......

Jeij Þuríður mín fór í leikskólann, vonandi hefur hún orku í að vera daginn.  Var ekki sátt í morgun að fara en ég veit að hún er fljót að jafna sig.  Hún er ennþá orkulítil en það eru mjög miklir dagamunir á henni en ALLTAF er hún sofnuð síðasta lagi sjö á kvöldin og alveg sama hvað hún leggur sig mikið yfir daginn.  Hefur kvartað lítið undan hausverk um helgina sem er æði þannig hún hefur ekkert verið að kveljast sem ég veit um.  Gott gott!!

Þau systkini byrjuðu að æfa badminton í gær, verða einu sinni í viku.  Jebbs Theodór fær að vera með og honum finnst það klikkaðslega gaman að hlaupa með spaðann um allan salinn og reyna halda uppi blöðru með spaðanum ehhe.  Þær eru líka að fíla þetta systurnar og fara í allar þrautirnar sem þau fara í á æfingum. 

Annars mæli ég með því að þið gefið blóðbankanum blóð, hafa verið að auglýsa eftir blóði.  Því verr og miður má ég aldrei gefa blóð.  Þar sem ég hef psoriasis og þá má ég ekki gefa, sem mér finnst mjög leiðinlegt sérstaklega eftir að Þuríður mín þurfti fyrsta sinn blóðgjöf en hún hefur tvisvar sinnum þurft blóð í þessari baráttu.  Fyrsta sinn var það útí Boston eftir aðgerðina sína, hún fékk sýkingu, mikin hita og missti mikið blóð og þá þurfti að dæla í hana miklu blóði sem hjálpaði henni upp aftur.  Seinna skiptið var fyrir rúmu ári síðan þegar hún var í erfiðu lyfjameðferðinni sinni sem hún var látin hætta í vegna stækkuninnar en þá fékk hún svo mikin hita og eitthvað fleira sem ég man ekki þetta er í svo mikilli þoku hjá mér þessi tími hjá henni.
Endilega gefið blóð það hjálpar svoooo mikið.

Var að bæta við sjúkrasögu Þuríðar ekki seinna vænna, hef ekki nennt því síðustu mánuði eða tæpa ár.  Reyndi að uppfæra síðustu mánuði hjá henni í eins fáum orðum og ég gat.  Ef þið klikkið á myndina af mér þá fáiði sjúkrasöguna hennar.

Hér eru systkinin að hlusta á þjálfarann á æfingu í gær.  Flottust!!

Athugasemdir

[Anna Lilja (IP-tala skráð) 8.10.2007 kl. 11:06]

Gaman að fá ykkur í Íþróttaskóla BH í gær. Rosalega dugleg öll þrjú.

Nú þarf múttan bara að fara að mæta líka á æfingar :)

Knús
Anna Lilja 

[Gunnar Helgi Eysteinsson, 8.10.2007 kl. 11:36]

Ég er stoltur blóðgjafi.

[Katrín Ósk Adamsdóttir, 8.10.2007 kl. 12:38]

 Börnin ótrúlega sæt og áhugasöm á myndinni og já bara flottust

[Björk töffari (IP-tala skráð) 8.10.2007 kl. 13:10]

Já þau eru yndisleg börnin ykkar og ég veit að þið eruð ákaflega stolt af þeim.En gott að heyra að Þuríður hetja hefur kvalist minna um helgina og vonandi helst það þannig áfram..knús til ykkar

[Boston (Guðrún) (IP-tala skráð) 8.10.2007 kl. 14:25]

Bara flottust........

[Hólmfríður Bjarnadóttir, 8.10.2007 kl. 17:37]

Auðvitað eru litlu englarnir í KR búningum, hvað annað. Gott að Þuríður er byrjuð í leikskólanum. Það eru sterk skilaboð til hennar um að henni sé að batna og það er frábært. Þessi slikaboð eru líka til okkar allra og við skulum bara trúa þeim. Guð blessi ykkur öllFríða

[Þórunn Eva , 8.10.2007 kl. 18:30]

já hvað heldurðu badminton er málið í dag... js er að fíla þetta í tætlur nema hvað hann hefur engar svona æfingar til að mæta á.. hann mætir bara með eldri börnum og horfir á og gerir svo sjálfur heheheh :)

hafið það gott koss og knús.... :)

[Linda Linnet Hilmarsdóttir, 8.10.2007 kl. 19:50]

sendi ykkur ljúfar kveðjur um von,styrk og kærleik.kv,linda

[sigga gulludóttir (IP-tala skráð) 8.10.2007 kl. 20:47]

DIDO Er blóðgjafi og búin að vera langa lengi, engin spurning, allir sem eru heilbrygðir eiga að gefa blóð, það er allavegana mín skoðun því maður veit aldrei hver þarf næst að fá blóðgjöf

Ég vissi ekki að maður gæti farið að æfa badminton svona ungur,frábært