Lífshamingja

Lifðu í núinu. Fjöldi fólks frestar hamingjunni. Það puðar og puðar og lifir skítalífi í þeirri von að þegar einhverju marki sé náð og þetta eða þetta gerist verði það hamingjusamt. En hvað um daginn í dag, núið? Við vitum aldrei hvað við fáum langan tíma í þessu lífi. Hví þá að lifa eins og við séum á einhverri leikæfingu í stað þess að njóta sjálfs leiksins, hvers augnabliks lífsins? Líttu á hvern dag sem heilt líf í sjálfu sér. Lifnaðu við að morgni og kveddu síðan að kvöldi. Það sem er þarna á milli á að skipuleggja sem afmarkaða heild og lifa eftir því. Núið er allt sem þú átt. Fortíðin er liðin og framtíðin ókomin. Hvað sem þú ert að fást við ættirðu alltaf að reyna að njóta út í æsar hvers augnabliks.

Hláturinn lengir lífið. Fólk hefur jafnvel sigrast á sjúkdómum með því aðallega að hlæja. Það er enginn vafi að hlátur hjálpar þér að losna við neikvæðar tilfinningar. Lærðu að horfast með kímni í augu við vandamálin. Slíkt getur auðgað líf þitt. Horfðu á gamanmyndir, og lestu fyndnar bækur. Hafðu augu og eyru opin fyrir öllu því skemmtilega í kringum þig. Snúðu þér af fullri alvöru að gamanseminni.

 

Athugasemdir

[Jónína Benediktsdóttir (IP-tala skráð) 15.5.2007 kl. 21:45]

Takk fyrir að minna mig á!

Gangi þér vel.

Hugsa oft til þín!!

Kveðja,

Jónína Ben 

[Þórunn Eva , 16.5.2007 kl. 10:12]

flott blogg hjá þér skvís :)

knús og koss 

kv Þórunn Eva

[Benedikt Halldórsson, 16.5.2007 kl. 11:22]

...þetta er rétt, maður verður að sjá kómísku hliðarnar til að halda, ja..jafnvel geðheilsu.