis í morgun og viti menn hún er með plús fimm í sjón og þarf að fá gleraugu, kanski ekkert skrýtið að stúlkan er búin að vera svona hrikalega óhamingjusöm síðustu vikur og vonandi er BARA þetta að bögga hana.  Augnlæknirinn fannst nú frekar skrýtið hvað hún hefur haldist svona lengi að sjá svona illa, ég meina hún hefur bara haldið að hún ætti að sjá svona greyjið.  Í næstu viku fer hún svo í heyrnamælingu sem vonandi kemur vel út en oft heldur maður að hún heyri mjög illa en kanski nennir hún bara ekki að hlusta á foreldra sína hahaha.  Svo í desember fer hún í heilarit, það er nefnilega bara allt skoðað þegar henni líður svona einsog henni hefur liðið en læknisskoðunin kom mjög vel út, ekkert bendir til þess að það séu e-h breytingar í æxlinu.

Núna erum við allavega farin að undirbúa hana fyrir gleraugun því ég er ekki alveg að sjá Þuríði mína í anda með gleraugu, ætli við þurfum ekki að panta vikulega því hún verður alltaf búin að týna þeim hehe.  Annars er hún alltaf að koma á óvart og er farin að hlakka til að fá gleraugu því hún ætlar að vera einsog Jón Karl frændi sinn.

Klikkað að gera hjá húsmóðirinni sem getur ekki beðið eftir 5.des því þá er ég komin í jólafrí.

Athugasemdir

[Hrundski (IP-tala skráð) 16.11.2009 kl. 18:58]

æ dúllan. Þau verða langflottust og kannski í stíl hún og Úlfur en hann fær sín gleraugu núna á næstunni. Ég veit bara ekki alveg hvernig ég á að stoppa að hann sturti þeim ekki oní klósettið :)

[Sólveig Jörgensdóttir (IP-tala skráð) 16.11.2009 kl. 22:19]

Sæl ég þurfti að kaupa gleraugu á lilluna mína fyrir um ári síðan og þá var besta verðið hjá Prooptik. Hægt að skoða á síðunni hjá þeim: http://www.prooptik.is/Barnagleraugu.html.

Kv Sólveig

[Hólmfríður Bjarnadóttir, 17.11.2009 kl. 00:08]

Mér er sagt að það sé ódýr gleraugnabúð á Akranesi. Svo er annað, mög stéttarfélög eru að styrkja gleraugnakaup barna félagsmanna. Gott að það er komin skýring og vonandi finnst ekkert annað. Kveðja í kotið

[Þóra (IP-tala skráð) 17.11.2009 kl. 00:12]

Kæra Áslaug...hef fylgst með ykkur lengi og dáist alltaf meira og meira að ykkur. Langaði bara til að segja þér að þegar þú skrifaðir um þitt einelti gafstu mér kjark og þor til að skrifa um mitt einelti. Þvílíkur léttir sem það var að koma þessu frá, en maður minn það tók langan tíma. Takk fyrir að leyfa okkur að fylgjast með þér ogtakk fyrir að vera sú sem þú ert. Þú og hetjan þín gefið okkur hinum svo mikið. Kærar þakkir Áslaug. Kv Þóra. 

[Ragnheiður , 17.11.2009 kl. 07:54]

[Álfheiður (IP-tala skráð) 17.11.2009 kl. 10:02]

Ég á son sem fékk gleraugu 3 1/2 árs og mæli eindregið með títan-gleraugum. Þau eru svo létt og svo er eilífðarábyrgð á umgjörðinni, hún hefur hrokkið í sundur tvisvar og við fengið nýja okkur að kostnaðarlausu. Við keyptum gleraugun í Gleraugnaversluninni í Mjódd en hugsanlega fást þessar umgjarðir víðar.

Gangi ykkur vel.

[Lilja ( ókunnug ) (IP-tala skráð) 17.11.2009 kl. 12:35]

Æj litla skinnið, vonandi verður allt ok þegar gleraugun verða komin á skvísuna.. knús á ykkur öll.

[Kristín (IP-tala skráð) 17.11.2009 kl. 15:49]

Skal engan undra að litla stúlkan hafi ekki verið ánægð með sig.  Vonandi gengur allt betur eftir að gleraugun eru komin á litla nebbannGuð geymi ykkur.

[Halldór Jóhannsson, 17.11.2009 kl. 20:14]

[Þóra (ókunnug) (IP-tala skráð) 18.11.2009 kl. 09:18]

Getur líka skoðað gleraugun í auganum - sem eru gerð úr títaníum og eru óbrjótanleg. Veit ekki hvort að þau gleraugu eru til á börn. En gleraugun þoldu að lenda undir trukki og þurftu bara smá viðgerð - fyrir utan glerin auðvitað;)

[HH (IP-tala skráð) 18.11.2009 kl. 14:59]

Hæ,

Það getur líka verið að hún heyri ekki nógu vel ef hún hefur ekki verið að sjá nógu vel. Sjálf nota ég gleraugu og um leið og þau fara af nefinu er eins og allt ruglist og ekki síst heyrnin. Hef ekkert vísindalegt fyrir mér í þessu en það er eins og öll orkan fari í að reyna að sjá:)

[Þórunn (IP-tala skráð) 18.11.2009 kl. 19:40]

Sæl

ég mæli líka með titan gleraugum, keypti fyrst þessi "ókeypis" í Pro Optic og þau voru vægast sagt óþægileg og dugðu mjög stutt.  Nú eru hin gleraugun búin að vera í notkun í 1 1/2 ár og það sér ekki á þeim og barnið finnur ekkert fyrir þeim.  Vissulega dýr en vel þess virði.

Gangi ykkur vel  

[Ásta (IP-tala skráð) 21.11.2009 kl. 10:06]

Ég hef keypt gleraugu í pro optic í Hagkaup í Skeifunni og þar er hægt að velja um svo margar ókeypis gjarðir og barnið mit hefur amk aldrei kvartað og notar alltaf gleraugun sín (+4)

Hún finnur örugglega hvað það er gott að vera með gleraugun og verður dugleg að nota þau. Bara um að gera að leyfa henni að hvíla sig á þeim þegar hún vill fyrst um sinn.

Gangi ykkur rosalega vel með allt saman. Skil vel að þú sért áhyggjufull og getir ekki sofið (nýrri færslan) en vonandi lagast það. Því þú þarft á hverri  einustu sekúntu að halda sem þú getur hvílst.

Heill og hamingja fylgi ykkur öllum.

[Ísbjörn, 23.11.2009 kl. 09:19]

Sæl og blessuð

Ég kíki hér inn alltaf af og til og get ekki annað sagt en að ég dáist að þér og ykkur öllum. En varðandi gleraugu. Ég á tvö börn með gleraugu og bæði voru í kringum þriggja ára þegar þau fengu þau. Ég hef alltaf keypt Lindberg títan gleraugu fyrir þau bæði. Þau eru ekki dýrari en önnur barnagleraugu en eru alveg frábær. Ég hef aldrei lent í að þau brotni eða neitt en ef þau bila þá er ábyrgð á þeim. Strákurinn minn er 11 ára núna og enn vill hann bara Lindberg gleraugun. Mæli hiklaust með þeim. En gangi ykkur sem allra best áfram og vonandi fer hún Þuríður að hressast.

Með bestu kveðjum frá einni ókunnugri, Sóley