Styttist í drauminn...

Það styttist óðum í STÆRSTA draum Maístjörnunnar minnar, jiiiii minn hvað mig hlakkar til.  Þegar henni verður tilkynnt hvað við ætlum að gera fyrir hana verður videovélin að sjálfsögðu til staðar og allt verður myndað þar sem hún mun tjúllast af kæti.  Þetta verður bara BEST í heimi!!

Maístjarnan mín er ágætlega hress, gengur vel hjá henni í fimleikunum sem styrkja hana rosalega vel.  Við ákváðum að láta hana ekki vera í sjúkraþjálfun þar sem fimleikarnir styrkja hana alveg jafn mikið (ef ekki meir)og þar fær hún líka að vera hluti af hóp sem hún var ekki í sjúkraþjálfuninni.  Fyrir ca ári síðan vorum við í sjúkraþjálfun hjá greiningarstöðinni sem er besta þjónusta sem við höfum fengið en þar var hún alltaf ein og sjúkraþjálfinn hennar vildi að hún yrði hluti af hóp og fengi að æfa með krökkum á svipuðu leveli og hún og auðvidað vildum við það þó svo það var hrikalega erfitt að hætta hjá þeim í greiningarstöðinni.  Það var sótt fyrir hana á ákveðnum stað sem henni var lofað að vera í hóp sem við vorum að sjálfsögðu ánægð með en hún fékk það svo aldrei, hún var alltaf ein svo það var engin "gróði" að flytja sig af besta staðnum.  Þess vegna ákváðum við að hún yrði ekki í sjúkraþjálfun en hún sýndi miklar framfarir frá síðustu önn af fimleikunum, þó svo hún geti ekki alveg sömu hlutina og stelpurnar sem eru með henni í hóp en þá gerir þetta ofsalega mikið fyrir hana.  Hún fær fullkomna þjónustu hjá fimleikafélaginu OKKAR, við eigum væntanlega engan rétt að þeir reddi aðstoð fyrir hana en þeir gera það samt sem ég er hrikalega ánægð með. 

Blómarósinni minni líður ennþá ekkert of vel, það er alltof margt erfitt sem er að gerast hjá henni og hún bara höndlar það ekki.  Það er alltof erfitt að horfa á 6 ára barnið sitt óhamingjusamt flesta daga, það er sko ekkert auðvelt að vera systkin langveiks barns (og þekkja ekkert annað)sem eiga oft til með að gleymast í svona baráttu en við höfum alltaf verið meðvituð um það.   Hún er nú farin að sýna smá spenning fyrir draum Maístjörnu minnar sem er nú líka smá draumur hjá henni líka.

Athugasemdir

[Jóhanna (ókunnug) (IP-tala skráð) 14.9.2010 kl. 11:27]

Yndislegast að hetjan finni sig í fimleikunum og fái að vera hluti af hópnum  Leitt með þá yngri, en ég er alveg viss um að hún á eftir að taka gleði sína á ný, hún er greinilega svo sterk, þarf bara sinn tíma. Bíð spennt eftir fréttum af viðbrögðum Þ.Ö. og draumnum hennar  Hef fylgst með ykkur alveg síðan þú byrjaðir að blogga um veikindi litlu stúlkunnar.

[Dagrún (IP-tala skráð) 14.9.2010 kl. 21:59]

Gott að heyra að það gengur vel í fimleikum :)

Alltaf erfitt að vera systkinið sem er ekki veikt , en hún er sterk og svo dugleg stelpa :)

Flottar myndir að  hópnum ykkar  , fallegur hópur

 kærleiksknús að austan

[Sigríður (ókunnug) (IP-tala skráð) 16.9.2010 kl. 09:06]

sendi ykkur hlýja strauma og ósk um að allt gangi vel vona að blómarósinni þini fari að líða betur , þetta er ekki auðvelt og ómögulegt að setja sig í hennar spor. 

myndirnar af barnahópnum er algjör snilld.Fallegur hópur. Flott fjölskylda.

fylgist reglulega með blogginu þinu.