....... og Þuríður Arna mín heldur áfram að léttast

Hvað er málið?  Afhverju í andskotanum geta þeir ekki bara speglað hana strax?  Núna erum við búin að heyra þessa setningu í allavega mánuð "já við skulum sjá til í eina til tvær vikur í viðbót".  Er svona mikill sparnaður í þessari stétt að það er ekki hægt að gera eitthvað fyrir hana?  Speglun kostar hún svona mikið?  Þarf ég að leggjast á gólfið uppá spítala svo þeir geri eitthvað eða fara til annarra landa?  Djöfull er ég orðin reið og pirruð á þessum svörum, óþolandi!  Já barnið er búið að léttast um þrjú og hálft kg, alveg að hrynja í sundur en lítur samt betur út en síðasta mánuðinn þar að segja hún er orðin glaðari, farin að sýna smá púk sem er best í heimi, þarf að hafa aðeins meira fyrir henni sem ég elska, hláturinn hennar er komin aftur ohh ég elska hann mest því hann kemur svo innilega frá hjartanu, hún tjáir sig meira og farin að mæta meira en venjulega á leikskólann.  Hún ætlaði að vera lengur í dag en því verr og miður gat hún það ekki því hún hélt engu niðri, þetta kemur allt út aftur.  Bwaahhh!!  Eigum að reyna gefa henni hitt og þetta en verst að henni finnst þetta allt saman VONT og það þýðir ekkert að pína ofan í hana eitthvað sem hún vill, Þuríður mín veit alveg hvað hún vill og lætur ekkert segja sér. 

Jebbs það á sem sagt að reyna í viku í viðbót og ath hvort hún fari ekki að þyngjast og ef ekki á að spegla hana.  hmmm hvað hef ég heyrt það oft?  Já ég er orðin ógeðslega pirruð og mér er nákvæmlega sama þó að eitthvað af þessu liði lesi þetta því ég er ORÐIN PIRRUÐ, það er alltaf verið að framlengja þetta.  Það er ekki einsog það skaði hana að láta spegla hana og ath hvort það sé eitthvað þar að bögga hana?  Nei það verður ö-a ekkert speglað hana þó hún væri orðin 10kg sem er nú ekkert svakalega langt í, ok smá ýking (6 kg í það).  Aaaaargghh!! 

Við eigum að taka enn eina ferðina sýni hjá henni og fréttum það bara áðan að það hefði verið einhver sýking hjá henni í byrjun janúar.  Ekki vorum við látin vita af því?  Hvað er málið?

Hún á að byrja í krabbameinsferðinni aftur í næstu viku, víííí!!  Einu góðu fréttirnar en það verður bara byrjað rólega og svo aukið við hægt og rólega.  Eigum þá aftur að hitta magasérfræðinginn sem væntanlega bíður með að spegla hana í viku til tvær vikur í viðbót, þannig hafa allavega verið vinnubrögðin síðasta mánuðinn til tvo eða síðan hún byrjaði að léttast í byrjun í des.

Nei ég er ekki í góðu skapi, orðin ótrúlega þreytt á þessu að láta mann bíða og bíða, prufa þetta og hitt?  Óþolandi!

Annars er Theodór minni litli íþróttaálfur kominn með hlaupabóluna, kominn með nokkrar bólur en líður bara vel.  Er búinn að vera hoppandi og skoppandi um alla íbúð í allan dag í sínum íþróttaálfs-sokka- og stuttbuxum og finnst hann svo kúl ehe.  Hann ætlar einmitt að vera íþróttaálfurinn á öskudaginn en ef hann fengi að ráða væri hann í þeim búning allan sólarhringinn eheh.  Bara flottastur!  Það sést allavega ekki á honum að hann sé eitthvað lasinn enda engan hita með.

Mér gengur vel í skólanum einsog fyrri daginn þó mér finnist ég oft vera gefast upp á honum vegna álagsins sem hefur verið síðustu mánuði og það er náttúrlega ekki frásögufærandi að ég fæ "bara" níur og tíur (samt aðallega tíur ehe) fyrir öll verkefnin mín en samt finnst mér ég ekki geta einbeitt mér nógu vel að honum.  Ég er bara orðin langþreytt á þessu öllu en veit það samt að námið hjálpar mér að geta gleymt mér en það hefur ekki gefist tími í að "gleyma" mér aðeins í lærdómnum því ég þarf að sinna hetjunni minni mikið sem er náttúrlega númer eitt, tvö og þrjú og þá langar manni bara að gefast upp á náminu en það yrði synd, ég veit það.

Frí á leikskólanum á morgun, verst að íþróttaálfurinn minn er lasinn því þá getum við ekki farið út.  Þá verðum víst bara að þrífa íbúðina í staðin, dóóhh!

Stelpurnar mínar komnar heim, ætla að fara sinna þeim ef ég get því ég labba einsog gömul kerling er svo slæm í grindinni.  Aaargghh!

Kv.
Áslaug nett pirraða

Athugasemdir

[Hólmfríður Bjarnadóttir, 31.1.2008 kl. 16:06]

Er ekki nett pirruð aðeins of vægt orð, er ekki öskureið miklu betra. Mikið væri ég lítið hissa þó þú færir inn á Lansa og settist þar og færir ekki þaðan fyrr en búið er að rannsaka Þuríði. Nóg um það, góðu fréttirnar eru mjög góðar. Kraftaverkið Þuríður að verða líkari sjálfri sér með hverjum deginum. Námshesturinn með níur og tíur eins og vant er og Íþróttaálfurinn bárðhress með hlaupabólu. Guð veri með ykkur öllum alltaf Fríða

[Dagrún (IP-tala skráð) 31.1.2008 kl. 16:12]

Hæ Hæ

Hvað er að þessum læknum , það á alltaf að bíða og biða , eftir hverju maður verður  stundum hissa á þessu , mikið skil ég ykkur vel að verða orðinn pirruð á þessari bið , en vonandi fáið þið svör fljótlega um þetta , gott að heyra að hún sé aðeins hressari ,vonandi fer matarlistin að aukast .

ein sem er oft með hugan hjá litlu prinssesuni 

Kveðja úr sveitinni

[Guðrún Jóna Gunnarsdóttir, 31.1.2008 kl. 16:15]

Það er svakalega erfitt að þurfa að bíða og sjá alltaf til. Mér dettur þó kannski í hug að þeir séu að reyna hlífa litlu píslinni við spegluninni, yfirleitt þarf að gefa ansi góðan skammt af róandi og slakandi til að hún gangi hjá börnum. Okkur fullorðna fólkinu finnst nóg um þessa rannsókn, hvað þá  krökkum

Svo er það þannig með blessaða þyngdina að það tekur svolítinn tíma fyrir vigtina að stíga eftir svona langvarandi þyngdartap. Gæti það verið skýringin á því að menn vilji hinkra, a.m.k. að hluta til? Ekki það að ef grunur er um bólgur o.þ.h. er þetta eitthvað sem verður að gera.

Mig skal ekki undra þó reiðin kraumi, þetta er erfitt og enn erfiðara ef skýringar liggja ekki fyrir.

Reyndu að gefast ekki upp á skólanum, taktu einn dag í einu og  mundu að stundum þarf maður að sætta sig við 80% sem er stórgóður árangur, ekki síst í ljósi aðstæðna.

[Linda Linnet Hilmarsdóttir, 31.1.2008 kl. 16:21]

[Lilja (IP-tala skráð) 31.1.2008 kl. 16:54]

Það er ekkert smá sem þessir læknar láta ykkur bíða með þessa speglun! Ég skil það ósköp vel að þú ert orðin pirruð á þessu, hver væri það ekki. Ég verð nú samt að hrósa þér og fjölskyldunni fyrir dugnað og þolinmæði í gegnum þetta allt saman, það er ekki sjálfgefið að taka þessu öllu saman eins og þið fjölskyldan gerið það.

Gangi ykkur vel í þessu öllu saman, hugur minn og bænir eru hjá ykkur.

Kv. ein sem kíkir á ykkur oft á dag.  Lilja

[Guðborg Eyjólfsdóttir, 31.1.2008 kl. 16:54]

Úff og ég sem hélt að minn dagur hafi verið erfiður og leiðinlegur, en þinn er greinilega verri. Á svona dögum er best að reyna að fara í Pollyonnu leik  Gandi ykkur vel

[Stella A. (IP-tala skráð) 31.1.2008 kl. 16:56]

[Hrönn (IP-tala skráð) 31.1.2008 kl. 17:05]

Je dúdda mía,aaaaarg hvað þú átt gott að losa svona reiðina, sem er vel skyljanleg , að nú kraumi mikill pirringur út í doxana, að fá engar skýringar ,en góðar framfarir hjá BROSdúlluni eru góðu fréttirnar,svo áfram áfram í skólanum ofurduglega kona.Baráttukv.Hrönn.

[Halla Rós (IP-tala skráð) 31.1.2008 kl. 18:51]

Ohhh

[Halla Rós (IP-tala skráð) 31.1.2008 kl. 18:54]

Færslan hérna fyrir ofan átti nú ekki að vera alveg svona mikið stutt ;)

 Enn þetta er alveg óskiljanlegt, hvernig þessir doksar, geta leift sér að draga þetta svona. Ég er bara ofboðslega reið fyrir ykkar hönd.

Enn sendi ykkur risastórt knús og alveg fullt, fullt af þeim, láttu mig bara vita ef það er of fast.

 Enn Áslaug í sambandi við grindina, ég lagaðist í minni við það að taka Omega 3 plus frá Forever living produkts. Mæli með því, getur farið á forever.is Fólkið sem er með þessa síðu er líka alveg einstaklega yndislegt,

Með kærri kveðju frá DK

[Halla Rós (IP-tala skráð) 31.1.2008 kl. 18:57]

Enn veit eitthver hvar ég get séð vikuna, mig langar svo að lesa greinina við þig og sjá myndirnar og svona, og get ekki keypt blaðið úti í búð, því ég bý í DK

Endilega ef éitthver veit þá er svo líka hægt að senda mér e-mail; [e-mail]

[Guðrún unnur þórsdóttir, 31.1.2008 kl. 19:15]

knús til þín Áslaug mín og ykkar allra

kær lveðja Gunna

[Jóhanna Magnúsdóttir (IP-tala skráð) 31.1.2008 kl. 19:28]

Knús

[Halldór Jóhannsson (IP-tala skráð) 31.1.2008 kl. 20:35]

Kærleiks og kveðja

[Dolores (IP-tala skráð) 31.1.2008 kl. 21:09]

ég óska þess innilega að allt fer að ganga vel fyrir ykkar,Hafið það sem best og Guð verið með ykkarþið eruð öll rósalega dugleg,Kveðja Dee

[Calvín, 31.1.2008 kl. 22:20]

Telja upp á 10 og anda djúpt. Reiði er aldrei til bóta.

[sigga gulludóttir (IP-tala skráð) 31.1.2008 kl. 22:35]

Elsku pirr piss. Finnst henni maturinn ekki bara vondur, ég meina hafa þessi lyf ekki áhrif á bragðskynið og valda ógleði. Þetta er svo mikið eitur þótt það geri sitt gagn. En ég skil vel að þú viljir svör, þið eigið heimtingu á þeim og engar refjar.

Djössssssss dúx ertu ég vildi að ég ætti svona aðuvelt með að læra þá væri ég komin með fimm háskólapróf og doktorsgráðu   Smart hjá þér og áfram svona............

[Alma Guðmundsdóttir og Freyja Haraldsdóttir, 31.1.2008 kl. 22:43]

Calvin, með fullri virðingu, þá held ég að Áslaug og hennar fjölskylda séu búin að telja upp á tíu og anda sýna dýpsta ÞÚSUND SINNUM og rúmlega það  ... Svo er reiði ágæt í hófi, ef við myndum aldrei skipta skapi væru líklega aldrei neinar framfarir

En kæra Áslaug, ég vona að það verði farið að gera eitthvað fyrir hana Þuríði þína ekki seinna en strax. Þekki þetta ,,bíðum og sjáum" syndrome og það er gjörsamlega óþolandi - ekki síst þegar svona mikið er í húfi og engin ástæða til að bíða og sjá endalaust.

Nú er ég orðin alltof æst......  .... svolítið heitt i mér blóðið.

Baráttukveðjur,

Freyja

[Svava (IP-tala skráð) 1.2.2008 kl. 00:00]

Fyrir svona veikt barn er það ansi mikið inngrip að fara í speglun - ég fór í speglun fullorðin kona og það var ekki gaman.  Það er skiljanlegt að þú viljir lausnir strax en svo einfalt er það ekki að finna lækningu, greina sjúkdóma og finna rétta meðferð.  Að fá sondu eða hnapp á magann er mikið mál fyrir barn í harðri krabbameinsmeðferð, það er hætta á sýkingum og fleira.  Best er alltaf að reyna að leysa málin án inngrips.  Læknarnir eru að reyna sitt besta fyrir barnið þitt, mér finnst þeir ekki eiga skilið gagnrýni fyrir að geta ekki komið með kraftaverk og skyndilausnir.  Þú gætir séð eftir því seinna ef þú lætur barnið ganga í gegnum óþægilegar og sársaukafullar aðgerðir. 

[Eyja (IP-tala skráð) 1.2.2008 kl. 00:24]

Skil vel að þú sért orðin pirruð,  þitt innsæi segir mest um hvað er barninu þínu fyrir bestu, finnst þetta alls ekki hörð gagnrýni á læknana, haltu áfram að standa fast á þínu, dáist að þér og ekkert múður þú veist langbest hvað er best að gera fyrir hana og hvernig henni líður hverju sinni.

Gangi ykkur vel, kveðja Eyja og co.

[Guðrún Jóhannesdóttir, 1.2.2008 kl. 00:32]

mikið vildi ég óska þess að þeir færu að finna hvað veldur þessu hjá henni krúttunni og kraftaverkastelpunni okkar.

Hefurðu prófað einhvern próteindrykk saman við ís svo úr verði shake? ég prófaði svoleiðis einu sinna með herbalife og súkkulaðiís, það var OF vinsælt hehehehe.

Skil vel að þú sért reið og pirruð, ene vonandi þarftu ekki að vera það lengi enn vinan. Knús í bæinn þinn af ísköldum skaganum

[biggi matt (IP-tala skráð) 1.2.2008 kl. 06:44]

hea... hef skodad siduna oft a dag og vona ad hetjunni ykkar muni ganga vel... gott ad hafa adra eins foreldra,

kvedja fra rio de janeiro

[Steinþór Ásgeirsson, 1.2.2008 kl. 09:17]

Gangi ykkur vel í klambrinu með Læknamafíuna.

Vona að Stelpan haldi áfram að braggast

Steinþór

[Ylfa Mist Helgadóttir, 1.2.2008 kl. 11:11]

Kærleiksknús að vestan.

[Áslaug Helga Hálfdánardóttir, 1.2.2008 kl. 13:33]

... Nei, maður skilur ekki afhverju er alltaf verið að bíða og bíða með hlutina, og svo spyr maður, bíða eftir hverju? og heldur svo áfram að bíða! kær baráttukveðja, Áslaug

[Kristín (IP-tala skráð) 1.2.2008 kl. 13:53]

[Agnes Ólöf Thorarensen, 1.2.2008 kl. 14:11]

bið er alveg óþvolandi..maður vill að hlutirnir séu gerðir strax..arg..gangi ykkur vel elskurnar..

[Nanna Katrín Kristjánsdóttir, 1.2.2008 kl. 14:15]

rosaæega ertu dugleg.  9 og 10 eru sko víst eitthvað til a tala um.  Vona hún fari að þyngjast. Átti hún ekki að fá sondu, það myndi auðvelda svo mikið, er það ekki?  Þá gæturu gefið henni reglulega þó hún sé listalaus og hún fenguð þá orku sem hún þarf.