Fleiri klukkutímar í sólarhringinn óskast?

Hvar finn ég fleiri klukkutíma?  Er einhver svo svakalega klár að geta bent mér á það?  Að launum fáiði eitt nett knús frá mér.

Það er klikkað að gera, ég næ varla að snúa mér yfir á hina hliðina.  Ég sest ekkert niður og bora bara í nefið hérna daginn, vildi óska þess að ég næði því.  Það eru þessar endalausu spítalaferðir, ef það eru ekki blóðprufur eða tjékk með hana Þuríði mína þá gist ég á þessu blessðaða apóteki uppá spítala.  Málið er nefnilega að lyfin hennar Þuríðar minnar er svo svakalega dýr og þá vilja þeir ekki sitja uppi með einhverjar fjórar töflur of mikið.  Ég fer oft í viku að ná í tveggja til þriggja daga skammta fyrir hana en á föstudaginn var ég að vonast til að ég fengi nú loksins kanski viku skammt því ég er alltaf að segja þeim að hún er á þessum lyfjum næstu mánuði en ekki bara í þrjá daga en vonandi verður hún á þeim næstu árin.  En neinei ég fékk að deginum í dag og þá þarf mín að sjálfsögðu að hitta þær kellur og biðja um næstu tvo daga.  Aaaaaaaaaaaaaarghh!!  Ég veit helgarskammturinn hennar kostar hálfa milljón en haaaaaallllóóóó, en ríkið tímir ekki að flytja inn nema nokkrar töflur inní einu og við verðum bara að sætta okkur við það.  Hitti einhvern yfirmann á föstudaginn sem ætlaði að tala við þessa karla sem sjá um að flytja þetta inn og ath hvort ég gæti komið aðeins sjaldnar því oft er maður með í maganum að gleyma að fara og þá yrði það bara leiðinlegt fyrir Þuríði.  Hef alveg meira að gera en að fara í þetta blessaða apótek nokkrum sinnum í viku.  Það er svoooo mikill sparnaður í þessu kerfi að hálfa væri miklu meir en nóg þó þeir viti að það er einn einstaklingur í þessu blessaða landi á þessum töflum en þá tíma þeir ekki innflutning á allavega viku skammti í einu.  Grrrrrrrrrrrr!!

Þannig mig langar alveg að fá að taka svona allavega einn andadrátt og setjast niður í kanski fimm mínútur.  Mér leiðist sko ekkert á daginn, fer líka með Þuríði mína í sjúkraþjálfun, reyna að sinna heimilinu þó það sé oftast það síðasta sem ég geri vegna anna, þarf að læra, sinna börnunum, reyni samviskulega að mæta 5x í ræktina, endalausar ferðir í þessa blessuðu tryggingastofnun að sækja um hitt og þetta (þoli ekki þessa stofnun).  Þannig mér leiðist ekkert, fæ nefnilega oft þá spurningu "hvað ertu eiginlega að gera á daginn?".  Það halda nefnilega margir að liggi bara uppí sófa með tærnar uppí loftið og horfi á Opruh, mesti misskilngur.

Var annara að heyra í lækninum hennar Þuríðar minnar (reyndar var það Skari og hann var að hringja í mig og segja mér fréttir ehe).  Hún fór nefnilega í blóðprufur á fimmtudaginn og þær litu svakalega vel út en þegar hún var sem slöppust voru hvítublóðkornin hennar svo lá en þær hafa hækkað dáltið mikið þannig núna á að fara hækka skammtinn á krabbalyfjunum hennar.  Aaargghhh og ætli ég verði þá ekki að mæta á hverjum degi uppí apótek sem ég reyndar sætti mig nú alveg við á meðan þeir eru að gera eitthvað fyrir hana Þuríði mína en finnst líka alltílagi að þeir panti inn í landið aðeins stærri skammta þegar þeir vita allavega af henni.  Hún er nefnilega eina á landinu sem er að taka þetta og fyrsta barnið sem tekur þetta inn, en þessi lyf eru vanalega notuð fyrir fullorðið fólk með heilaæxli.  Vonandi virkar þetta bara á hana og hún verður endlaust lengi og þó ég þurfi að fara nokkrum sinnum á dag þó það sé óþolandi, þoli bara ekki þennan stað sko spítalann.  Of margar slæmar minningar.

Þuríður mín var annars þreyttari um helgina en vanalega (vona að það sé bara tilfallandi)og ég er hrædd um að hún muni verða ennþá þreyttari þegar krabbaskammturinn verði stækkaður.  Fór í sjúkraþjálfunina í morgun og var gjörssamlega búin eftir hana en ég ákvað samt að senda hana á leikskólann og bíð bara við símann þanga til þær hringja.  Ég veit að þær hringja ef hún alveg ómögleg og er gangandi vofa.  Hún er farin að borða miklu minna en hún gerði áður en hún byrjaði í þessari meðferð, jújú hún mátti alveg við því en má kanski við því endalaust lengi.  Ógleðin að segir mikið til sín þannig við erum að fara stækka ógleðislyfin hennar líka sem þýðir ennþá fleiri töflur en sem betur fer er hún svoooo dugleg að taka þær. 

Hún þurfti líka að taka inn verkjatöflu í gærkveldi en hetjan mín kvartaði undan hausverk þegar hún var að fara sofa, hélt fast utan um höfuðið og grét.  Höfum ekki þurft að gefa henni verkjalyf í tvær/þrjár vikur sem er æði.

Annars var helgin æðisleg hjá okkur fjölskyldunni fyrirutan aðeins meiri þreytu hjá hetjunni minni.  Vorum með partý fyrir krakkana á föstudagskvöldið, tókum dýnurnar okkar frammí stofu, átum á okkur gat af nammi og vínberjum, hoppuðum á dýnunum og horfðum á imbann.   ÞEtta elska þau. Á laugardaginn fékk Oddný perla að koma með mér í rætktina og fékk að dvelja í pössuninnni á meðan ásamt Evu sætu músinni minni sem þeim finnst æði, ákváðum að kíkja með stelpurnar í Toys'rus og þær klikkuðust þar.  Hefði ekkert á móti að geta keypt ansi margt þarna inni handa þeim, svaka flott búð eða þeim finnst það allavega eheh!!  Badmintoæfing á sunndaginn fyrir krakkana, ennþá meiri útrás og svo er verið að fara biðja mína að fara koma aftur á æfingar.  Dóóóhh!!  Ætli ég láti ekki undan pressu eheh!!  Reyni að finna tíma á nóttinni, get hvorteðer ekkert sofið þá ehe!!

Haldiði ekki að við Skari fórum í bíó í gær, áttum frímiða í Lúxussalinn og ákváðum að skella okkur sem var ekki leiðinlegt.  Mútta mín var að passa og kom klukkutíma fyrr en hún átti að gera og henti okkur út til að fá okkur snarl fyrir bíó sem var heldur ekki leiðinlegra.

Klikkað að gera hjá minni, ætli ég nýti ekki tímann núna til að læra smá svona áður en ég fer að stússast uppá spítala og reyna fá einhver lyf af þessu ríki.

Læt fylgja eina góða af henni Þuríði minni sem var tekið af Brosbörnum í ágúst síðastliðin. 

Athugasemdir

[Sigga Gulludóttir (IP-tala skráð) 22.10.2007 kl. 12:10]

"mamma er Þuríður með hár á höfðinu núna" "já það held ég bara" "það er gott þá veit ég að hún er ekki að taka sterk lyf núna"

Árný Stella 7 ára fylgist með veikindum frænku sinnar í gegnum netið annað slagið með mér, hún skoðar myndirnar af systkinunum og man eftir þeim í bænum sínum á kvöldin. Við vorum á sýningu hjá ísl dansflokknum á sunnudaginn þegar hún hvíslaði þessu að mér á milli atriða. Ég var undrandi á spurningunni enda meira en vika síðan hún kíkti á netið síðast og spurði afhverju hún hefði verið að hugsa um þetta núna. "jú sástu ekki dansarana það var eins og þeim liði eitthvað illa"

Það sannast fyrir manni daglega að börn vita og skilja miklu meira en maður gerir sér grein fyrir.

Gott að sjá að þið áttuð góða helgi

[Bergrún Ósk ( Viggu vinkona) (IP-tala skráð) 22.10.2007 kl. 14:29]

vá og ég kvarta undan tímaleysi með eitt barn.. sönn hetja sem á sanna hetju :)

[Dagrún (IP-tala skráð) 22.10.2007 kl. 17:11]

Hæ

Knús kæra fjölskylda

kv Dagrún

[Halldór Jóhannsson (IP-tala skráð) 22.10.2007 kl. 22:40]

Hæ.Legg hausinn í bleyti með að finna fleiri klst.Langar í nett knús.Á ég ekki bara skella mér út og smygla skammti af lyfjunum hennar.Ótrúlegt að heyra um þetta.Blessaður faðir minn heitinn bölvaði engum eða talaði illa um nokkurn,nema þessari Tryggingastofnun.Þá er það slæmt.Kveðja  

[Kristín Amelía (IP-tala skráð) 22.10.2007 kl. 23:50]

Guð á himnum ef ég hefði lausn við of fáum klukkutímum í sólarhring fengi enginn önnur en þú Áslaug mín þau svör við því. Þú ert einstök elsku yndislega stelpa. Þú gefur manni svo mikið með þessum skrifum þínum og tala nú ekki um hlýjuna sem streymir frá þér þegar maður droppar inn á ókristilegum tímum og gerir allt brjálað. Þú ert gulla gull og þið öll. Knúsaðu þig og þína frá mér. Kv. Kristín Amelía.

[Hólmfríður Bjarnadóttir, 23.10.2007 kl. 00:56]

Ég mundi sko alveg senda þér svona 2 - 3 klukkutíma ef það væri vegur, en því meiður. Þetta með lyfin hennar Þuríða er nú bara klúður og mér finnst að Kastljósið eða Ísland í dag ættu að frétt af þessu. Það er stundum það eina sem dugar. Mikið er flott hvað hvítu blóðkornin henna Þuríðar eru dugleg að fjölga sér og hvað þú ert mikill forkur. Passaðu bara að eyða ekki mikilli orku í að vera reið, þó ástæðurnar séu á hverju strái. Reiðin er svo óholl mín kæra. Guð blessi ykkur öll og sendi Þuríði fullt fullt af bata. Fríða

[Fríða (IP-tala skráð) 23.10.2007 kl. 01:02]

Færslan hér fyrir ofan er fá sömu Fríðu og vanalega. Var að stofna lokað fjölskyldublog og var innskráð þar þegar ég skrifaði.FRíða 

[Þórdís tinna, 23.10.2007 kl. 08:13]

Hæ mín kæra- mér var að detta í hug hvort að þið gætuð ekki nýtt heymahlynninguna í lyfjaferðirnar.  Ég myndi setja mig í samband við þá og fá þá heim í viðtal og sjá hvar þeir getað létt undir- það trúir því engin nema sá sem að er í þessum pakkahvað það  sparar manni mikinn tíma að sleppa öllum lyfjaferðunum- enda veitir ykkur ekki af meiri tíma með snúllunni ykkar og hinum englunum - þau ættu að getað leiðbeint þér uppfrá en ekki hika við að hafa samband við mig ef ég get hjálpað- gæti bæði sett mig í samband viðm þau eða gefið þér númerið þeirra.  Ég er mjög ánægð að hafa loksins gefið mig og þegið þessa hjálp- það hjálpar mjög mikið - bestu kveðjur

[Björk töffari (IP-tala skráð) 23.10.2007 kl. 08:55]

Hæ elsku Áslaug ofurduglega kona...alltaf jafn mikil hetja og aldrei slegið slöku við.Ég held að ef þú fengir fleiri klukkutíma í sólarhringinn yrðir þú bara ofurþreytt þar sem þú ert allaf á fullu.Sendi ykkur kærleikskveðjur og vona að þetta með lyfin breytist nú von bráðar..

[Þórunn Eva , 23.10.2007 kl. 11:00]

hæ hæ sæta ;)

vildi bara segja hæ.... koss og knús...

þin vinkona