:(

Það verður víst ekkert úr mömmudeginum okkar Oddnýjar Erlu minnar í dag þar sem hetjan mín er lasin en Oddný fær samt að vera heima því ég þarf líka að skreppa með hana til augnlæknis á eftir.  Lofaði að hjálpa mér að dekra við Þuríði.  Hún svaf hrikalega illa í nótt eða nánast ekkert frá hálf fjögur eða var það hálf þrjú, man ekki?  Þungur andadráttur og ljótur hósti sem er ekki gott.  Maður verður svo smeykur við það þegar hún veikist sérstaklega við þennan ljóta hósta og hrædd við að hún fái lungabólgu.  Ég og Oddný erum búnar að vefja hana inní mjúka góða teppið sem við fengum frá yndislegri konu í vikunni og þar liggur hún og horfir á imbann, vávh hvað ég elska þetta teppi.

Vonandi mun Þuríður mín hafa orku í piparkökubakstur um helgina en ég ætlaði að leyfa krökkunum að gera pikarkökur sem þau bíða spennt eftir og svo ætluðum við að klára skreyta íbúðina hátt og lágt.  Þau heimta ljós inní herbergin sín ehe og að sjálfsögðu fá þau það en ég þarf víst að fara í einhverja búðina um helgina og velja mér smá jólaskraut en okkur mæðgunum finnst nú ekki leiðinlegt að kaupa svoleiðis eða bara skoða.

Í lokin langar mig að óska Ívari frænda mínum og hans konu hjartanlega til hamingju með litla kútinn sem þau eignuðust í gærkveldi eða kl eitt í nótt.

Skrifa aðra færslu í kvöld eða seinni partinn vegna heimsóknarinnar til okkar í dag sem ég held allavega að við fáum.

Athugasemdir

[Þórdís tinna, 30.11.2007 kl. 08:31]

Vonandi batnar snúllunni sem fyrst.  Spennandi að bíða eftir næstu færslu - hafið það sem allra, allra best .

[Hólmfríður Bjarnadóttir, 30.11.2007 kl. 09:51]

Sendi Þuríði fullt af bata englum til að taka hóstástæðuna. Mikið verður gaman að skreyta og baka. Svo bíð ég eftir þessu óvænta. Guð blessi ykkur Fríða

[Elsa Nielsen, 30.11.2007 kl. 10:33]

ÓMÆ - ég er svooooo spennt!!! Vonandi batnar litlu hetjunni sem fyrst.

KNÚÚÚS

[Þórunn Eva , 30.11.2007 kl. 10:36]

saaaaaaaaaaaaxzarxaasrddewd

jón Sverrir var að skrifa bata kveðjur ti lÞuríðar Örnu bara sætur í sér þessi elska... :)

láttu þér batna sæta mús... og jamm það er verið að drepa mann úr forvitni hehehe :)

koss og knús Þórunn og Jón Sverrir

jk8kðiok8kikiiiuoiokkueeeeeeejko9 (Jón Sverrir var að velja kall handa Ykkur )

[Ella (IP-tala skráð) 30.11.2007 kl. 10:45]

Hæ. Verð að segja þér fá græna gelinu frá Volare sem má borða, ég hef alveg trölla trú á þessu geli og margar góðar sögur til af því hvað það hefur gert fyrir fólk, ég gef börnunum mínum 1/2 skeið þegar þær eru slæmar af hósta og það mýkir mjög og hreinsar hálsinn. Ein sem ég veit um tekur alltaf skeið á dag og hún segist aldrei fá kvef eða hósta 7,9,13 :) Varð að segja þér frá þessu. Baráttukveðjur Ella

[Kristín (IP-tala skráð) 30.11.2007 kl. 11:09]

Sendi bænir og hlyjar hugsanir til litlu stúlkunnar.  Bíð spennt eftir næstu færslu.