NEI TAKK!!

Skari hitti doktorinn okkar í gær, það kom í tal að senda Þuríði í Rjóðrið eða réttara sagt spurði hann Skara hvort við værum búin að kynna okkur Rjóðrið.  Þeir sem ekki vita þá er Rjóðrið fyrir langveik og fötluð börn og þau fara í einhverja daga þanga til að "létta" okkur aðeins lífið eða til þess að "hvíla" foreldrana aðeins.  Ég veit að mörgum foreldrum finnst þetta æðislegt og allt það sem ég hef ekkert útá að setja og starfsfólkið þarna ö-a æðislegt en ég vill samt ekki senda Þuríði mína þangað.

Ég get ekki hugsað mér að senda hana til einhverja ókunnuga og væntanlega gott heimili til að létta okkur aðeins lífið, jú að sjálfsögðu þurfum við að sinna tveimur öðrum börnum og oft er mar algjörlega búin á því andlega og líkamlega en það er ekki útaf því ég er gjörsamlega að fara yfirum að sjá um barnið mitt.  Alls ekki!!  Það er vegna þess mér finnst svo erfitt að horfa uppá hana þjáðst svona daglega það er það sem tekur alla orku frá mér, þjáningarnar hjá litla barninu mínu.

Áður en doktorinn var búinn að koma með þessa tilhögu þá vorum við búin að ákveða í samráði við tengdó sem kom reyndar með þá hugmynd að senda Þuríði til hennar eina helgi í mánuði.  Vera í dekri hjá ömmu og afa eina helgi, ein og við getum þá dekrað aðeins við hin tvö og aðeins "hvílt" okkur.  Reyndar finnst mér það ótrúlega líka að hugsa útí það líka en bara svona að fara milli veginn og reyna gera gott fyrir alla.  Það kemur aldrei til greina að senda Þuríði mína á "eitthvað" heimili sem er jú gott og börn hafa kanski gott af því að fara þangað þá finnst mér það langt í frá góð hugmynd.

Ekki myndi ég vilja vera send á "eitthvað" heimili sem er bara ókunnugt fólk, ég fæ alveg sting í hjartað að hugsa um þetta.

Mín er að deyja úr harðsperrum núna og mér finnst það bara æði, ég veit allavega að ég tók virkilega á því í gær.  Kellan sagði að hún myndi byrja rólega svona fyrstu vikuna og sagði að við ættum að láta hana vita ef hún færi of hægt.  Dööö hvernig er þetta þá hjá henni þegar hún fer hratt, án gríns mar átti bara erfitt með að halda í hana eheh og hún var að fara hægt.   Mér líst ótrúlega vel á þetta og hlakka bara til næstu átta vikna.

Fór útí TBR í gær beint eftir ræktina til að vinna eða kanski svona meira til að fylgjast með strákunum sem voru að byrja vinna, segja þeim til og svona.  Alltaf þegar mar er útí TBR og situr í afgreiðslunni og horfir á þetta allt sælgæti í hillunum langar mig ALLTAF í og freistast ALLTAF en í gær þá leið mér svo hrikalega vel í líkamanum eftir ræktina að mig langaði ekkert í.  Tímdi sko ekkert að skemma tíman, yndisleg tilfinning!!

Drengurinn farinn að heimta athygli, meira síðar!!