Áfengi=þoli ekki=Þuríður

Það er nú ekki margt sem ég þoli ekki eða læt í pirrurnar á mér og er ekki vön að æsa mig yfir hlutunum enda þessi mjög rólega manneskja jú og get líka verið stórklikkuð ehehe . 

Enn það er eitt sem ég þoli ekki og get verið gargandi reið þegar ég er innan um drukkið fólk sem er mjög mjög sjaldan sérstaklega eftir að Þuríður mín veiktist þegar það fer að tjá sig við mig um veikindin hennar Þuríðar.  Þetta fólk getur ekki komið til mín þegar það er edrú og tjattað við mig um daginn og veginn en þegar það þarf að hella sig fullan til að geta spurt mig útí hetjuna mína, ég verð alveg band brjáluð, pirruð, reið og gæti slegið þessar manneskjur.  T.d. sirka tveimur mánuðum eftir að Þuríðui veiktist ákváðum við Skari að fara á Sálarball til að lyfta okkur aðeins upp og reyna að hugsa um eitthvað annað en það eru nú einu böllin sem við förum á eheh enda get ég heldur ekki beðið eftir að mínir menn fara að spila í sumar og minn maður hættur á brjósti svo ég geti tjúttað við sviðið og reynt að koma við goðin mín.  Ok sleppi því kanski að reyna snerta þá en öskra mig samt hása við sviðið.

Allavega þá mætti ég þessari ákveðnu manneskju nota bene á klósettinu á Nasa eheh og hún í glasi, og byrjar hún ekki að tauta um Þuríði mína og blablabla sem ég ætla kanski ekkert að fara nánar útí.  Mig langaði að slá hana og ekki er ég mikið fyrir slagsmál ehe en ég hefði ekki einu sinni heilsað þessari manneskju úti á götu hvað þá að ég færi að ræða einhver veikindi við hana þá sérstakalega við drukkna manneskju.  Afhverju haldiði að ég nenni aldrei að fara neitt útá lífið?  Jú því maður getur aldrei farið neitt án þess að hitta einhvern sem langar að ræða um Þuríði við mig en stundum langar manni að fara eitthvað til að reyna hugsa um eitthvað annað.  Ég var t.d. líka í veislu um daginn og allan tíman í veislunni var BARA talað við mig um Þuríði, ok ég skil fólk alveg að það vill vita hvernig henni líður og hvernig lyfjameðferðinni gangi en stundum langar manni bara að gera eitthvað annað en að tjatta um það því lífið mitt snýst um þetta og þegar ég fer út án barnanna minna sem gerist nær aldrei þá langar mig að reyna skemmta mér og tjatta við fólk um eitthvað annað. 

Sumir reyndar lesa alveg síðuna mína og vita alveg hvernig allt gengur en finnst það þurfi  kanski bara kurteisi að spurja en vitiði það þið þurfið ekkert að reyna vera kurteis.  Í þessari sérstöku veislu var áfengi um hönd og það voru sérstaklega tvær manneskjur sem ég tók eftir voru ekkert að tjatta við mig hálfa veisluna en um leið og þær voru drukknar og þá voru þær komnar til mín til að fá fréttir af Þuríði.   Hættið þessu, ég er ekki að fíla þetta!!

Ég hef alltaf átt mjög auðvelt með tjá mig um veikindin hennar Þuríðar minnar, ég þarf ekki að fá mér í glas til þess.  Mér hefur alltaf funndist gott að tala um þau við alla sem ég þekki og það hefur hjálpað mér heilmikið að halda þessari heimasíðu uppi.  Þá hringir síminn heldur ekki endalaust mikið eheh.  Ég ætla líka að halda því áfram en ef ég hitti þig/ykkur á djamminu eða í veislu og þú/þið eruð undir áhrifum þá EKKI spurja mig útí hetjuna mína því þá verða slagsmál eheh.
Takk fyrir!!

Athugasemdir

[Brynja (IP-tala skráð) 6.6.2006 kl. 21:47]

Þetta er nú meira liðið elsku vínkona þú verður bara að bregða á leik og ef einhver byrjar þá bara snúa við og ganga í burtu eða spyrja hvort Andrés Önd hafi gengið inn í salinn...

[katrín (IP-tala skráð) 7.6.2006 kl. 13:49]

nú gefuru þeim bara einn á kjammann næst, þú ert búnað vara við!