Yndisleg helgi...

Loksins kom að sjúkraþjálfuninni á skíðum en við fórum með Maístjörnuna mína ásamt Blómarósinni okkar norður á Akureyri.  Vávh hvað hún var að fíla þetta vel og naut sín í botn á skíðunum, það var alveg yndislega gaman að sjá hana skíða niður brekkurnar með brosið fast á sér.  Þvílík forréttindi að hafa svona sjúkraþjálfun og þetta verður sko gert árlegt ef ekki oftar, verst hvað þetta er langt í burtu og kostnaðarsamt annars færum við aðra hverja helgi eða þegar þetta er í boði.  Núna er málið held ég að safna fyrir skíðagræjum á Stjörnuna mína svo við getum haldið þessu við hjá henni.  En hérna eur nokkrar myndir af henni á skíðunum:

 

 

 

 

 

 

 

 

 
Fyrstu "skrefin" á skíðunum.

 

 

 

 

 

 

 

 

 

 

 

 
Endalaust gaman.

 

 

 

 

 

 

 

Ánægð með helgina.

Blómarósin okkar steig sín fyrstu skref líka á skíðum og það tók hana ekki langan tíma að geta farið ein niður brekkurnar eða einsog hún hafi aldrei gert neitt annað.  Þannig hún er farin að "heimta" að fara aftur næstu helgi á skíði.  Ég ætlaði að skíða með þeim en þetta var frekar "misheppnuð" helgi fyrir mig þar sem ég var svo kvalin í maganum og gat ekkert skíðað með þeim þannig ég verð eiginlega að fara aftur með þeim - sem fyrst. 

En hérna eru tvær af Blómarósinni minni:

















Bara gaman að fylgjast með henni líka á skíðunum þar sem hún var svo fljót að ná tækninni og frekar fúl yfir því að mega ekki fara í stólalyftuna.

















Svo var bara brunað niður brekkurnar.

Næst verður Gull-drengurinn tekinn með í ferð þar sem honum langar að sjálfsögðu að prófa líka.

En ég mæli 100% með svona sjúkraþjálfun fyrir þá sem þurfa á henni að halda, skemmtileg tilbreyting.  Aðeins tveir tímar eftir af sjúkraþjálfuninni á hestum hjá Maístjörnunni minni svo við þurfum að reyna finna einhverja aðra þjálfun fyrir hana (fyrirutan hennar venjulegu sjúkraþjálfun sem hún elskar).  Spurning hvað?

Athugasemdir

[Helga (IP-tala skráð) 5.3.2012 kl. 18:28]

Mikið er ég ánægð að heyra að helgin hafi verið vel heppnuð. Hafið þið ekki aðgang að svona sjúkraþjálfun hér fyrir sunnan?

Kveðja - Helga

[Ragnheiður , 5.3.2012 kl. 20:54]

Rosalega er þetta flott :) Takk fyrir kveðjuna Áslaug mín, þú ert svo mikil perla

[Halldór Jóh. (IP-tala skráð) 6.3.2012 kl. 07:38]

Blómstrandi skíðadrottningar:)
Er ekki einhver þyrlan laus hjá þessum "útrásarliði" svo getið farið bara á nóinu norður af túninu ykkar
Ný sjúkraþjálfun  já,er skíðastökk ekki næsta mál,hitt er orðið svo létt ....sundknattleikur er ég viss um að stóri/gamli sundgarpurinn væri til í....en hann yrði að þola að tapa..
Góðar kveðjur..

[Hrönn (IP-tala skráð) 7.3.2012 kl. 13:25]

Í Skálafelli er flott barnabrekka og í KR skálanum er stór teppadregill til að setja út í brekku svo krakkar sem ekki treysta sér í lyftuna geti labbað upp með góðu móti....endilega skella sér á skíði þar og aðeins 20 mín akstur frá Reykjavík...frítt í barnalyftuna

[Guðrún unnur þórsdóttir, 7.3.2012 kl. 14:08]

[Jóhanna (ókunnug) (IP-tala skráð) 8.3.2012 kl. 12:17]

Frábært

[Sólveig Jónsdóttir (IP-tala skráð) 9.3.2012 kl. 09:56]

Flottar myndir af systrunum, og frábært að þetta gekk vel og allir ánægðir.

[valdís (IP-tala skráð) 12.3.2012 kl. 05:11]

er ekki bara málið að daman selji eftir sig myndir ég skal allavega kaupa ;0) er hrikalega ánægð með kortin frá Oddný erlu ;0)

bestu kveðjur Valdís