"Góði Guð" (ath breytt færsla)

"Viltu passa Þuríði sem er lasin í höfðinu".  En á þessu endaði  Þuríður mín í fyrrakvöld þegar hún fór með bænirnar sínar eða Skari heyrði hana segja þetta þegar hann var búinn að kyssa hana góða nótt og var að gefa Oddnyju minni koss líka.  Það er ekki annað hægt en að tárast við þessi orð hennar, vávh hvað ég átti erfitt með mig og á enn þegar ég hugsa um þetta.

Rétt í þessu var Theodór minn að vakna og við mæðgur hlaupum inní herbergi þar sem pungurinn kallaði á mömmu sína og hann er nú ennþá hálfsofandi en er samt tilbúinn í knúsið sem hann gefur alltaf systrum sínum á morgnana, það er ótrúlega sætt!!  Hann hleypur alltaf til þeirra á hverjum morgni með hendurnar útglenntar og gefur þeim eitt stórt knús.  Bara gaman!!

Þuríður mín byrjaði í undirbúningnum fyrir síðari geislameðferðina sína í gær sem var djúp svæfing, myndatökur og fleira svo er aftur endurtekning á fimmtudag en þá verður gríman gerð einhverjar aðrar mælingar, er ekki alveg 100% inní þessu.  Geislameðferðin hefst svo á mánudag eftir tæpa viku og mun standa í tvær vikur eða síðasti geislin verður gerður föstudag fyrir verslunarmannahelgi. Fyrri geislarnir fóru mjög vel í Þuríði mína, hún hafði aldrei verið jafn hress og hún var þegar hún var í þeim og hafði aldrei átt jafn góð jól einsog síðustu.  Byrjaði að krampa minna og hætti að krampa í febrúar sem hefur ekki gerst í þessi tæp þrjú ár sem hún hefur barist við þennan andskota.  Það er alveg ótrúlegt hvað hún hefur verið krampalaus lengi það yrði líka ofsalega erfitt ef hún færi að krampa aftur, mig dreymdi það í nótt að hún væri farin að krampa aftur og shit þetta var ömurleg martröð.  Núna krossa ég fingur og fer með mínar bænir að þessir geislar fari jafn vel í hana, hún svaf reyndar tuttugu tíma á sólarhring mánuði eftir geislana í tvær vikur en það yrði nú í lagi ef það yrði bara vegna kraftleysis útaf geislunum en mér kvíður samt fyrir hvernig þetta mun fara í hana.  Það eru engir geislar eins.

Eftir geislana fara læknarnir yfir næstu meðferð eða hvort þeir vilji leyfa henni að fara í aðra meðferð en þeir eru svo hræddir við að senda hana í aðra meðferð (gæti farið í mergin og hún gæti kanski fengið hvítblæði ofan á allt saman) sem ég oft skil ekki?  Sorrý!! Það hafa margir aðrir krakkar farið í miklu harðari meðferð en hún og oftar en einu sinni en afhverju eru þeir meira hræddari við að senda Þuríði en aðra krakka? 

Annars áttum við yndislegan tíma á Spáni saman, það er alveg lífsnauðsynlegt fyrir mann að komast svona í burtu og búa til þessu fallegu minningar og reyna gleyma þessu sem við erum að ganga í gegnum þó að það sé erfitt en þá hlóð þetta batteríin mín endalaust mikið sem voru orðin batterílaus.  Vildi óska þess að fleiri sem ættu veik börn eða veikir einstaklingar væru svona heppnir og við að vera send í svona ferð en því miður eru ekki allir svo heppnir.

Ég hef verið að reyna setja myndir á forsíðuna frá Brosbörnum eða Spáni en það gengur ekkert, veit ekki alveg hvað er að kerfinu hjá blog þessar vikurnar. 

Farin að sinna börnunum, gera Oddnýju Erlu mína tilbúna sem er að fara til Stokkseyrar með ömmu sinni nöfnu en hin ætla að vera í dekri hjá mömmu sinni í dag, vonandi getum við farið í hjólreiðatúr í dag sem yrði ekki amalegt.

Knús á línuna....

psss.ss ok ég get orðið sett inn myndir og það koma fleiri á morgun frá Brosbörnum en hérna eru fallegustu börnin mín, njótið!! ...og finnst ykkur skrýtið að mig langi í fleiri börn?

 

Athugasemdir

[Bjarni Kjartansson, 17.7.2007 kl. 09:03]

Barn að biðja Guð um hjálp, er eitthvað svo ósegjanlega fallegt. 

Hvegi er hægt að lauga sín sár betur en einmitt í bæn barnsins.

MEgi hún verða bænheyrð. 

Það er svo svakalega skrítið að horfa á þesssa litlu kroppa liggja og bíða meðferðar hjá læknum, sem auðvitað vilja ALLT GERA þeim til hjálpar, þetta er svo óraunverulegt og sárt.  Börn EIGA ekki að vera veik, það passar við gamalt fólk en ekki lítil börn, sem eiga að vera úti að leika sér.

EMgi Hinn Hæst hjálpa ykkur á meðferðartímabilinu og bið ég þess í auðmýkt, að Hann bænheyri stúlkuna þína.

Með hluttekningu

Miðbæjaríhaldið

[Björk Andersen (IP-tala skráð) 17.7.2007 kl. 11:58]

Elsku Þuríður,ég fékk tár í augun yfir þínu bænum og ég vona svo sannarlega að guð bænheyri þig litla hetja sem ert að ganga í gegnum svo mikla erfiðleika núna.Ég get ekki annað en dáðst að þér.En rosalega eru þið systkinin nú vel af guð gerð og Áslaug ég er ekkert hissa þó að þig langi í fleiri.Vona að allt gangi vel hjá ykkur í undirbúningnum og að styrk hendi guðs leiði ykkur þessa erfiðu braut.Baráttukveðjur

[Helga Linnet, 17.7.2007 kl. 12:19]

Gvööööð....þau eru YNDISLEGA FALLEG

[Fríða (IP-tala skráð) 17.7.2007 kl. 12:38]

Sæl ágæta fjölskylda

Þessi einlæga bæn hennar Þuríðar segir mér svo mikið kærleikann og traustið sem hún er umvafin. Hún trúir því að Guð passi hana og veit að mamma og pabbi hjálpa henni á allan hátt. Hún trúir líka á að fá hjálp frá umhverfi sínu, sem er frábært. Ef það er bara að vera "lasin" að vera með æxli í höfðinu, þá er kvef og svoleiðis bara ekki neitt.

Mikið er gott að þið eruð komin með meiri orku til að fylgja litlu stúlkunni ykkar í gegnum meðferðina hver sem hún verður.

Ég hlakka til að sjá fleiri myndir af systkynunum. Þau eru svo yndisleg og mikill fjársjóður. Prakkarskapurinn, lífsgleðin og átríkt umhverfi bókstaflega skín af þeim. Fleiri börn, ekki spurning!!!

Góði Guð, villtu passa hana Þuríði sem er lasin í höfðinu og villtu passa fjölskyldu hennar. Kveðja Fríða

[Elsa Lára (IP-tala skráð) 17.7.2007 kl. 12:55]

Rosalega eru börnin ykkar falleg. Alltaf gaman að fara í myndatöku með grislingana sína því svona myndir eru algjör fjársjóður. Sendi mínar bestu kveðjur um að allt gangi vel í geislunum.Bið fyrir litlu dömunni ykkar og hugur okkar er hjá ykkur. Með bestu kveðju, Elsa Lára og fjölskylda Klapparholti Akranesi.

[Sólrún, 17.7.2007 kl. 14:18]

Ofboðslega eigið þið falleg og vel gerð börn

Megi Guð bænheyra hana Þuríði þína, einlæg bæn barna er eitt það fallegasta sem til er því þau tala beint frá hjartanu þessar elskur.

Bið þess að meðferðin virki vel og útkoman verði jákvæð fyrir ykkur öll.

Baráttukveðjur

[lilja (IP-tala skráð) 17.7.2007 kl. 16:39]

Vá en æðisleg mynd af þeim algjörir englar sem þið eigið

[Ylfa Mist Helgadóttir, 17.7.2007 kl. 16:54]

Bið þess að öllu hjarta að bænir litlu hnátunnar hitti himnaföðurinn í hjartastað hið snarasta og meðferðin skili súper árangri!!!

Falleg er myndin af elskunum þínum Slauga mín. Velkomin heim bæ ðö vei :)

[Martha (IP-tala skráð) 17.7.2007 kl. 19:50]

Æji Guð hvað það var sætt að lesa hvað hún Þuríður sagði, maður bara tárast :-) megi hún verða bænheyrð.  Óska ykkur öllum góðs gengis í þeirri törn sem nú er að byrja og þið verðir í bænum okkar.

Kkv. Martha

[Helga Björg (IP-tala skráð) 17.7.2007 kl. 20:02]

Dásamleg bæn..við vonum að allt gangi vel í meðferðinni

Við hugsum til ykkar og kveikjum á Þuríðar kerti reglulega....Myndin frá brosbörnum er bara yndisleg,dásamlegur hópur sem þið eigið

 Hafið það sem allra best....

knús frá Helgu Björg,

                  Óskars og Sigrúnar Birtu mömmu

[Gunnar Helgi Eysteinsson, 17.7.2007 kl. 21:30]

Þið áttuð það sko sannarlega skilið þessa ferð og ég er viss um að ALLIR séu sammála um það.

Fullt af fallegum hugsunum sendi ég til ykkar hverstagshetjur sem þið eruð.

(Vonandi er þetta rétt skrifað)

[Sólveig (IP-tala skráð) 17.7.2007 kl. 21:40]

Alltaf sama sálarmeðalið að líta við hjá ykkur fjölskyldunni.

Bið Guð um blessun fyrir Þuríði ykkar í því sem fram undan er og ekki síður fyrir ykkur sem með henni verða. Sem betur fer eru batteryin vel hlaðin eftir fríið. En það er fljótt að tæmast af endurhlöðnum batteryjum þannig að þið VERÐIÐ að reyna að bæta inná hvemær sem hægt er.

Börnin ykkar eru yndislega falleg mér finnst systurnar líkar á þessari mynd sem ég held að mér hafi ekki fundist áður á myndum sem hafa verið á blogginu.

Megi svo allt gott til ykkar streyma í stórum fljótum kæra fjölskylda.

Með kærri kveðju frá Sólveigu

[Guðrún (IP-tala skráð) 17.7.2007 kl. 23:33]

Æ hvað hún er sæt. Maður fær nú bara tár í augun við svona lestur. Knús á ykkur. Gangi ykkur vel.

[Guðríður Haraldsdóttir, 18.7.2007 kl. 00:34]

Yndisleg börnin ykkar! Flott mynd, hlakka til að sjá fleiri!

[Silla Karen (IP-tala skráð) 18.7.2007 kl. 10:00]

Sæl fjölskylda.

Fallegust í heimi þessi börn ykkar og megið þið alveg vera stolt af þeim.

Flott mynd

Kveðja Silla Karen