Þreytt hetja

Þuríður mín er endalaust þreytt, tekur á fyrir svona lítinn "veikan" kropp að vera í skóla.  Kanski er maður að pína hana of mikið?  Veit ekki?  Hún er samt alltaf ótrúlega glöð og ánægð með lífið það vantar ekki, þurfti reyndar að gefa henni verkjalyf í gærkveldi því hún kvartaði svo mikið í höfðinu og hætti ekki fyrr en ég gaf henni verkjastillandi.

Það er ótrúlega gaman að sjá hvað fínhreyfingar hennar hafa tekið miklu kipp, sjúkraþjálfarinn hennar er mjög dugleg að æfa hana í því og maður sér mikin mun.  Farin að kubba en ræður ekki ennþá við að skrifa, þær hreyfingar eru frekar erfiðar fyrir hana en hún er endalaust að æfa sig því henni langar svo að skrifa stafina einsog Oddný systir hennar.  Ég man svo vel eftir því fyrir tæpum fjórum árum (vávh hvað þetta er orðið langur tími) rétt áður en hún veiktist þá tveggja og hálfs árs gömul þá púslaði hún 25-50 púslum nánast blindandi en það gæti hún ekki í dag þó svo hún sé farin að geta púslað en þetta kemur allt saman, ég veit það.  Hún var ótrúlega "heppin" hvað hún var undan í þroska í felstu en jafnaldrar hennar þegar hún veikist því það hefur hjálpað henni mikið í veikindum sínum.

Mín hlakkar mikið til helgarinnar því við Skari ætlum að njóta hennar tvö, börnin fara uppá Skaga í pössun og við ætlum bara að njóta þess að vera saman og Zzzzzzzz.  Reyndar er ég búin að geyma gullið mitt (humar) inní frysti síðan í byrjun sumars sem við fengum gefins og bíða eftir rétta tækifærinu til að borða hann og að sjálfsögðu ætla ég að taka hann úr frystinum og láta Skara minn grilla hann handa mér.  Oh mæ god hvað ég er spennt að slurpa honum í mig.  Gæti líka hugsað mér að fara í bíó, hmmmm!!  Hvenær var það síðast?  Jú ö-a einhver barnamynd með börnunum mínum svo ætlum við reyndar ÖLL fjölskyldan að fara í leikhús á sunnudaginn á hann Gosa vin okkar.  Við fórum reyndar á hann fyrir ári síðan með styrktarfélaginu en samt ekki Theodór minn sem fær að sjálfsögðu að fljóta með núna og bíður spenntur eftir því.  Svei mér þá, þá gæti ég ö-a verið varaleikari í sýningunni því ég kann ÖLL lögin og ö-a alla textana eheh, búin að hlusta á diskinn 9999x.

Skari minn fer svo til Berlínar eftir viku og ég hefði sko ekkert á móti því að fara með honum, ráðstefna um börn með krabbamein.  Ætlaði reyndar kanski að gera það en áform breyttust og svo er orðið djöh dýrt að fljúga þangað.  Aaaaargghh!!

Brjálað að gera í lærdómnum, er byrjuð að hugsa um lokaritgerðina mína sem ég mun skila í byrjun nóv.  Að sjálfsögðu vel ég eitthvað sem ég veit mikið um sem ég er búin að gera og hlakka bara til að gera hana og fara létt með.

Set svo eina inn af hetjunni minni sem var tekin sumarið '06 rétt áður en æxlið hennar greindist illkynja, þarna var hún farin að krampa 10-50 krampa á dag og farin að lamast hægra megin.  Hún er þarna annars í útsýnisflug í fjölsk. útilegu hjá styrktarfélaginu, oh mæ god hvað henni finnst gaman að fljúga og tekur sig vel út.

Athugasemdir

[Halldór Jóhannsson, 25.9.2008 kl. 22:16]

Eigðu góða Humar og Skara helgi.Og blessuð börnin Skagahelgi...

[Dagrún (IP-tala skráð) 25.9.2008 kl. 22:58]

Eigið góða helgi saman  þið tvö og börnin sömuleiðis

[Aprílrós, 25.9.2008 kl. 23:05]

knús á ykkur hetjurnar ;)

[Margrét Össurardóttir (IP-tala skráð) 25.9.2008 kl. 23:32]

ahhhh,,, humar er bestur ásamt hreindýri, bon appetit . Gaman að hitta ykkur hetjurnar í vikunni og gangi ykkur vel.

[Gudrún Hauksdótttir, 26.9.2008 kl. 09:26]

Dásamlegt fyirr ykkur..Bara tvö

Gott líka fyrir snúllurnar ykkar ad fara adeins ad heiman.

Góda helgi og ´njóttu med Skara tínum.

[Vigga (IP-tala skráð) 26.9.2008 kl. 09:30]

Hæ hæ

 Ég skal koma með þér í bíó fljótlega:) Það er ef það er eitthvað í bíó til að sjá....

Knús til ykkar
Vigga

[Sólveig (IP-tala skráð) 26.9.2008 kl. 14:07]

Hetjur, hetjur, hetjur.

Allir í ykkar húsi eru það og trúlega með smá af kjarnorku í sér.  Þó hún sé ekki góð orka en það er eitthvað EXTRA sem knýr þessa fjölskyldu.

Sendi ykkur kærar kveðjur og ósk um góða helgi, hvíld, og allt það besta

frá Sólveigu 

[Helga Magnúsdóttir, 26.9.2008 kl. 14:39]

Njóttu helgarinnar, ykkur Skara veitir ekki af smáhvíld.

[María Guðmundsdóttir, 26.9.2008 kl. 17:28]

Njótid nú helgarinnar kæru hjón, já,veitir sko ekki af. Erud svo ótrúlega dugleg alltaf hreint

[Eyrún Gísladóttir, 27.9.2008 kl. 09:37]

Góða helgi.