Dagsferð í Legoland

Við fjölskyldan áttum snilldar dag í Legolandi/Billund í gær.  Við fórum ásamt 183 manns sem eru í Styrktarfélagi krabbameinssjúkra barna í boði þeirra en hérna eru nokkrar sem segja ALLT um ferðina okkar sem var bara SNILLD.  Reyndar fór Hinrik ekki með okkur en við vildum bara leyfa hinum að njóta þess að fara í öll tæki sem þeim langaði en það hefðu þau ekki geta gert ef hann hefði farið með svo hann var bara í dekri hjá nafna sínum afa Hinrik og ömmu Oddný á meðan. Við flugum frá Keflavík kl 6:00 í gærmorgun og komum heim kl 21:00 í gærkveldi, bara draumur í dós!
 

Theodór minn er mikill húmoristi og leiðist sko ekkert að fíflast aðeins en hérna er ein frekar skemmtileg af honum þegar pabbi hans ákvað að kyssa hann.

Honum finnst candífloss heldur ekkert svo slæmt á bragðið enda varð hann mikill klísturkarl eftir á.

Maístjörnunni minni leiddist sko ekki í Legolandi enda það skemmtilegasta sem hún veit er að fara í tívolí og þá helst þau allra stærstu og þar sem maður missir röddina.  Henni leiddist heldur ekki þetta tæki en þetta var svokallaður "vatnsbátur", við silgdum hring í vatninum öll með vatnsbyssu um hönd og aðrir bátar sigldu hringinn í kringum okkar að sjálfsögðu með vatnbyssur líka og sprautu mikið á okkur.  Jú við gátum líka sprautað á gangandi vegfarendur og þeir á okkur svo það fannst ekki þurr dropi á okkur hjónunum, einsog þið sjáið er Maístjarnan mín líka frekar blaut en ekki í líkingum við foreldrana.  Að okkar mati, skemmtilegasta tæki, mikið hlegið og mikið gaman.  Við erum sko tilbúin í vatnsstríð við nágranna í sumar sem gerist stöku sinnu yfir sumartímann.

Blómarósin mín hitti þennan túrista í Legolandi og var sko til í það að fá eina með hinni einu sönnu Oddnýju Erlu en ekki hvað?

Fallegustu systurnar í góðum fíling enda 20 stiga hiti og sól allan daginn.

Svo enda ég þetta "myndasafn" á Blómarósinni minni sem gerði sér lítið fyrir og sigraði mót í dag þrátt fyrir mikla þreytu og svefnleysi vegna ferðarinnar í Legolandi.  Snillingurinn okkar!!  Það kom sko ekkert annað til greina en að keppa þrátt fyrir að hún vissi að hún yrði þreytt.

Athugasemdir

[Helga (IP-tala skráð) 8.5.2011 kl. 21:14]

Váááá.......en yndislegt

[gþ (IP-tala skráð) 8.5.2011 kl. 21:19]

Þetta eru bara Rósir og Stjörnur og allt það besta þessi börn ykkar.

kv gþ

[Kristín ókunnuga (IP-tala skráð) 8.5.2011 kl. 21:30]

Mikið óskaplega er ég glöð fyrir ykkar hönd að þið fóruð í þessa ferð þið áttuð það svo sannalega skilið.

[Sigga (IP-tala skráð) 8.5.2011 kl. 21:46]

En gaman! Frábært að sjá þessar myndir. Krakkarnir eiga örugglega eftir að lifa lengi á þessari ferð.

[Ásdís Steingrímsdóttir (IP-tala skráð) 8.5.2011 kl. 21:46]

Dásamlegt að lesa þessa færslu! Og innilega til hamingju með gullstelpuna ykkar:o) Knús á línuna, Ásdís

[Ásdís Steingrímsdóttir (IP-tala skráð) 8.5.2011 kl. 21:53]

Það er dásamlegt að lesa þessa færslu:o) Þetta hefur verið yndislegur dagur í alla staði. Innilegar hamingjuóskir með gullstelpuna ykkar! Knús á línuna, Ásdís

(Kannski koma 2 færslur frá mér en það verður þá bara að hafa það, þetta er eitthvað að klikka)!

[Guðný Heiðbjört (IP-tala skráð) 9.5.2011 kl. 00:38]

Sæl og blessuð

 Fylgist reglulega með ykkur kæra fjölskylda og vildi bara kvitta fyrir mig svona einu sinni :) Dásamlegar myndir af greinilega frábærum degi og Blómarósin að sjálfsögðu stóð sig eins og hetja, enda hefur hún nú aldeilis fyrirmyndirnar í kringum sig :) Gangi ykkur allt í haginn og megi sumarið fara mjúkum höndum um ykkur, yndislega fjölskylda

[Begga Kn. (IP-tala skráð) 9.5.2011 kl. 06:55]

Jiii... en yndislegar myndir, þið hafið líka verið frekar heppin með veðrið hérna í DK :-)

Og frábært hjá Blómarósinni að gera sér lítið fyrir og vinna mótið :-D

Gaman að lesa um svona góða helgi hjá ykkur!!!

Kv. frá DK

[Sólveig (IP-tala skráð) 9.5.2011 kl. 11:06]

Yndislegt allt saman

Stóra knúsið í húsið

frá Sólveigu

[Hrundski (IP-tala skráð) 9.5.2011 kl. 13:20]

Brosti hringinn þegar ég las þetta og sá myndirnar :)

[Guðrún unnur þórsdóttir, 9.5.2011 kl. 14:10]

yndislegar mydir og krakkarnir eru flottir og litla Blómarós til hamingju með sigurinn .knús og kram til ykkar allra

[Berglind (IP-tala skráð) 9.5.2011 kl. 16:58]

Yndislegt að lesa þessa færslu. Sé að þetta hefur verið stuð. Þetta lengir sumarið hjá ykkur öllum. knús í hús.

[Ásdís Ásgeirsdóttir (IP-tala skráð) 9.5.2011 kl. 17:46]

Frábært, gaman hjá ykkur! Bara yndislegt. Kveðja, Ásdís

[Ragnheiður , 9.5.2011 kl. 19:22]

en frábært..til hamingju með þessa æðislegu ferð

[Linda (IP-tala skráð) 9.5.2011 kl. 20:39]

Frábært að þið gátuð átt svona góðan dag saman :)

[Birna (IP-tala skráð) 10.5.2011 kl. 09:05]

Yndislegt að sjá.

[Kristín (IP-tala skráð) 10.5.2011 kl. 11:58]

Gaman að sjá glöð börn á góðum degi, til hamingju með gullprinsessuna Guð veri með ykkur.

[Eyja (IP-tala skráð) 10.5.2011 kl. 19:51]

Yndislegt! Greinilegt að börnin hafa skemmt sér vel!

Til hamingju með fimleikastelpuna ykkar!

[Elsa Nielsen, 12.5.2011 kl. 11:36]

Yndislegar myndir :)

[Hanna (IP-tala skráð) 12.5.2011 kl. 20:02]

Yndislegt að lesa þessa færslu og sjá myndirnar :) Og til hamingju með fimleikastjörnuna fallegu. Mikið er gott að sjá að Þuríður naut sín í ferðinni og gat skemmt sér elsku litla dúllan :) Gott að fara svona í dagsferð.

[Sólveig Jónsdóttir (IP-tala skráð) 13.5.2011 kl. 17:17]

Yndislegt í Legolandi. Skemmtilegar myndir.

[Arna Ósk (IP-tala skráð) 20.5.2011 kl. 07:27]

Yndisleg færsla og greinilega verið góður dagur :) og dagurinn á eftir hefur ekki verið síðri. Það að fá gull gerir mann bara glaðan :). Innilega til hamingju með flottu krakkana þína og gangi ykkur framhaldið vel.