Gekk vel

Þuríði minni gekk svakalega vel í morgun í sinni fyrstu geislun enda ekki að spurja að því, verst hvað stelpan þarf alltaf að sofa mikið eftir svona svæfingu.  Hún svaf í sirka fjóra tíma en á að sofa í hálftíma eða svo og hún er svæfð á hverjum degi fram að jólum, hún er komin með verstu unglingaveiki ever ehehe!!  Hún var reyndar ekki á sitt besta þegar hún var vakin í morgun, frekar óhamingjusöm og var sko ekki að meika það að vakna.  Núna er hún "hress" og horfir á Grettir sinn.

 Aukaverkanirnar geta komið í ljós í lok vikunar og það er ógleði og uppköst en þá verður stúlkan sett á stera og ekki eru aukaverkanirnar af því skemmtilegir.  Hmmm!!

Það er annars eitt sem hefur hvílt doltið á mér síðustu daga eða síðan ég/Skari var spurð að þessari spurningu sem mér finnst sú heimskulegasta ever sorrý þú sem spurðir.  Um daginn þegar ég fór á tónleikana með Stebba og Eyfa sagði ég ykkur frá einum texta sem Stebbi samdi um litla stelpu sem dó ung sem er ótrúlega fallegur en samt erfiður að hlusta á.  Ef þið eigið diskinn þá er lagið nr að mig minnir nr.4 allavega á eftir "góða ferð" laginu og þessi texti er augljóslega um barn sem er dáið og foreldrarnir að þakka fyrir þær stundir sem þau fengu með barninu sínu.  Fólk sem hlustar á þennan texta ætti augljóslega að heyra það en samt vorum "við" spurð að því hvort þessi texti væri samin um hana Þuríði mína.  Ég bara "ha" ertu að grínast í mér, er hetjan ekki hjá okkur?  Þótt það hefur verið sagt við okkur að hún eigi bara nokkra mánuði ólifað væri það fáránlegasta í heimi að halda það að þessi texti væri samin um hana og hvað þá að spurja okkur.  Það var eitthvað svo særandi að vera spurð að þessu og fannst það líka virkilega heimskulegt. 
Sorrý en ég varð bara að koma þessu frá mér......

Það hefur annars borist ábending frá lesanda að ég skrifi mjög vitlaust og ætti nú kanski ekki að birta færslurnar frá mér, ég ætla mér ekki að fá íslenskufræðing til að yfirfara allar færslur mínar þið verðið bara að sætta ykkur við það að ég skrifi vitlaust enda alltaf verið léleg í stafsetningu.  En það góða við þessa ábendingu að manneskjan kom undir nafni með mynd af sér og það virði ég virkilega annað en leiðinda kommentið sem ég hef fengið frá óhamingjusamri manneskju.

Takk fyrir mig í dag

Athugasemdir

[Jóhanna (IP-tala skráð) 11.12.2006 kl. 15:25]

Þetta lag er mjög fallegt, og ég spila það oft, eftir að mamma mín dó, ég fékk það sent á emaili, en ég vissi ekki eftir hvern það var, nú get ég reddað disknum. en ég veit að allt á eftir að ganga vel hjá dóttur ykkar. Ég er allavegana búin að kveikja á kerti.

Og varðandi stafsetninguna, þá er hún alls ekki slæm, og ekki láta hana aftra þér við að skrifa. Haltu því áfram.

[Guðlaug H.Ólafsdóttir (IP-tala skráð) 11.12.2006 kl. 16:04]

Ég segi nú bara :hvurslagserþetta;þarf fólka alltaf að vera að agnúast út í þig?Ég er ekki sammála,stafsetning hvað?þú skrifar mjög skemmtilegan og auðskilin texta og þar fara ekki allir í sporin þín skal ég segja þér.Haltu þínu striki og endilega ekki fara að breyta ,þetta er fínt svona.Gleðilegt að heyra hvað littla frænka er dugleg,bið fyrir ykkur,

Guðlaug frænka

[Birna Hrönn (IP-tala skráð) 11.12.2006 kl. 19:46]

ég hef lesið bloggið þitt mjög lengi og ég hef ekki tekið eftir neinum villum vegna þess að mér finnst innihaldið svo rosaleg merkilegt að hitt skiptir engu máli.. ég dáist af ykkur þið eruð svo dugleg. ótúleg ég bið fyrir ykkur á hverjum degi og legg oft inn fyrir bænir í kirkjunni minni... haldið áfram að berjast og ekki taka mark á svona skítakommentum það er frábært að sjá að þú getur tjáð þig um þessi mál og að leyfa öðrum að fylgjast með...þið eruð yndislegust og það fyrsta sem ég geri á hverjum degi áður en ég vek börnin mín það er að tékka hvort henni Þuríði ótrúlega duglegu hetjunni líði sæmilega.

með góðir kv Birna