Erfitt ástand

Mikið ofsalega er þetta ástand farið að taka sinn toll á Þuríði minni, hún er ofsalega leið á því að vera einsog hún er þar að segja útþanin vegna stera.  Hún á ekki mikið af fötum sem hún getur klæðst vegna þess hvað maginn er stór og hún er orðin ofsalega leið á að vera alltaf í sömu fötunum, auðvidað langar manni að "gellast" stundum þó svo maður sé bara 8 ára gömul.  Hún t.d. renndi í gegnum fataskápinn sinn í dag og langaði svo að klæða sig í gallabuxur, mátaði allar sínar buxur og komst að sjálfsögðu ekkert í þær og fannst það ofsalega leiðinlegt.  "æji mamma þetta er svo erfitt", "mig langar svo að fara í þessar buxur".  Nei hún gafst samt ekkert upp, ákvað að prufa þær samt allar þó svo ég reyndi að segja henni annað.  Auðvidað er þetta "bara" tímabundið ástand en það er líka komið á þriðja mánuð og ekkert skrýtið að henni langi að fara í einhver önnur föt en hún hefur verið í síðastliðnum tæpum þremur mánuðum.  Þau föt sem hún hefur klæðs verða líka "ónýt" eftir að líkamninn hennar fer í rétt form (orðin frekar teygð) og ég er líka búin að lofa henni því að við förum í mollið og verslum gelluföt á hana þegar þetta allt lagast.  Ég er þegar orðin spennt fyrir þeirri stelpuferð okkar en ég trúi því að þetta er allt í áttina hjá henni.

Þuríður mín byrjaði á miðvikudaginn að mæta tvo tíma í skólann en það hefur hún ekki gert síðan í byrjun desember.  Hún fer samt ekkert í neinar frímínútur þar sem hún ræður ekkert við að vera úti að leika sérstaklega í þessari hálku.  Hún er byrjuð í sjúkraþjálfuninni sinni, mætir þangað 2x í viku og er gjörsamlega búin á því eftir hvern tíma en getur samt ekki beðið eftir þeim næsta.  Henni finnst æðislegt að vera þar sem hún er þó svo þeir geti stundum verið erfiðir fyrir viðkvæma kroppinn hennar.

Oddnýju Erlu minni líður aðeins betur í hjarta sínu, þegar Þuríði minni líður ágætlega þá líður þeirri yngri betur.

Hérna er ein af Oddnýju minni:

Kæru lesendur góða helgi, við ætlum allavega njóta þess að gera eitthvað skemmtilegt saman um helgina.

Athugasemdir

[Ragnheiður , 18.2.2011 kl. 19:47]

Falleg Oddný, fallega andlitið svo vel innrammað af loðkantinum.

Guð gefi ykkur styrk og allar góðar hugsanir sendi ég ykkur.

Njótið helgarinnar

[Anna (IP-tala skráð) 18.2.2011 kl. 23:35]

Gangi ykkur sem best. 

[Olga Clausen (IP-tala skráð) 18.2.2011 kl. 23:55]

Ég sendi ykkur alla þá góðu strauma sem ég get búið til. Þekki sorgina af eigin raun þó ykkar barátta sé örugglega erfiðari en mín. Bið fyrir betri líðan Þuríðar Örnu hetju. Góða helgi.

Olga

[Hanna (IP-tala skráð) 19.2.2011 kl. 08:21]

Elsku stelpurnar! Þuríður er hetja að fara í gegnum alla þessa baráttu. Hún sýnir mikið æðruleysi. Oddný er líka hetja og sýnir ekki síður æðruleysi. Það er ekki sanngjarn að börn þurfi að fullorðnast svona ung en þær eru greinilega mjög sterkar og klárar stelpur. Enda foreldrarnir einstök :)

Kærar kveðjur,

Hanna

[Sigurður Haraldsson, 19.2.2011 kl. 11:12]

[Halldór Jóhannsson, 19.2.2011 kl. 11:16]

Frábærustu stelpurnar í bænum...

Algjörar PERLUR....

Svo duglegar....

Knús í hús...

[Guðrún unnur þórsdóttir, 19.2.2011 kl. 15:17]

knús ti ykkar allra

[Kristín (IP-tala skráð) 19.2.2011 kl. 17:43]

Mikið er Oddný falleg eins og öll börnin ykkar, Guð gefi ykkur styrk

[Sólveig Jónsdóttir (IP-tala skráð) 19.2.2011 kl. 18:18]

Gleður mig að Blómarósinni líði betur og mikið skil ég Maístjörnuna, hvað varðar sterana og að komast ekki í fallegu fötin sín. En það kemur að því vonandi fyrr en síðar. Eigið notalega helgi kæra fjölskylda.

[Sólveig (IP-tala skráð) 19.2.2011 kl. 22:51]

yndislegt að fá fréttir og sjá að það er allt með felldu ef hægt er að segja svo, og svo er Guði fyrir að þakka ekkert nýtt slæmt en sami þæfingurinn með Stjörnuna, því miður, Oddnýju Erlu líður betur sem eru jákvæð skilaboð svo næm sem hún er.

Sendi ykkur fallegu frábæru duglegu fjölskyldunni RISAKNÚS Í HÚS.

frá Sólveigu

[Viggó Jörgensson, 19.2.2011 kl. 23:11]

Þið eigið svo sannarlega skilið að komast í sjúkdómsfrí.

Þetta er auðvitað ofurmannlegt álag á ykkur öll.

Góðar fréttir þrátt fyrir allt að gammageislarnir eru enn að vinna sitt gagn ef 70% líkur eru á að þarna sé bjúgur frekar en stækkun.

Gaman væri að vita hvort við bloggarar getum lagt í ferðasjóð ykkar, næst þegar Maístjarnan, okkar allra, verður ferðafær.

[Jóna (IP-tala skráð) 19.2.2011 kl. 23:20]

Guð gefi ykkur styrk og góðan bata, duglega fjölskylda.

[Björk töffari (IP-tala skráð) 20.2.2011 kl. 02:15]

Langt síðan ég hef sent þér kveðju elsku fallegasta hetjan mín og hvað það er eitthvað sorglegt að lesa aftur og aftur að það er ekki allt í lagi með þig....hjartað mitt grætur af sorg og ég vildi óska þess að ég gæti tekið þetta allt frá þér.Bið að heilsa öllum og vonandi förum við að hittast sem fyrst,,elska þig litla prinsessan mín

[Laufey (ókunnug) (IP-tala skráð) 22.2.2011 kl. 21:17]

Mikið er þessi stelpa gullfalleg eins og öll börnin ykkar.

Sendi áfram styrktarkveðjur.

[sigga gulludóttir (IP-tala skráð) 25.2.2011 kl. 10:27]

Mikið skil ég hana Þuríði vel, þetta er sennilega eins og á 3-6 mán meðgöngu, maður kemmst ekki í neitt :)

En þetta rennur af henni þegar þrotinn og bjúgurinn fer af, þetta verður snilldar sumar hjá henni ;)