Meira draslið þetta bloggar.is

Ég hef mikið verið að spá í að fá mér nýtt blogg þetta bloggara-drasl er meira draslið, þetta er alltaf að detta út.  Andskotans vesen, nenniggi svona veseni.

Þuríður mín byrjaði í undirbúningnum fyrir geislameðferðina í morgun sem gekk glimrandi vel ekki að spurja að öðru, svæfing fer alltaf vel í hana.  Hún ætti að vakna eftir sirka hálftíma eftir svæfingu en Þuríður mín rétt opnaði augun eftir sirka 45mín og sagði við okkur "ég ætla að sofa lengur" og lokaði augunum og svaf í þrjá tíma í viðbót.  Aaaargghhh!!  Einsog það fer alltaf vel um mann á vöknunardeild og mar skemmtir sér vel þar og finnst þá obboslega gaman að hún svaf í þrjá tíma í viðbót.  Ég og Skari vorum dottandi yfir henni og ég var að reyna halda mér vakandi því nóttin hjá Theodóri mínum var ömurleg, eyrun hans eru svo mikið að bögga hann.  Kominn á lyf og vonandi lagast það eitthvað annars erum við að fara hitta einn af krabbameinslæknunum hennar Þuríðar minnar og hann sér um óvær börn og svona þannig vonandi lagast þetta áður en hann verður árs gamall.  Dóóhh!!

Allavega Þuríður mín vaknaði súper-hress eftir þessa rúma þrjá tíma og er ágætlega hress núna, ágætt!!  Hún heldur áfram í undirbúningi á föstudag og svo byrjar "skemtunin" á mánudag sem stendur í tvær vikur.  Vonandi mun þetta bara vel í hana!!

Oddný mín Erla er svo súper klár einsog allir vita, mikið pælir hún í stöfum þessa dagana og er ótrúlega fljót að læra, dæssúss mar!!
Oddný: "mamma stafurinn hans pabba heitir Ó og stafurinn hans Garðars heitir G. En hvað heitir stafurinn hans Theodórs?"
Ég: "hann heitir T"
Oddný: "já alveg einsog Tumi tígur"
Dóóóhh!!  Hva fær hún að vera svona vitur?  Ég hreinlega skil þetta ekki og mun ö-a aldrei skilja þetta ehehe!!

Ætli það sé ekki best að reyna klára taka úr restinni af kössunum sem eru hérna inní mínu herbergi svo ég geti farið að gera það sæmilegt, bara nokkrir kassar eftir.  Vííí!!  Jólaskrautið er að koma smátt og smátt upp, svo gaman að skreyta en svoooo leiðinlegt að þurfa taka það niður.

Athugasemdir

[Erna Kristín Ottósdóttir (IP-tala skráð) 5.12.2006 kl. 16:37]

Hæ fjölskylda!!
Vildi bara aðeins kvitta smá fyrst ég var að lesa :) Gangi ykkur vonandi bara alveg ææææðislega vel í meðferðinni!! Ég hef fulla trú á litlu hetjunni ykkar :)
Gaman líka að heyra af hinum krílunum ykkar, Oddný hefur alveg pottþétt gáfurnar frá foreldrunum, það er ég alveg viss um ;)
Stór knús til ykkar elsku fjölskylda, og um að gera að horfa bjartsýn á það sem framundan er núna á næstunni! Sendi ykkur alla þá strauma og alla þá engla sem ég get!!

Bestu kveðjur,
Erna Kristín

[katrín (IP-tala skráð) 5.12.2006 kl. 16:44]

frábært að gekk vel!

þegar ég fór í hálskirtlatöku þá vaknaði ég í lyftunni á leiðinni uppá vöknun.. það var ekkert spes þægilegt:)

[Odda (IP-tala skráð) 5.12.2006 kl. 16:58]

Gaman að heyra góðu fréttirnar ykkar. Gangi ykkur vel í þessu öllu saman:)

kv
Odda

[Linda Reimarsdóttir (IP-tala skráð) 6.12.2006 kl. 09:59]

Gangi ykkur vel. Sendum ykkur extra extra mikla orku, styrk, hlýju og knús.
Kv. Linda, Sveinn Ómar, Lilja Rún og Jakob Freyr