Pælingar

Ég er mikið að pæla í því hvað ég á að gera í haust ef Þuríður mín heldur áfram að vera svona góð einsog hún hefur verið undanfarna rúma tvo mánuði.  Mig er farið að langa að fara gera eitthvað en ég veit samt ekki alveg hvað?  Orðin doltið leið á því að vera svona "ein" allan daginn, búin að vera svoleiðis ansi mörg ár og finnst tími til komin að gera eitthvað í þessu.  Jú ég veit að það getur ekki orðið af því ef henni færi að versna en ég ætla mér ekki að hugsa svoleiðis eða reyna.....

Well reyndar er ég ofsalega hrædd við að ákveða eitthvað því alltaf kemur EF þó ég reyni ekki að hugsa svoleiðis, mig langar ofsalega mikið að fara í skóla í eitt nám sem hefur lengi langað að fara í.  En svo kemur líka "hefur maður efni á því?" hmmm ég hef nú verið frá vinnu í ansi langan tíma þannig það ætti kanski ekki að breyta neinu eða hvað?  Vill líka einhver vinnuveitandi ráða mig í vinnu?  Vill einhver fá konu í vinnu sem á langveikt barn og ég gæti þurft að vera vikum saman frá vinnu?  Hefur einhver skilning á því og samstarfsmenn mínir þolinmæði í svoleiðis? 

Ég hef unnið á stað þar sem var meiri hlutinn var konur en þá átti ég engin börn en ég man hvað þær urðu pirraðar útí hinar þegar börnin voru veik og kanski oft veik og þá þurfti annað foreldrið að sjálfsögðu að vera heima. Ég reyndar pirraði mig aldrei á þessu því ég vissi sjálf að ég gæti einhvern daginn verið í þessari stöðu en vissi þá að sjálfsögðu ekki að ég þyrfti að hætta vinna vegna þess að barnið mitt fengið illvígan sjúkdóm. Ömurlegt!! 

Reyndar hafði mig alltaf dreymt að gera verið heimavinnandi og geta sinnt börnum og heimili en ég vildi stundum óska þess að ég hefði ekki óskað mér þennan draum því hann varð að veruleika en ekki að þeirri ósk sem ég vildi. Ennþá ömurlegra!!

Allavega þá eru miklar pælingar í gangi hvað ég eigi að gera næsta haust og ég veit líka að það væru ekki margir ef einhverrir vinnustaðir sem vildu fá mig í vinnu og þá væri kanski bara betra að fara í skóla og vera með frjálsa mætingu.  Þá get ég bæði reynt að sinna námi og ef eitthvað kæmi uppá útaf henni Þuríði minni eða hin verða veik eða þess háttar.  Þetta eru alltof erfiðar pælingar, er reyndar búin að fylla út umsóknina mína í skólan en þá er bara eftir að senda hana og borga staðfestingargjald.  Aaaaaaaaaaaargghhh!!

Athugasemdir

[Martha (IP-tala skráð) 3.5.2007 kl. 16:07]

Búin að fylla út umsóknina og allt klárt.........Áslaug mín svo er bara að senda umsóknina og drífa sig :-)

Kkv.Martha

[Þórunn Eva , 3.5.2007 kl. 17:49]

hæ babe :) ég ákað að fara í skóla þegar að ég sá framm á það að þurfa að vera heimavinnandi svo ég tapaði ekki glórunni og til að hugsa um eitthvað annað en bara um heimilið og littla lasarusinn og sem betur fer gerði ég það ég var bara í 3 fögum og með frjálsa mætingu og eru allir frekar skilningsríkir en ég er einmitt að pæla í því sama og þú maður hefur ekki endalaust efná því að vera frá vinnu og er ég búin að vera pæla í því sama hvort maður ætti að fara að vinna en maður veit ekki hvort að hann sé að lagast eða ekki... bara erfitt að lifa í þessari óvissu og svo er ég svo hrædd um að ef að ég sæki um vinnu og fæ hana og hvað ef hann er svo ekkert að lagst ?? ég veit svartsýni en hey maður verður að pæla í öllu.... þannig í dag get ég sagt við þig ég skil þig...... því miður þá er þetta bara svona :(

ættla að reyna að kíkja á þig í næstu viku oki skvís :)

koss og knús

[Guðrún Jóhannesdóttir, 4.5.2007 kl. 00:59]

Er ekki bara að skella sér í að sækja um í skóla, það er þá alltaf hægt að hætta við EF illa fer sem ég trúi ekki á.  Skelltu þér í þetta stelpan mín og leyfðu þér að hlakka til þess að byrja :)   Knús á liðið,

Skagakveðja 

[Álfheiður (IP-tala skráð) 4.5.2007 kl. 08:45]

Láttu vaða. Taktu námslán (eins og flestir sem fara í lengra nám), skelltu þér í námið sem þig langar í og vittu til þú verður enn betri mamma á eftir (ef það er hægt). Það gerir manni ótrúlega gott að fara í skóla. Gangi þér sem allra, allra best, og ykkur öllum.

[BH (IP-tala skráð) 4.5.2007 kl. 10:26]

Sú ákvörðun sem þú tekur verður alltaf sú rétta :-)

Gangi þér sem allra best

[Magga Össurar (IP-tala skráð) 4.5.2007 kl. 14:34]

Sæl Áslaug, vantar þig smá vinnu? kannski á kvöldin 4 klst vaktir 15 sinnum í mánuði. Sendu mér þá póst, þekki þig af fyrri verkum, askoti dugleg varstu í grænmetisvinnslunni allavega. En endilega sóttu um í skóla ef þig langar.

[Unnur Einarsdóttir (IP-tala skráð) 5.5.2007 kl. 01:03]

Sendu umsóknina, þá ert þú búin að því og svo séð þú til með áframhaldið. Eitt skerf í einu.
kv Unnur.

[Fríða (IP-tala skráð) 5.5.2007 kl. 04:19]

Sæl Áslaug

Já, búin að skrif umsókn og allt. Þá er bara að senda hana inn og taka sénsinn, þú getur bara hætt við. Ef þú gerir það ert að senda þau skilaboð að þú trúir að Þuríður verði frísk. Vonin er besta lyf í heimi. Þu getur tekið nokkur fög til að byrja með - allt opið í dag.

Bara að drífa sig - Kveðja Fríða