Helgin!!

Þá er en ein helgin framundan og það löng helgi þannig maður gerir eitthvað skemmtilegt með stelpunum en ekki hvað?

Afmæli á morgun hjá Birtu Dögg frænku sem er nýorðin sjö ára verst að við Skari munum ekki getað stoppað lengi þar sem við erum að byrja á brúðkaupstörninni okkar þetta sumarið en stelpurnar verða eftir og amma Oddný mun sjá um þær. Frændi Skara er sem sagt að gifta sig á morgun uppá Skaga og það verður væntanlega stuð á þeim bæ

Theodór byrjaði í ungabarnasundi í gær og það var einsog hann hefði aldrei gert neitt annað eheh, meistarinn gerði allt með pomp og prakt sem honum var sagt að gera eða réttara sagt látinn gera.  Þetta var endalaust gaman og er strax farin að hlakka til næsta tíma.

Oddný Erla eiginlega farin að segja til sín þegar hún þarf að pissa og ég er endalaust stollt af henni.  Stúlkan sem sagt alveg HÆTT með bleyju og fær sko ekki að taka hana með sér á leikskólan eftir helgi.  Takk fyrir!!

Þuríður mín Arna var ótrúlega óhamingjusöm í gær eftir lyfjameðferðina, grét endalaust mikið og var að krampa líka óvenju mikið.  Ekki gott!!  Henni hefur kanski verið óvenju óglatt eftir lyfin sem hún verður oftast eftir þessar lyfjagjafir og fattar heldur ekki hvernig hún getur látið mann vita hvað sé að?  Hún er heldur ekki vön að kvarta ef henni líður illa enda mesta hetjan sem ég þekki

Haldiði ekki að Theodór minn Ingi sé farinn að sofa betur á nóttinni, jibbíjeij!!  Útí London byrjaði hann að vakna "bara" tvisvar sinnum sem var frekar gott en núna er drengstaulinn að vakna bara einu sinni til að drekka og það er sko þvílíkur munur að geta sofið almennilega og já ég kalla þetta sko að sofa almennilega þótt drengurinn vakni hálfsjö á morgnanna.  Ýkt glöð!!  Vonandi heldur þetta svona áfram, bara krossa fingur!!  Mín fór meir að segja fjóra tíma frá honum í gærkveldi og minn maður fékk bara graut hjá pabba sínum og vatn að drekka og át bara einsog pabbi sinn Snillingur!!  Þannig núna getum við hjónakornin kanski farið að nýta bíómiðana okkar sem þær gellur á Háaleitisbrautinni (Glitnisbanka) á gamla vinnustaðnum mínum gáfu okkur þegar ég var á steypinum, hendi bara börnunum í mömmu ehehe!!

Vonandi verður helgin góð hjá ykkur, stefni á mín verðu góð.  Láta Skara grilla handa okkur í kvöld. 
Knús og kossar!!

Athugasemdir

[Olof Olafsdottir (IP-tala skráð) 2.6.2006 kl. 17:46]

Algjørt yndi ad heyra ad Theodor sofi betur..litli madurinn minn er lika byrjadur a tvi ad vakna bara einu sinni a nottunni..algjor sæla ad geta sofid..zzzz..

Goda helgi..og vid verdum komin med nafn a gæjann a morgunn..jibbijei..

kv. Oløf og co.