Tákn með tali

Þuríður mín er þvílíkt hamingjusöm í skólanum, einsog hún hafi þroskast dáltið við þetta stóra stökk.  Hennar stuðningsfulltrúi talar dáltið mikið við hana "tákn með tali" og það er svo ótrúlega gaman að sjá hvað hún er fljót að læra.  Á föstudaginn t.d. í síðustu viku sá ég að hún var að tala við Theodór og þá notaði hún bara þetta "táknmál" og þá bara búin að vera í skólanum í viku, greinilega eitthvað sem höfðar til hennar og mér finnst hún líka hlýða skipunum betur ef þetta er notað á hana.

Ætlaði í gær að skrá hana á badmintonnámskeið en við tvær skruppum útí TBR í gær (mitt fyrrverandi annað heimili) eða einsog hún segir "mamma bara við stelpurnar" en henni finnst alltaf svo spennandi og gaman þegar við tvær erum bara að gera eitthvað saman og svo heldur hún áfram "en ekki Oddný Erla og ekki Theodór, bara við" og verður ótrúlega stollt.  En ég held að ég sé eiginlega hætt við að senda á svoleiðis námskeið, jú ég veit að æfing skapar meistarann en þegar við vorum aðeins að prufa okkur áfram þá sá ég að hún getur ekki beitt höndunum í íþróttinni vegna lömunar sem hún er ekki búin að ná sér af.  Ég held líka að það yrði dáltið leiðinlegt fyrir hana að fara á námskeið og vera kanski að reyna "slá" við einhvern krakkann og hann yrði nettpirraður á henni vegna þess að hún gæti þetta ekki.  Krakkar skilja að sjálfsögðu ekki afhverju hún getur þetta ekki en það er "bara" lömunin sem er að plaga hana, skítt!  Ætli hún haldi sig þá ekki "bara" við sjúkraþjálfunina og sundið sem ég held að ætti að byrja í dag 3x í viku sem hjálpar henni gífurlega mikið enda er hún einsog selur í sundi.  Þar sér maður líka vel lömunina og hún getur ekki beitt hægri helmingnum einsog hún á að geta en það kemur einn daginn.  Reyndar ætlar Oddný Erla líka að fara með henni á námskeiðið sem hún bíður spennt eftir og er alltaf að spurja hvenær sundnámskeiðið eigi eiginlega að byrja?  Bara gaman!!

Þuríður mín er annars ágætlega hress, engin sýking í gangi sem er bara ótrúlegt en satt.  Hefur ekki verið svona lengi án sýkingar í svona langan tíma í einu, 7-9-13.  Allt í áttina!  Reyndar sá ég í morgun að var farin að haltra eitthvað og vonandi er það bara tilfallandi, alltaf þegar maður sér svoleiðis fer allt í hnút.  Hrædd við eitthvað slæmt og ég held að sú tilfinning fari ALDREI alveg sama hvursu vel gangi.  Bwaaaaahh!!  Reyndar man ég það núna en hún var eitthvað að kvarta undan verkjum í löppinni í gærkveldi þegar hún var að fara sofa? Hmm!!

Allir aðrir hressir á heimilinu, Skari minn byrjaði í Háskólanum í morgun reyndar með vinnu enda væri hitt ekki hægt.  Einhver verður að vinna fyrir heimilinu.  Ef hann hefði farið í fullt nám hefði hann getað útskrifast í vor með einhverja B-gráðu (ekki alveg inní þessum gráðum eheh) í Stjórnmálafræði en hann er víst í því. 

....Styttist að ég nái í hetjuna mína og þá eigum við okkar rúman klukkutíma saman áður en við náum í hin tvö en hún ELSKAR að tjilla bara með mér EIN "bara við stelpurnar" en því miður gerist það alltof sjaldan að við erum ekki að gera neitt eða á tjillinu, þurfum alltof oft þurfum við að stússast eitthvað vegna veikindana spítalaferðir, sjúkraþjálfun, apótek og þessháttar.

Athugasemdir

[Linda Linnet Hilmarsdóttir, 3.9.2008 kl. 13:43]

Hjartanskveðjur

[Björk töffari (IP-tala skráð) 3.9.2008 kl. 15:23]

Hæ sæta stelpa og yndislegt að vita til þess að þú ert svona hress núna og ánægð í skólanum.Sendi þér knús og baráttukveðjur fallega hetjan mín...ps..Áslaug við erum byrjuð í Hreyfingu og erum á sama tíma og síðast,verð í bandi við þig

[Hólmfríður Bjarnadóttir, 3.9.2008 kl. 16:22]

Mikið er frábært að fylgjast með henni Þuríði og upplifa hennar fyrstu skóladaga. Hún á eftir að ná að slá spaðana og verða góð með mömmu í badminton. Sundið er frábært og gerir henni gott. Flott að þið eigið smá stundir saman eftir skólann áður en "litlu" krakkarnir koma af leikskólanum. Það er svo gaman að finna hvað þau fullorðnast mikið fyrsta daginn í skólanum. Þetta er bara eins og annað stig á þroskabrautinni og þau verða allt í einu svo "stór" þessi litlu skott. Kveðjur og knús

[4 barna mamman (IP-tala skráð) 3.9.2008 kl. 17:10]

Já hetjan þín á eftir að verða eitthvað stórt og eitthvað mikið, sannfærð um það! Ynislegt að lesa um lífsreynslu hennar og upplifanir,  bara gaman

Tendra lítið ljós og fer með bænir

Með kærleikskveðju 4 barna mamman

[Helga Magnúsdóttir, 3.9.2008 kl. 17:58]

Mér finnst rétt hjá þér að senda hana ekki í badminton ef það er fyrirséð að hún muni standa þar höllum fæti. Gott að henni líkar svona vel í skólanum og bara almennt hress. Frábært alveg.

[Guðrún Jóna Gunnarsdóttir, 3.9.2008 kl. 20:01]

'Astandið er hreint ekki nógu gott hjá þér og ekki lengra liðið á meðgönguna er þetta. Vona innilega að þú fáir alla þá sjúkraþjálfun og þau úrræði sem eru í boði vegna grindargliðnunar. Þetta er ansi töff tími hjá ykkur, trú ekki öðru en að hægt sé að bæta meira úr.

[Bergljót Hreinsdóttir, 3.9.2008 kl. 21:59]

Gaman aðheyraað allt er á uppleið!

[Hanna, 4.9.2008 kl. 09:18]

Mikið er yndislegt að heyra að hetjunni þinni gengur vel í nýja verkefninu sínu, þ.e. skólanum.

Gangi ykkur öllum vel :)

[sigga gulludóttir (IP-tala skráð) 4.9.2008 kl. 18:12]

Hæhæ. Mikið er gaman að sjá hvað það gengur vel, Hetjan er að sanna okkur að allar góðar bænir og trúr eru mikils virði. Frábært að hún er byrjuð í skólanum, ég er viss um að hún á eftir að standa sig frábærlega þar enda með eindæmum vel gefið fólk í þessari ætt  Dóttir mín lærði tákn með tali á sínum leikskóla og það gerði henni og hinum krökkunum bara gott og ég sé þau nota þetta aðeins ennþá og eru samt orðin átta ára og þetta er ekkert notað í skólanum þeirra.  Ég held að málið sé að trúa því að Þuríði sé að bata eða bara batnað og ekkert vera að hafa varnagla á sér með það. Hún er heilbrygð og flott stelpa sem á alla framtíðina fyrir sér. Ég ætla að trúa því og bið fyrir henni með því hugarfari og þakka fyrir þessa góðu daga hennar sem eru bara rétt að byrja.  Lov Sigga 

Es Hefi hún ekki gaman af að fara í dans......