Bæklingurinn kominn út...

Þá er kominn út kjúklingabæklingur "eftir mig" en það hefði átt að dreifa honum á flest heimili í gær en ef þú fékkst hann ekki þá er ekkert mál að senda þér hann gegn póstburða/umslagsgjaldinu eða 200kr.  Endilega sendu á mig póst á [e-mail] ef þú vilt fá eitt stk en bæklingurinn sjálfur er að sjálfsögðu ókeypis.  Ég var líka að opna heimasíðu www.vefeldhus.is þar mun ég deila uppskriftum sem við fjölskyldan gerum en markmiðið mitt er að birta nýja uppskrift vikulega en ég er svo heppin að ég fæ allan kjúkling hjá Holta kjúklingum þannig þá er auðveldara fyrir mig að gleðja ykkur.  Endilega kíkið á síðuna og farið að elda kjúklinga.

Annars styttist í rannsóknir Maístjörnu minnar eða á þriðjudaginn og svo væntanlega á miðvikudeginum fáum við fund með læknum okkar og fáum að vita niðurstöðurnar.  Maginn er að sjálfsögðu kominn á hvolf en ég er svo heppin að geta gleymt mér síðustu vikur útaf bæklingnum en spenningurinn er búinn að vera mikill.

Eigið góða helgi - það verður að sjálfsögðu kjúklingur matreiddur um helgina og svo er bara partý kvöld hjá okkur krökkunum í kvöld.

Athugasemdir

[Kristín (IP-tala skráð) 14.9.2012 kl. 10:43]

Elsku fjölskylda, bið þess að allt gangi vel á þriðjudaginn, góða helgi :)

[Ragnheiður , 14.9.2012 kl. 19:29]

Flottur bæklingurinn þinn Áslaug :) Gangi þér vel

[Didda ókunn (IP-tala skráð) 14.9.2012 kl. 22:56]

gangi ykkur allt í haginn áþriðjudaginn og áfram, ljúfar kveðjur til ykkar, flotta fjölskylda :):):)

[Sólveig Jónsdóttir (IP-tala skráð) 17.9.2012 kl. 16:52]

Flottur bæklingurinn, kærar þakkir fyrir hann.

Vona svo bara að niðurstöðurnar komi vel út. Hugsa til ykkar!

[Eva Björk (IP-tala skráð) 18.9.2012 kl. 20:03]

Er einhversstaðar hægt að nálgast þessa uppskriftabók? Bý ekki á Íslandi.

[Jóhanna Ósk Kristjánsdóttir (IP-tala skráð) 19.9.2012 kl. 23:41]

Var að fá bæklinginn þinn með Morgunblaðinu í gær og mikið er þetta ofsalega flott hjá þér !

Hjartanlega til hamingju með þennan glæsilega bækling Áslaug !!

Það verður alveg örugglega eldað uppúr honum á mínu heimili í framtíðinni :)

Vonandi hafið þið fengið góðar niðurstöður úr rannsókn Maístjörnunnar okkar allra.

Kærar kveðjur úr Trékyllisvíkinni.