Færsla síðan 2007 - draumar!!

Maður á sér marga drauma og einn af mínum draumum var að geta verið heimavinnandi og geta séð alfarið um börnin mín - þar að segja tekið á mótið þeim þegar þau koma heim úr skólanum og þess háttar. Þegar fæðingarorlofið mitt með Oddnýju Erlu var að klárast langaði mig enganveginn að fara á vinnumarkaðinn og var heldur eiginlega ekki tilbúin að fara frá henni, fannst hún svo lítil að fara í pössun og þótt það væri til mömmu (sem var dagmamma þá)og Önnu(sem er systir mömmu) . En ég sá að ég gat enganvegin verið heima með stelpurnar mínar, jú ég þurfti að fara vinna til að geta séð fyrir heimilinu, borgað reikninga, keypt föt á börnin og bara allan pakkan og var náttúrlega mjög svekkt yfir því.

Ég var búin að fara í nokkur atvinnuviðtöl sem gengu mjög vel og var meira að segja búin að fá eina vinnu sem ég var mjög glöð með :) En svo veiktist Þuríður mín og allt breyttist á einum degi, ég gat ekki farið útá vinnumarkaðinn og draumurinn minn varð að veruleika  Ohh ég vildi óska þess að þessi draumur minn hefði ekki ræst.

Ég vildi óska þess að mig væri ennþá að dreyma að vera heima með börnin mín. Ég vildi óska þess að ég væri að pirra mig á því hvað ég væri láglaunuð í þessu starfi sem ég væri að vinna við, mig langar að pirra mig yfir því að börnin mín þurfa að vera á leikskóla frá níu-fimm og ég hefði minni tíma fyrir þau, mig langar að pirra mig á því hvað ég væri að borga mikið fyrir þau á leikskóla, mig langar að vera pirruð við yfirmann minn því hann vill ekki gefa mér launahækkun.

Ég vildi óska þess að ég hefði ekki átt þennan draum sem varð að veruleika.

Athugasemdir

[Halldór Jóh. (IP-tala skráð) 29.2.2012 kl. 22:43]

Æææ já,KNÚS elskulegust á línuna...

[Guðrún unnur þórsdóttir, 29.2.2012 kl. 22:48]

knús til ykkar allra

[gþ (IP-tala skráð) 1.3.2012 kl. 10:47]

vona svo sannalega að draumur þinn rætist og þú farir að taka þátt í öllu  þessu sem að allflestir eru að pirrast út í,  það er svo margfalt betar en það sem að þið eruð að takast á við.

Sendi ykkur hjartans kveðjur, gþ

[Sólveig (IP-tala skráð) 1.3.2012 kl. 15:47]

Undirstend elsku stelpan!!! það að pirra sig yfir smámunum er eðlilegt en að lenda í alvöru pirringi er allavega eða amk.getur verið hryllilegt.

Biðð Guð að gefa að þú fáir tækifæri til að vinna milli 9 og 1 sem er óskatími fyrir mömmur sem vilja vera komnar heim þegar börnin koma úr skólanum og eiga eftir eitthvað af deginum fyrir þau og sig. Þetta þótti sjálfsagt fyrir löngu síðan þ.e. hálfur dagur. Og þá getur þú farið að pirra þig á smámununum. :-))

Risaknús á allan hópinn.

[Sólveig Jónsdóttir (IP-tala skráð) 1.3.2012 kl. 20:08]

Ó já. Knús á ykkur öll.