Sum augnablik gleymast seint

Þessi mynd hér að ofan var tekin af hetjunni minni í Boston nóv'05.  Hún var í "tónlistartíma" ásamt öðru barni bara svona til að stytta þeim stundir en hún elskar tónlist.  Á þessari stundu var verið að bíða eftir krampa hjá henni og ég gleymi þessum mínútum seint, það var búið að minnka lyfin hennar dáltið svo hún fengi krampa sem fyrst og ég sat yfir henni með "neyðarbjölluna" í annarri því um leið og hún fengi krampa átti ég að hringja í liðið.  Það liðu ekki margar mínútur eftir að hún var "trömpuð" niður af lyfjunum sínum að hún fékk STÓRAN krampa og stofan var full af hjúkkum og læknum og það erfiðasta var eiginlega að ég var ein en Skari þurfti að skreppa frá í nokkrar mínútur.  Læknarnir tilkynntum mér það eftir á að þau hafa aldrei séð jafn snögg viðbrögð hjá foreldri.  Þarna var manni "hent" í burtu svo liðið gæti sinnt hetjunni minni og maður lamaður að fylgjast með, gífurlega erfitt tímabil sem mig langar ALDREI að upplifa aftur, ALDREI!!

Skari minn kom stuttu eftir krampann og hafði að kveðja hana áður en hún fór í myndatökurnar sínar, algjörlega útsleginn.  Ef það er eitthvað sem manni langar ekki að upplifa um ævina þá er það sjá börnin sín kveljast og kanski ekkert geta gert fyrir þau nema leyfa þeim að finna ást og hlýju frá manni.  Mikið ofsalega hefur mig oft langað að fá þessa kvöl yfir á mig, börn eiga ekki að þurfa kveljast svona.  Sárast í heimi!

Þuríði minni líður ofsalega vel í dag, að sjálfsögðu er hún ekki einsog heilbrigð börn enda búin að taka "tonn" af lyfjum meira en hálfa sína ævi og þessi lyf eru bara "eitur" hvað þá sem kramparnir hafa "skemmt" mikið fyrir henni en það sem hefur hjálpaði henni en þá var hún undan í þroska áður en hún veiktist og ég trúi því að það hafi hjálpað henni.  En hún er hamingjusöm og líður vel og þá líður mér VEL.   

Hérna er brot af einum af mínum uppáhalds texta í dag:

Öðru hvorum söng sem nú er sunginn er tómt svartsýnisraus.
Og textaskáldin sýnast mörg sorgum þrungin já, langt upp fyrir haus.
En ég vil heldur syngja' um björtu hliðarnar á ævinnar braut.
Ég er ánægður ef ég á söng í hjartanu og saltkorn í minn graut.

     Já, syngjum um lífið
     og lofum það líka,
     þó að peningana skorti getur hamingjan oft gert menn æði ríka.
     Það er nógur tími til að hugsa' um dauðann eftir dauðann
     njóttu lífsins meðan kostur er.
     Ég syng bara' um lífið
     og syngdu með mér.
      
Þó að jarðskjálftar, eldgos, frost og fárviðri sé fréttaefni
Þá er fegurðin og ástin já og sólskinið hið rétta ef
sem er þess virði að það sé leitað uppi og notið sé vel.
Því að bjartsýni, bros og gleði' í sálinni er best, það ég tel.

Eigið góða daga og njótið þess að vera til, mikil tímasóun að vera síkvartandi og kveinandi um eitthhvað sem skiptir svo litlu máli.  Heilsan er ofsalega dýrmæt og við vitum aldrei.....

Einn daginn var Þuríður Arna mín heilbrigð og fjörug stelpa.  Annan daginn þurfti hún að "læra labba" á ný eftir mjög svo hættulega aðgerð einsog þið sjáið á myndinni hér að neðan.  Þarna er ég líka komin átta mánuði á leið með Theodór minn staddar í Boston.

Gífurlega erfiðir tímar en samt svo gott að rifja þá upp því það eru svo GÓÐIR tímar hjá hetjunni minni.

Athugasemdir

[Hólmfríður Bjarnadóttir, 31.1.2010 kl. 01:18]

Það er einmitt með svona upprifjunum sem bati eftir veikindi er mældur. Að geta aðeins meira en í gær, í síðustu viku/mánuði/ári.

Þá sést svo vel hvað manni hefur batnað  rosalega mikið og er óskaplega heppinn. Hún er algör hetja og rúsína þessi stelpa. Almættinu sé þökk fyrir þessa miklu blessun

[Halldór Jóhannsson, 31.1.2010 kl. 04:17]

...

[Súsanna (IP-tala skráð) 31.1.2010 kl. 14:37]

Algjörar hetjur - þið öll!

Ég man alveg ágætlega eftir þessum tíma en ég átti Sunnu Líf í nóv.05 og var viðkvæmari en allt og skildi ekki þá og hef aldrei skilið hvernig þú fórst að þarna úti kasólétt ...

Þið hafið öll staðið ykkur frábærlega í þessari baráttu og vonin og trúin á kraftaverk sem aldrei vék frá ykkur... Haldið áfram á sömu braut og horfið fram á veginn.

[Áslaug Ósk Hinriksdóttir, 31.1.2010 kl. 17:10]

Takk fyrir það Súsanna. 
Veistu það, ég skil ekki heldur hvernig ég gat þetta kasólétt af Theodóri en það var bara ekkert annað í boði og maður fær einhvern auka kraft.  Þú hefðir getað þetta ef þú hefðir verið í þeirri stöðu.

[Ragnheiður , 31.1.2010 kl. 23:15]

Ég man líka eftir þessu, Sússa er skýringin á því að ég er hér lesandi. Var að fylgjast með henni minnir mig og hún vísaði á þig

[Aprílrós, 1.2.2010 kl. 19:40]

RIIIIISAKNÚS til ykkar elskurnar