Bréf frá Hönnu Þóru

Komiði sæl og blessuð

Hanna Þóra heiti ég og fyrir þá sem ekki vita þá er ég systir Óskars.

Fréttirnar sem ég fékk mánudaginn 16 október síðastliðin um hana Þuríði mína voru þær verstu sem maður gat hugsað sér. Maður varð gjörsamlega lamaður bæði andlega og líkamlega og en í dag er maður ekki alveg að átta sig á staðreyndum. Hún Þuríður Arna mín hefur alltaf verið krafmikil dama og lífsgleðin skinið úr augum hennar frá fyrsta degi. Ég gleymi aldrei deginum þegar ég sá hana fyrst ,svo smá og með dökkann lubba á höfðinu mér fannst hún fallegust. Þessi litli gullmoli hefur kennt mér svo margt sem ég mun alltaf hafa að leiðarljósi. Sakleysi hennar gagnvart veikinum sínum hjálpar manni að trúa,trúa á kraftaverk. En eitt er það sem maður á aldrei eftir að skilja sama hvað maður leitar en það er hvernig vinur okkar þarna uppi getur lagt þetta á svona lítið saklaust barn og fjölskyldu þess.

Það sem Óskar og Áslaug eru að ganga í gegnum er það erfiðasta verkefni sem foreldri fær í hendurnar. Það að horfa upp á barnið sitt í þessum aðstæðum er sorglegt og hrein martröð en það er einstakt að sjá hvernig þau taka á því.

Ástæðan fyrir því að ég skrifa hér á síðuna þeirra er sú að þegar ég var í leikfimmi laugardaginn eftir fréttirnar þá fékk ég þá hugmynd að halda tónleika til heiðurs Þuríðar Örnu. Fyrir þá sem ekki vita þá er ég söngkona. Það sem ég gerði fyrst var að fá góða manneskju með mér í lið en Það er hún Anna Björk og höfum við verið að skipuleggja tónleikana síðustu daga. Við ætlum að fá til liðs við okkur listamenn úr öllum áttum. Tónleikarnir verða haldnir 7. eða 8. nóvember í Bústaðakirkju. Ég mun auglýsa betur hér á síðunni þegar nær dregur um þá listamenn sem koma til með að leggja okkur lið. Það sem ég vil aftur á móti biðja ykkur um að gera er að taka þetta kvöld frá og eiga með okkur notalega kvöldstund. Allur aðgangseyrir mun renna óskertur til Þuríðar Örnu og fjölskyldu. Með þessu er ég að vona að Þuríður Arna getir gert eitthvað spennandi með fjölskyldu sinni. Þar sem við getum ekki læknað hana þá reynum við að gleðja hana svo hún eigi góðar stundir. 

Með bestu kveðju Hanna Þóra  

Megi Guð og englarnir vaka yfir ykkur öllum.

Athugasemdir

[Anna Lilja (IP-tala skráð) 26.10.2006 kl. 09:14]

Frábært framtak Hanna Þóra.
Vona að tónleikarnir verði 8.nóv svo ég komist :)

[konan með pakkan í Boston fluginu skrifar (IP-tala skráð) 26.10.2006 kl. 09:58]

Er búinn að taka báða dagana frá knús og kærleikskveðjur. ókunnug

[Guðrún Bergmann og co. (IP-tala skráð) 26.10.2006 kl. 10:10]

Tek hann/þá pottþétt frá :-) og hlakka mikið til.
Þetta er frábært framtak

[Ein ókunnug út í bæ (IP-tala skráð) 26.10.2006 kl. 10:15]

Ekki spurning - við mætum og njótum kvöldins með okkur og teljum okkur heppin að geta hjálpað til við að litla hetjan geti gert sér glaðan dag með fjölskyldunni sinni, sem eru ekki minni hetjur en hún.
Harpa

[Magga (IP-tala skráð) 26.10.2006 kl. 10:20]

Þetta er alveg briljant. Það er svo mikið af fólki þarna úti sem vill eitthvað gera fyrir ykkur og veit samt ekki hvað og nú er sko tækifæri fyrir það að koma á góða tónleika og láta gott af sér leiða. Ég hlakka mikið til að koma og njóta góðra tónleika. Frábært framtak hjá systur þinni óskar.

Luv Magga K

[Ellen Halla Brandsdóttir (IP-tala skráð) 26.10.2006 kl. 11:13]

Þetta er frábært framtak, ég hef svo sannarlega áhuga á að koma og styrkja ykkur þannig. Ég hugsa mikið til ykkar. kveðja, Ellen (mamma Hjalta Más og Arnar Más)

[Anna Björk (IP-tala skráð) 26.10.2006 kl. 11:25]

Var að fá staðfestingu frá Bústaðakirkju. Tónleikarnir verða haldnir miðvikudaginn 8.nóvember kl. 20. Vonast til að sjá sem flesta þar:-)

[Martha Jörundsdóttir (IP-tala skráð) 26.10.2006 kl. 12:14]

Þetta er frábært framtak og þetta kvöld er tekið frá fyrir þessa tónleika hjá mér.
Það er mjög ánægjulegt að geta lagt eitthvað að mörkum til ykkar kæra fjölskylda.
Kkv.
Martha

[Brynja (IP-tala skráð) 26.10.2006 kl. 12:39]

Stórglæsilegt framtak Hanna Þóra og Anna Björk. Vildi bara óska þess að ég gæti komið en ég kem daginn eftir til landsins oh svo það verður einhver að taka þetta upp svo hægt sé að kaupa eintak..... ÆJ ég vona bara að sem flestir koma og gleðji ykkur Þuríði Örnu og alla fjölskylduna Allavega verður hugurinn hjá okkur öllum hjá ykkur það er alveg á hreinu. Kem með spægipylsu og ost Áslaug.
Kær kveðja frá Danaveldi.

[Bryndís Baldvinsd. (IP-tala skráð) 26.10.2006 kl. 15:36]

Hef fylgst með úr fjarska. Finnst þetta frábært framtak og hlakka til að koma á tónleika. Gangi ykkur sem allra best í þessu erfiða verkfni kæra fjölskylda. Kv.Bryndís ( gamall nágranni úr sundunum)

[Bára frænka (IP-tala skráð) 26.10.2006 kl. 18:11]

Þú ert svo góðhjörtuð hanna mín!;*

Ég geri allt sem i mínu valdi stendur til að koma!;*

[Elsa NIelsen (IP-tala skráð) 26.10.2006 kl. 19:27]

Glæsilegt framtak! VIð hjónin mætum að sjálfsögðu ;)

[Unnur Johnsen (IP-tala skráð) 26.10.2006 kl. 20:48]

Við komum ásamt eitthverjum fleirum úr minni fjölskyldu. Frábært framtak hjá ykkur elskurnar mínar :)

Kæra fjölskylda þið eruð ofarlega í huga mínum alla daga og ávallt í mínum bænum.. Þuríður Arna á fallegt kerti heima hjá okkur sem kveikt er á á hverju kvöldi

Kveðja Unnur

[Sigga Gulludóttir (IP-tala skráð) 26.10.2006 kl. 21:56]

Frábært framtak, búin að taka daginn frá fyrir og hlakka mikið til. Ég veit að þarna verð ég umkringd ættmennum sem ég þekki lítið sem ekki neitt, mikið verður það notalegt.
Tek ofan fyrir þér Hanna Þóra (svo undrast fólk dugnað Þuríðar Örnu en hún hefur þetta greinilega í blóðinu barnið :)

[Sigrún (lesandi) (IP-tala skráð) 28.10.2006 kl. 09:31]

Frábært framtak - hlakka til að eiga góða kvöldstund með góðu fólki, vitandi að ég er að styrkja litlu hetjuna og fjölskyldu hennar í leiðinni er bara bónus.
Baráttukveðjur Sigrún