....

Hef ekki fundið fyrir þessari tjáningaþörf síðan Þuríður mín var sem veikust, mikið vildi ég óska þess að ég væri búin að loka þessari síðu einsog ég ætlaði mér þegar við ætluðum okkur að fá góðu fréttirnar þann 11.maí. 

Það átti að hefjast nýr og skemmtilegur kafli í lífi okkar fjölskyldunnar síðastliðin þriðjudag en í staðin hrundi heimurinn, mér fannst þessi heimasíða hafa neikvæð áhrif á mig því hún minnti mig orðið of mikið á veikindi Þuríðar minnar og ég farin að hlakka til að hætta hafa líf mitt "opinbert" og fara lifa "eðlilegu" lífi einsog að pirrast útí einhhverja hluti sem skipta ENGU máli en þá varð raunin ekki svoleiðis.  Mig langar að pirrast útí eitthvað svo ómerkilegt en ekki vera svona leið, sorgmædd, hnút í maga, kvíða fyrir næstu vikum.  HELVÍTIS!! 

Mér leið illa þegar Þuríður Arna mín greindist í fyrra skiptið og hélt að það væri ekki hægt að líða verr en núna mér líður hundrað sinnum verr.  Ég skil bara ekki þennan tilgang og mun aldrei skilja?  Ef ég myndi leyfa mér það þá væri ég grenjandi allan sólarhringinn, mér finnst vont að vera ein með Hinrik minn, mér finnst sárt að horfa á Þuríði mína vitandi það að það á eftir að pína hana meir.  Hrikalega er þetta sárt allt saman. 

Þuríður Arna mín er samt ágætlega hress en þegar við lítum tilbaka þá sjáum við alveg að hún er farin að kúpla sig útur fjöldanum þegar hún er orðin þreytt á hávaðanum og er kanski ekki að fíla sig innan um allan fjöldann.  Hún er hætt að vilja vera eins mikið úti og hún er vön að gera, hún er nefnilega ótrúlega mikið fyrir að vera leika úti innan um alla nágrannakrakkana en það hefur minnkað/breyst.  Hún t.d. nennti ekki í göngutúr í dag eða var kanski bara of þreytt að labba og þá var að sjálfsögðu var kerran dregin út. 

Hérna er ein sem var tekin í dag af þeim systkinum, ég gæti ekki verið ríkari.

Athugasemdir

[Hrönn (IP-tala skráð) 16.5.2010 kl. 20:29]

Ég skil vel að þú þurfir að tjá þínar tilfinningar,um þína líðan, það getur engin sett sig í þín spor,en þú ert alveg ótrúlega dugleg,ótrúlega hugsuð  mamma, ótrúleg manneskja með svo STÓRA  SÁL að ég tárast bara við tilhugsuna um hvað þú þarft að ganga í gegnum,en þið öll fjölskyldan eru svo eruð svo sterk ,vonandi gengur þetta allt vel ,við utan að komandi getum bara öll sem eitt kveikt á kertum og beðið um að allt það besta í þessu ferli ,fari allt á besta veg.Baráttukveðjur .Hrönn.

[Hólmfríður Bjarnadóttir, 16.5.2010 kl. 20:33]

Fyrst að svona fór og allt hrundi, þá er gott að þú getir sett hér smá brot af þinni vanlíðan.  Vona bara að þessir dagar drattist áfram svo þið fáið meira að vita, sýni verði tekið og planið lagt. Óvissa og óreyða er svo slæm. Sendi ykkur bænir og blesunar óskir

[Kristin ókunnug (IP-tala skráð) 16.5.2010 kl. 21:10]

Kæra fjölskylda. þetta er svo erfitt. Það eina sem ég get gert er að senda ykkur stórt faðmlag og bænir um að þetta gangi sem léttast hjá Hetjunni ykkar.

[Kona sem óskar ykkur alls hins besta (IP-tala skráð) 16.5.2010 kl. 23:18]

Megi hver sekúnda færa ykkur baráttuþrek,  hver mínúta færa ykkur von, hver klukkustund færa ykkur trú, hver dagur færa ykkur ást hvers annars, hvert ár færa ykkur hamingjustundir og yndislegar minningar.  Megi framtíðin taka á mót ykkur með útbreiddan faðminn og umvefja ykkur kærleika og hlýju.

[Ásdís (IP-tala skráð) 16.5.2010 kl. 23:40]

Ég hef ekki hugmynd um hvað ég á að skrifa núna en mig langar bara svo til að stappa í ykkur stálinu.  Þið eruð ótrúlegasta fjölskylda sem ég veit um og ég vona svo sannarlega að þetta komi allt til með að ganga vel hjá ykkur.  Þú ert alltaf til í að aðstoða alla aðra ef þú mögulega getur og gafst mér einmitt fullt af upplýsingum þegar strákurinn minn greindist með flogaveiki.  Ég sendi ykkur allar mínar hlýjustu hugsanir og fylgist með eins og vanalega. 

[Kristín (IP-tala skráð) 17.5.2010 kl. 08:51]

Mikið brá mér þegar ég las þessar leiðinlegu fréttir.  Bið Guð að styrkja ykkur og að þetta fari allt vel.  Baráttukveðjur

[Sólveig (IP-tala skráð) 17.5.2010 kl. 10:12]

Elsku hjartans þið öll

Gott að þú pústrar og Guð veit að það er ekki skrýtið þetta er svo hrikalega erfitt, þú sem varst á leiðinni í þína uppbyggingu eftir þetta hrikalega álag síðustu ára.

Og allt sem þú afrekar Áslaug, því bara að hugsa um 4 börn þó ekkert sé að er ærið verkefni.  Það er eitthvert extra efni í þér, enda eins gott.

Hópurinn alltaf svo fallegur, hárið á stelpunum svo mikið og Oddný Erla á fimleikamyndinni eins og lítil drottning.  Þið eruð bara öll svo æðisleg.

Ég ætla enn og aftur eins og reyndar alltaf, að biðja Guð og allan englahópinn að vera með ykkur öllum styrkja ykkur og styðja því nú sem aldrei fyrr ríður á.

Ég reyndar trúi því aldrei að þetta fari ekki vel, að bara getur ekki verið.

Kærleikskveðja í húsið.

frá Sólveigu

[Unnur Ylfa (IP-tala skráð) 17.5.2010 kl. 10:41]

Kæra fjölskylda,

Vildi bara segja ykkur að við hugsum til ykkar og þetta var alveg rosalegat áfall að heyra þetta.

Eins og þú talar um að pirrast út í smáatriði þá hefur þú einmitt kennt mér að vera ekki að pirrast út af smáatriðum því lífið getur verið mun verra en það.

Ég trúi því samt að Þuríður ofurhetja muni sigrast á þessu með hjálp ykkar foreldranna, systkina hennar og fjölskyldu og þið eruð svo sannarlega rík að eiga öll þessi gullfallegu börn.

[Sandra (IP-tala skráð) 17.5.2010 kl. 15:02]

Er búin að fylgjast með þessu bloggi alveg síðan 2007.

Þú Áslaug ert sterkasta kona sem ég veit um í heiminum, þú tekur svo vel á hlutunum og ert ekkert að skafa af þeim heldur.

 Þuríður Arna, er hetjan mín, okkar allra. Við öll trúum því að hun geti læknast að fullu og einn daginn lifað góðu lífi.

Ég býst við því versta og vona það besta.

Kv Sandra.

[Soffía, 17.5.2010 kl. 15:21]

Hef stundum kíkt inn á þetta blogg.  Vil bara senda ykkur afskaplega hlýjar hugsanir og kveðjur.  Þið eigið að sjálfsögðu bara gott eitt skilið

Kv
Soffía