Afmæliskort og fleira....

Þá er Blómarósin mín 9 ára búin að gera afmæliskort sem hún er að selja ef ykkur langar að kaupa - 10 stk í pakka ásamt umslögum á 1500kr.  Stúlkan er að safna sér fyrir utanyfir galla í fimleikana og fleira sem tengist þeim.  Ef þú hefur áhuga þá sendu endilega á mig póst á [e-mail]












Þetta eru kortin í pakkanum.

Annars er ofsalega lítið að frétta af Maístjörnunni minni - jú hún er ennþá þreytt og leggur sig á daginn, fær krampana sína en er ofsalega fegin að vera komin í sumarfrí svo núna bíðum við bara eftir því að eiginmaðurinn fari í fæðingarorlof sem byrjar 1.júlí (í mánuð) og Blómarósin sem er alltaf á fimleikaæfingum þá getum við farið að gera "allt og ekkert".

Rannsóknir Maístjörnu minnar verða í ágúst en þá verður allt skoðað sambandi við flogalyfin og þess háttar - hvort það þurfi að gera breytingar þar sem það er frekar erfitt að halda krömpunum niðri.

Enda færsluna mína svo á einni mynd sem Blómarósin teiknaði í morgun - já ég veit ég get endalaust montað mig af því sem börnin mín gera og jú og svo einni mynd af Gull-drengnum (7 ára) sem var að keppa á Norðurálsmótinu um helgina og stóð sig hrikalega vel.

 

 

 

 

 

 

 

 

 

 

Athugasemdir

[Steinunn (ókunnug) (IP-tala skráð) 26.6.2013 kl. 15:56]

Þvílík listaverk hjá Blómarósinni þinni:-) Það er um að gera að monta sig af börnunum sínum, þau eru það sem gefa lífinu gildi. Vonandi eigið þið gott sumar:-)

[Birna S. Jónsdóttir (ókunnug) (IP-tala skráð) 26.6.2013 kl. 19:31]

Greinilega flott börn sem þið eigið :) Hafið það sem allra best í sumar.

[Helga (IP-tala skráð) 26.6.2013 kl. 22:28]

Mikið eru þetta falleg kort, ég ætla sko að styrkja þessa listakonu (sendi e-mail).  Myndin af Gull-drenginum er rosalega flott, maður sér að þarna er tilvonandi atvinnumaður á ferð.

Njótið sumarsins og gerið allt og ekkert.....viss um að það verður ekki mikið um "ekkert".

Kveðja - Helga

[Didda ókunn (IP-tala skráð) 27.6.2013 kl. 22:14]

flott, flott, sumarkveðjur og góðar óskir til ykkar allra :)

[Guðrún unnur þórsdóttir, 30.6.2013 kl. 18:45]