Litli kútur

Litli kúturinn minn hann Theodór er frekar slappur núna eða vaknaði í morgun með 39,4 þannig hann vill bara kúra í mömmukoti, æjhi það er svo gott þegar þau kúra svona hjá manni en það mætti líka vera oftar þegar þau eru ekki svona slöpp.  Hann verður víst að hrista þetta af sér drengurinn þar sem það styttist óðum í fyrsta afmælisdaginn en hann er 23.janúar en það verður stórveisla í "sveitinni" á sunnudaginn, oh mæ god hvað mér finnst gaman að halda uppá afmæli barnanna minna já eða okkar allra í fjölskyldunni.  Erum frekar veisluóð þessi fjölskylda, bara gaman!!

Það er alveg brjálað að gera hjá minni, hef varla sest niður síðan við komum heim. Læknaheimsóknir að hejast aftur eftir fríið okkar og einhverjar fleiri heimsóknir en það á víst að reyna gera eitthvað meira fyrir hana Þuríði mína þannig mér leiðist sko ekkert á daginn.  Það halda margir að heimavinnandi húsmæður hafa endalausan tíma fyrir sjálfan sig, oh boy ég vildi óska þess að það væri satt?  Ætla mér samt að fara gera mér meiri tíma eða allavega reyna fara mæta oftar í ræktina en ekki bara þessa þrjá tíma sem ég er með fasta á viku, reyna um leið og ég hendi stelpunum í leikskólan og leyfi Theodóri mínum að leika við krakkana hjá mömmu, hann hefur gott af því drengurinn.  Ræktin gerir mér nefnilega ótrúlega margt gott, aukaatriðið mitt er að grennast en það yrði stór plús þegar af því kæmi eheh!!  Mér líður bara svo ótrúlega vel að geta mætt í ræktina og reyni að gera eitthvað fyrir sjálfan mig, þó svo að það er ekki langur tími sem ég fæ fyrir sjálfan mig þá gerir það alveg heilmikið.  Mæli með því fyrir alla, þetta er svo ótrúleg lækning á allan hátt.

Annars vissi ég ekki að ég þekkti svona marga en ég er búin að vera í því að svara fólkinu mínu með nýja lykilorðið okkar, ég ætti kanski að skipta um lykilorð í hverri viku eheh!!  Það er svo hrikalega gaman að fá svona mörg mail og fallegu kveðjurnar sem fylgja þið getið ekki ímyndað ykkur hvað þetta gerir fyrir mig.  Ég reyni að fara klára svara ykkur en það eru ansi margir eftir, taka mér bara smá pásu frá mail-skrifum og skirfa nokkrar línur hér þó ég hafi ekkert að segja, bara bulla!!  Þið megið annars alveg halda áfram að senda mér svona falleg mail eða komment hér á síðunni þó svo ég ætli mér ekki oftar að skipta um lykilorð.

Þuríður mín er annars "hressari" en síðustu vikuna, ekkert búin að krampa í nokkra daga.  Ég er bara ekki að skilja þetta með krampana eða ekki neinn hvort sem þú kallar þig læknir eða eitthvað annað?  Hún var reyndar mjög óhamingjusöm þegar hún vaknaði í morgun, stúlkan er greinilega farin að þreytast og jú maður veit afhverju hún þreytist.  Hún vill orðið bara fá að sofa þannig ætli ég fari ekki að leyfa henni að sofa út á morgnana og svo fara í leikskólan því ég veit að hún verður vonandi aðeins hressari við það.  Hún verður víst að fá að ráða ferðinni sjálf, hún er líka farin að tala oftar um það að hún sé lasin í hörfðinu og kanski er ástæðan að hún sé alltaf með hausverk en hún á ofsalega erfitt með að tjá sig útaf því sem er kanski ekkert skrýtið.  Hún er nú bara fjagra og hálfs og þekkir ekkert annað en að vera veik en veit ekkert afhverju henni líður svona eða heldur bara að öllum líði svona einsog henni.  Hún er líka farin að versna tífalt af exeminu og finnst ofsalega gott þegar við nuddum henni, æjhi greyjið hún er ótrúlega slæm ég sem hélt að fólk með exem ætti að lagast í sólinni?  Það hefur allavega alltaf verið sagt við mig en ég er með psoriasis en það er einsog Þuríði minni versni alltaf við að fara í sólina?  Skrýtið!

Jú ég "hitti" hann Geir Haarde í gær, síðan mín var nefnilega tilnefnd sem besti einstaklingsvefurinn ásamt fjórum "fríkum" í viðbót en að sjálfsögðu vann ég ekki, finnst þetta frekar bara fyndið.  Það var nefnilega smá "hóf" í gær í Iðnó í gær sem ég var reyndar ekkert að fíla mig að vera, er ekki alveg þessi tölvugúru einsog allir sem voru þarna.  Bara fyndið og gaman!!

Var annars að bæta við albúmum frá Flórída en það eru komin þrjú albúm sem þið endilega kíkið á og vonandi fer ég að geta svarað öllum mailunum sem ég hef fengið með fyrirspurnum um lykilorðið.  Ég á bara ekki til aukatekið orð hvað ég hef fengið mörg mail og næstum því öll frá fólki sem ég þekki, svo gaman að sjá hverjir eru að fylgjast með.  Knús til ykkar!!

Farin að kúra hjá veika stráknum mínu..

Athugasemdir

[Gunnar Helgi Eysteinsson, 19.1.2007 kl. 12:08]

Haltu áfram að bulla, það gerir ekkert til Að vera tölvugúru er enginn skömm

[Petra (ókunnug) (IP-tala skráð) 19.1.2007 kl. 12:23]

Halló. Afsakið að ég er alltaf að commenta hér en mér datt í hug þegar ég las um exemið hennar Þuríðar að ég er með exem líka og þegar ég er mikið í sól og hita þá versnar mér og líka þegar ég fer í saltvatn. Eins og ef ég hef vogað mér í Bláa lónið. Þannig að kanski er þetta raunin með hana Þuríði líka. Vildi bara benda þér á þetta. Hafið það annars bara ofsalega gott og ég kveiki á kerti fyrir hana Þuríði á kvöldin.

[Þórunn Eva (IP-tala skráð) 20.1.2007 kl. 01:03]

já hef heyrt þetta líka með exemið var að vinna stundum í bláa lóninu á sumrin og sumir stunda lónið grimmt og finna fyrir litltum einkennum af exeminu á meðan aðrir og sem betur fer fáir geta vart snert vatnið ekki gott það en ég veit ekki hvort það sé þá líka veikt fyrir sól eða hvort það er persónubundið :( vonandi fer hún að lagast, það er sko ekki gott að vera svona :( og vonandi fer T.I að hrista þetta af sér ekkert fútt í því að vera alltaf lasin ;(

hafið það gott knús og koss til ykkar frá okkur í grindavíkinni :)