Sýking á heimilinu

Svona vaknaði Theodór minn í morgunn:

Skari sagði honum að leika sig leiðann og að sjálfsögðu gerði drengurinn það hehe.  Hann er kominn á sýklalyf og fékk ekki að fara í leikskólann í morgun og ekki heldur á morgun því þetta er smitandi bara vonandi fær Þuríður mín þetta ekki.

Theodór er annars farinn að koma til mín þegar ég er að læra og spurja hvort hann megi læra með mér hehe einsog í gærdag og þá var hann ekki lengi að hlaupa ná í stafakarlabókina sína.  Verst þegar hann vill "læra" með mér þá get ég ekkert lært því hann er að segja mér alla stafina sem hann kann og ég verð svo að segja honum hvað allir hinir heita.

Hetjan mín er hress, settist niður með mér á föstudaginn rétt fyrir aðgerð og sagði "jæja mamma, var gaman í skólanum þínum í dag?, hvað ertu að læra?"  ...og þuldi svo allt stafróið fyrir mig hehe og svo hélt hún áfram að spurja mig og var þvílíkt áhugasöm um þetta.

Einsog þið sjáið á þessari mynd eru þau öll hress og kát, þeim leiðist aldrei hérna heima ehe, þau geta allavega ekki kvartað yfir því að hafa ekki leikfélaga.

Athugasemdir

[Ragnheiður , 3.11.2008 kl. 18:57]

Yndisleg neðri myndin- hann er samt sætur þó hann sé svona bólginn

[Halldór Jóhannsson, 3.11.2008 kl. 20:29]

Blessaður kallinn....þið stórfjölskyldan eruð framtíðar stjórnendur þessa lands......þvílíkt námsfólk eruð þið öll....Lærdómskveðja

[Aprílrós, 3.11.2008 kl. 20:31]

tek undir með hinum, þið eruð dugleg að læra og alles ;)

[Elsa Nielsen, 3.11.2008 kl. 22:56]

Já - þau eru heppin að eiga svona duglega mömmu (og pabba) - gott að vera með stutt á milli barna ;) Ég tapaði aðeins þar...fæ ekki að sofa út í 15 ár!!! :) KNÚÚS

PS - yndisleg neðri myndin :)

[Erna Sif Gunnarsdóttir, 3.11.2008 kl. 23:41]

Æ þið eruð svo dugleg :)

[hulda magg (IP-tala skráð) 4.11.2008 kl. 00:18]

 bara dásamlega falleg mynd!

kv hm

[Hólmfríður Bjarnadóttir, 4.11.2008 kl. 02:51]

Þarna er bara kominn verðandi Þjóðleikhússtjóri, Sveinn Einarsson á barnsaldri. Vonandi batnar þetta fljótt og smitar ekki frá sér. Þau eru fjörug og kát litlu skottin. Hefur ekki verið tekin nein bumbumynd af elsti skólastúlkunni á  heimilinu.  Og vel á minnst, hvernig gengur Skara í skólanum.

Guðsblessun í bæinn og bumbuna

[Þorgerður (IP-tala skráð) 4.11.2008 kl. 09:12]

Yndisleg fjölskylda..Kveðja frá Þorgerði.

[Linda Linnet Hilmarsdóttir, 4.11.2008 kl. 10:06]

Knúsilíus knús frá okkur Lindu,Gunnari og dætrum

[Kristín (IP-tala skráð) 4.11.2008 kl. 15:27]

Æðisleg mynd af krúttunum ykkarVonandi lagast Theodór fljótt. Baráttukveðjur.

[Stella A. (IP-tala skráð) 4.11.2008 kl. 22:09]

Bestu batakveðjur með augað hans Theodórs.  Þetta eru allt góðir námsmenn heyrir maður   Kærar kveðjur,  Stella A.

[Þórunn Eva , 5.11.2008 kl. 01:33]

Knús í klessu á þig sæta mín...verð svo að fara að koma ;) LOVE

[Gudrún Hauksdótttir, 5.11.2008 kl. 11:03]

ææ snúllinn ...Knús kvedjur til ykkar allra frá Jyderup

[Ylfa Mist Helgadóttir, 5.11.2008 kl. 12:20]

Æi en hvað þetta er dásamlegar myndir. Og yndislegt að ykkur líði vel. Vona að bumbubúinn sé þér ekki erfiður, Slauga mín.