Þreytt Maístjarna

Maístjarnan mín er ofsalega þreytt þessa dagana/vikurnar og ég er svo glöð að ég veit að það er ekki vegna stækkunnar - svo stutt síðan hún fór síðast í rannsóknirnar sínar.  Hún er reyndar að krampa meira en venjulega og það reynir á mann - kramparnir eru líka eitthvað að breytast svo konan bíður eftir því að heyra í doktor Ólafi til að fá tíma hjá honum.  Hún er líka ofsalega ánægð að það er komin helgi og hana ætlar hún að nýta í að slappa af og gera helst ekkert - mikið rosalega skil ég hana vel.

DraumaDísin mín var að koma úr fimm mánaðaskoðun og hún sem fæddist í gær - hún er ekkert rosalega mikið fyrir svefninn hvort sem það er á daginn eða nóttunni.  Er eitthvað hræddum að missa af stuðinu á heimilinu sem ég skil mjög vel en ég væri samt alveg til í kanski þriggja klukkutíma svefn - bið ekki um meira.  Hún er samt svo ofsalega vær og góð svo það er eiginlega ekki hægt að biðja um meira - hún elskar þegar systkinin hennar eru að hnoðast með hana, tala við hana og bara fylgjast með þeim.  Hún er endlaust mikið elskuð þessi DraumaDís enda svo mikið dýrkuð og dáð af okkur öllum.

Verð að láta fylgja eina mynd af henni síðan í gær þegar hún var í sinni fimm mánaðasprautu - stóð ofsalega vel og ekkert pirruð eftir hana.  Maístjarnan mín einmitt sagði við hana þegar hún frétti að hún hefði fengið sprautu "þú ert svo sterk, dugleg og lítil hetja".  Yndislegust!  Leyfi svo annarri mynd að fylgja líka en það er af Blómarósinni minni í nýja fimleikabolnum sínum en hún safnaði sjálf fyrir honum með sölu á afmæliskortum og keypti sér líka Ármannsutanyfirgallann.

Athugasemdir

[Didda ókunn (IP-tala skráð) 13.10.2013 kl. 21:33]

yndislegar, góðar óskir öll sömul :)

[Sólveig (IP-tala skráð) 15.10.2013 kl. 09:55]

Elsku öll

Ekki skrítið að sú litla vilji ekki sofa of mikið. Örugglega aldrei dauð stund á heimilinu ;-)

Verra að hún skuli ekki sofa á nóttunni því þá ætti að vera lítið um að vera sem hún missti af.

Eins gott Àslaug að þú ert Super aðrir þurfa góðan svefn.

Ekki skrítið að Oddný brosi breytt í nýja bolnum svo flottur sem hann er, fyrir utan að hafa unnið fyrir honum og gallanum. Ég veit að svona bolir kosta heilan handlegg :-)

KNÚS í húsið.

[Adda Laufey , 17.10.2013 kl. 18:23]

Falleg börnin þín :)