Er komin í fríííííí ......þar að segja skólafrí

Mikið er æðislegt að þurfa ekki að vera með lærdóm hangandi yfir sér næsa mánuðinn í staðin er ég núna að hjúkra Theodóri mínum sem var í hálskirtlatöku á föstudaginn og Oddnýju Erlu minni sem vakti mig svo skemmtilega í nótt með upp og niður.  En mikið er nú samt gott að vera með svona "venjuleg" veikindi á bænum. 

Þuríður Arna mín var reyndar í heilariti í morgun og fær væntanlega úr því í lok vikunnar en það kemur að sjálfsögðu bara flott úr því og við munum geta haldið áfram að minnka flogalyfin hennar um áramótin en ekki hvað?  Jú einsog þið vitið fékk hetjan mín gleraugu fyrir ekki svo mörgum dögum en hún var sú allra óhamingjusamasta fyrir þann tíma en þvílík og önnur eins breyting á einu barni eftir að hún fékk gleraugun.  Þetta er allt annað líf fyrir hana, loksins farin að sjá eitthvað, fyrir þann tíma þegar hún var að skrifa, skrifaði hún MJÖÖÖÖÖG stóra stafi og frekar bjagaða og maður hélt að sjálfsögðu að það væri vegna þess að hún ætti svo erfitt með fínhreyfingarnar en nei nei hún bara sá ekki neitt sem hún var að skrifa.  Hún var nefnilega að skrifa nafnið sitt fyrir mig og það var bara einsog ég hafi skrifað það (já eða svona næstum því), ohh mæ god hvað það var fallega skrifað.  Hún er líka farin að sjá það sem hún les, LOKSINS!! ...og að við skulum ekki hafa fattað að hún hafi ekki séð neitt, hún hefur líka bara haldið að þetta ætti að vera svona.  Greyjið!!  Hún tekur heldur ekki af sér gleraugun því henni finnst þetta svo miklu betra, um leið og hún vaknar á morgnanna þá setur hún þau upp, óumbeðin.  Bara flottust og duglegust!!

Ég held að það stefni í bestu jól Þuríðar minnar og að sjálfsögðu okkar þá líka, jú jólin í fyrra voru þau bestu en þau verða bara betri og betri.  Fáum tvö jól í röð sem verða "án veikinda", best í heimi!! 

Í þessum töluðum orðum er ég að hjúkra sjúklingunum mínum tveimur og þess á milli skelli í ofninn tveimur sortum af smákökum og stefni í að hnoða í lagtertu.  Mmmmmm, gæti ekki verið betra.  Jú mín var að fá sína fyrstu einkunn í Stjórnun sem ég að sjálfsögðu brilleraði í en ég var að skrá mig á tvær brautir eftir áramót þannig eftir ár er stefnan sett á að útskrifast af tveimur brautum, ég veit ég er orðin kolrugluð.

Athugasemdir

[Hólmfríður Bjarnadóttir, 7.12.2009 kl. 19:08]

Orðin kolrugluð segir þú, ha ha. En í alvöru þú ert svo dugleg og bjartsýn að það er beinlínis heilsusamlegt að lesa færslurnar þínar. Theodór orðinn kirtalaus og Oddný fór í smá dítox heima hjá sér. Það albesta eru gleraugun hennar Þuríðar og hvað hún er í mikilli framför.

Og þú að læra stjórnum sem er frábært, en hvenær sefur þú mín kæra bloggvinkona. Gangi ykkur allt í haginn.

[Ásdís (IP-tala skráð) 7.12.2009 kl. 21:17]

Mér finnst alltaf jafn æðislegt að koma hingað og lesa bloggið þitt, sérstaklega ef maður er búinn að vera að lesa einhverjar leiðinlegar fréttir, þá lyftist maður alveg upp.  Þú ert alveg fáránlega dugleg og að þú skulir standa þig svona vel í skólanum er líka alveg með ólíkindum!  Hlakka til að lesa meira skemmtilegt, og skilaðu batakveðju til krakkanna.  Hlakka líka til að heyra hvað kemur út úr ritinu!

Kveðja, Ásdís.

[Halldór Jóhannsson, 7.12.2009 kl. 22:28]

[Þorgerður (IP-tala skráð) 8.12.2009 kl. 08:53]

Frábær lesning.  Kveðja frá Þorgerði.

[Helga Arnar (IP-tala skráð) 8.12.2009 kl. 11:19]

Frábært! Já það er merkilegt hvað gleraugu geta gert ;) Vonandi verða jólin ljúf og góð við ykkur og að allir verði hressir og hraustir

Kveðja,

Helga skagaskjáta

[Begga Kn. DK (IP-tala skráð) 8.12.2009 kl. 11:32]

Ég er svo meir að ég fæ stundum tár í augun við lesninguna hérna. Ég finn alveg stoltið sem hríslast um kroppinn þegar þú lýsir því hvað hún skrifaði nafnið sitt fallega.
Yndislegt að hún skuli finna það hvað gleraugun gera henni gott.
Jólaknús frá bláókunnugri í DK ;o)

[Dagrún (IP-tala skráð) 8.12.2009 kl. 19:59]

þú er frábær  og dugleg , gaman að fá að fylgjast með ykkur , bláókunnuð , maður hættir að kvarta yfir minstu smámálum þegar maður les þínar færslur  , vildi að ég hefði þessi ofurkrafta stundum , hehe er nú oftast með þá .

jólaofurknús

[Brynja (IP-tala skráð) 9.12.2009 kl. 10:44]

Bara flottust vínkona og líst vel á þessar tvær brautir þú verður orðin flott þegar útskriftin verður.... svo er það bara háskólinn og ekkert annað!!!!!

Yndislegt að heyra með hana Þuríði flottustu;) Ótrúlegt hvað sjónin er mikilvæg og megum þakka fyrir hana.

Lúv.

[Kristín (IP-tala skráð) 9.12.2009 kl. 12:03]