Þuríður Arna mín

Fyrir nákvæmlega fjórum árum birti ég eitt ljóð sem ég fann á netinu og vissi þá ekki hver samdi það en ég veit hver gerði það núna.  Man reyndar ekki hvað hún heitir því miður en mig langar að birta þetta ljóð aftur og tileinka að sjálfsögðu Þuríði minni það. 

Þú ert ljósið sem skærast skín
í mínu lífi, elsku stelpan mín
og ég þakka fyrir þig á hverjum degi
og vona, að lengi enn ég njóta þín megi.

Þú ert lítill engill sem mér var sendur 
svo fullkomin, að mér fallast hendur 
Og ég skal gera mitt besta til að sýna þér 
að alltaf þú eigir vísan stað í hjarta mér.

Og hjartað slær núna hraðar í mér 
Þakka þér Faðir, sem allt sér 
Af lotningu ég fyllist er ég lít hana á 
stúlkuna sem Hann, lét mig fá.

Og alltaf er ég lít á þig, svo sæt og fín 
þá get ég alltaf undrast, að þú ert dóttir mín 
Og þú mátt vita, ef vökva tárin kinn 
Að alltaf sé opinn faðmur minn.

...og í lokin langar mig að birta tvær myndir af aðal fjögra ára töffaranum 
mínum honum Theodóri Inga, þó svo töffarinn minn sé aðeins fjögra ára 
er hann að hefja sitt annað ár í fótboltanum og í síðustu viku ákváðum 
við að láta litla drauminn hans rætast sem var reyndar ekkert lítill 
en það var að eignast félagsbúninginn sinn sem hann er hrikalega 
stolltur af og mér finnst hann líka endalaust flottur í honum.

Að sjálfsögðu var hann merktur honum líka:

Athugasemdir

[Hólmfríður Bjarnadóttir, 18.10.2010 kl. 16:35]

Fallegt ljóð - Theodór  upprennandi stjarna

[Halldór Jóh. (IP-tala skráð) 18.10.2010 kl. 20:10]

<3

[Didda ókunnug (IP-tala skráð) 18.10.2010 kl. 21:22]

fallegt ljóð, flottur strákur og þið öll, gæfan fylgi ykkur ávallt.

[Daníel Björnsson (IP-tala skráð) 18.10.2010 kl. 22:21]

Afskaplega fallegt ljóð.

Megi guð og gæfan fylgja ykkur.

[Ragga (IP-tala skráð) 19.10.2010 kl. 08:11]

Sæl Áslaug,

Hugsa til ykkar og sendi fallega strauma. Mikið eruð miklar hetjur allar... Flottur fótboltastrákur. :)

Þetta er ljóð systur minnar, Írisar Bjarkar sem hún samdi til dóttur sinnar...ofsalega fallegt.

Gangi ykkur sem best ávalt.

 Ragga (Birnu Sifjar systir)

[Sólveig Jónsdóttir (IP-tala skráð) 19.10.2010 kl. 08:16]

Fallegt ljóð og Theodór Ingi er flottur töffari, ekki spurning! Eins og þið öll.

[Ragnheiður , 19.10.2010 kl. 23:15]

flottur í búningnum sínum - mikið ertu lánsöm með svona yndisleg og vel gerð börn

[Emma Vilhjálmsdóttir (IP-tala skráð) 26.10.2010 kl. 01:58]

Vá hvað þetta er fallegt ljóð um litlu stelpuna þína.  Mikið er hann flottur fótboltastrákur!  Yndisleg börn sem þú átt.