Það hlaut að koma að því...

Þreytan er mætt á svæðið og svei mér þá ef ég fengi að ráða þá gæti ég sofið meira og minna þessa dagana ENN ég er samt súper hress og kát því hetjan mín er svona líka kát. 

Oh mæ god þið ættuð að sjá hverju hún er að taka uppá þessa dagana sem ég vissi ekki einu sinni að hún kynni eða hefði tekið eftir þannig að hún gæti lært það.  Einsog í fyrradag fór Skari minn á klósettið sem er kanski ekki frásögufærandi ehe og læsir á eftir sér, Þuríður fer að hurðinni og sér að hún er læst þannig ég heyri eftir stutta stund að hún er komin í hnífaparaskúffuna sem ég kippi mér kanski ekkert við enda finnst henni mjög gaman að skoða alla hluti sem hún fær að sjálfsögðu.  En eftir smástund heyri ég öskrið í Skara "Þuríður viltu loka hurðinni" mhúhahaha!!  Jú stelpuskottan mín hún Þuríður fór bara og náði sér í verkfæri til að opna hurðina á klósettinu sem var endalaust fyndið því ég vissi ekki að hún kynni þetta, ég hef ekki hlegið svona mikið lengi.  Hún er sem sagt orðin mjög uppátækjasöm sem okkur finnst mjög gaman því það eru nýjar hliðar á henni. 

Hún má ekki orðið sofa á daginn sem er bara kraftaverk en á eftir að breytast þegar já ég segi þegar því ég veit að það kemur gott úr myndatökunum 15.apríl hún byrjar aftur í krabbameinsmeðferðinni sinni.  Jíííhaaa!!

Hérna er Þuríður mín ásamt honum Óskari vini sínum á leikskólanum en hann átti afmæli í gær og bauð Þuríði sinni að aðstoða sig vegna þess.  Held að hún hafi verið stolltust að Óskar vinur sinn eða besti vinur sinn einsog hún segir sjálf hafi beðið hana um þetta, það þarf ekki mikið til að gleðja hana.  Verst að hún verður oft útundan vegna veikinda sinna en þarna sýnir bara hvað krakkarnir á leikskólanum eru yndisleg við hana og vilja allt gera til að gleðja hana.

Eva sæta músin mín (systur-dóttir) og flottasti strákurinn minn hann Theodór Ingi að knúsast enda ótrúlega góðir vinir og finnst ekki leiðinlegt að knúsast svona.

...eða kyssast, þarna eru þau að fara kyssast.

Perlan mín hún Oddný Erla sem bíður spennt eftir mömmu-ömmu og frænku helginni sinni sem verður eftir viku, reyndar er ég alveg jafn spennt eheh.  Verður svoooooooooooooooo gaman.  Held að hún verðir líka ennþá spenntari þegar ég tilkynni þeim systrum að þær eru að byrja á nýju sundnámskeiði í næstu viku en hún er búin að vera biðja um svoleiðis námskeið mjög mikið eða allt þetta nýja ár en við alltaf að reyna bíða með það og ath hvort Þuríður okkar myndi ekki hressast sem hún er að gera og verður í þrusu góðu formi á sundnámskeiðinu.  Sem sagt æfa sund 3x í viku, bara gaman!! 

Farin að læra... knús í krús einsog Skoppa og Skrítla segja sem við öll fjölsk. erum að fara horfa á um helgina sem sagt leikhús og fullt af skemmtileguheitum.

Athugasemdir

[Ragnheiður , 3.4.2008 kl. 09:57]

Æj hahahahaha nú skellihló ég upphátt. Sú er sniðug hehehe

[Katrín (IP-tala skráð) 3.4.2008 kl. 10:03]

Fráááábært hvað hetjan er hress - húrra..... þú þarft að ná þér í kríur hér og þar eða fá að stinga þér í lúr í 24 tíma eða svo......;o)

Kíkka alltaf á ykkur - þið eruð flott famelía.

Kv Katrín.

[Steinþór Ásgeirsson, 3.4.2008 kl. 10:10]

Æðislegt

[Anna Lind (IP-tala skráð) 3.4.2008 kl. 10:54]

Frábært að heyra hvað Þuríður er hress
Þú verður að hvíla þig öðru hvoru kona, fáðu þér power- nap einhvern tíma yfir daginn.. bara 10 min, gerir kraftaverk á manni.

Sendi þér og þinum hlýju og kraft.

Stórt knús

[lady, 3.4.2008 kl. 11:15]

gaman að heyra að Þuríði þessi elska er að hressast ,,æ hún er svo yndisleg það hlýnar hjá manni að sjá mynd af henni dugleg stelpa,,,þau gætu verið systkinni þau eru svo lík sem er með henni á myndinni ,sem er tekin í leikskólanum ,,,hafðu það svo gott Áslaug mín og þín fallega fjölsk kv Ólöf Jónsdóttir

[Hólmfríður Bjarnadóttir, 3.4.2008 kl. 11:15]

Sko, hann Óskar á alla mína samúð og ekki hefði ég viljað vera í hans sæti, en þetta er frábært fyndið svo ekki sé nú meira sagt. Sú er að ná sér á strik og vinna upp þennan tíma sem hún hefur verið í lága drifinu. Þú ert bara að slaka aðeins á og þá getur líkaminn sent þér smá þreytuskilaboð. Mikið eru þau öll sæt á myndunum þessar elskur. Guð veri með ykkur Fríða

[4 barna mamman (IP-tala skráð) 3.4.2008 kl. 11:32]

Hæ hressa fjölskylda!  Mikið er gaman að lesa um Þuríði og hennar uppátæki, bara yndislegast!  Hjartað tekur kipp og gleðin er ríkjandi og ég bið guð um góða daga áfram til handa ykkur.  Ég veit í hjarta mínu að þetta verður allt gott, fallegt og að kraftaverkin koma eitt af öðru, er sannfærð um það

Tendra ljós og fer með bænir fallega fjölskylda, yndislegar myndir!

með kærleikskveðju 4 barna mamman

[Guðrún Jóhannesdóttir, 3.4.2008 kl. 12:11]

Þuríður góð  ég get nú ekki sagt að ég vorkenni Skara, þetta er OF fyndið og OF snjallt hjá skottunni til að ég vorkenni honum sýnir barahve klár hún er!

[Agný, 3.4.2008 kl. 13:16]

Bara að segja að það er gott að heyra að hlutirnir ganga vel hjá ykkur og gangi ykkur bara allt vel

[Halla (IP-tala skráð) 3.4.2008 kl. 13:25]

Yndislegt að heyra hversu brött hún Þuríður litla er orðin. Greinilega á uppleið - til hamingju og njótið í botn : ) .

Halla (Lóu mamma)

[Helga Magnúsdóttir, 3.4.2008 kl. 13:45]

Gleðifréttir, guði sé lof. Margur kann meira en mann grunar. Hvaða verkfæri notaði hún eiginlega.

[Kristín (IP-tala skráð) 3.4.2008 kl. 14:25]

Elsku skottan bara yndislegast hvað hún er hress . Krúttlegar myndir. Bið Guð um áframhaldandi góðar fréttir og styrk til ykkar allra.

[María Guðmundsdóttir, 3.4.2008 kl. 14:44]

Ædislegt ad lesa svona skemmtilegar hressufréttir af hetjunni okkar allra en já eins og einhver sagdi hér ad ofan,thú verdur ad passa ad hvíla thig inná milli 

baráttu og kærleikskvedjur frá dk

[Berglind Elva (IP-tala skráð) 3.4.2008 kl. 15:42]

ég segi bara jíha eftir þessa færslu - dásamlegt að lesa hvað allt er hressandi hjá ykkur þessa dagana

ég kíki yfirleitt daglega en kvitta ekki í hvert skipti - reyni samt að láta ekki líða of langt á milli

bestu kveðjur

[Björk töffari (IP-tala skráð) 3.4.2008 kl. 23:04]

Hæ elskurnar...gott að heyra að allt gengur vel hjá Þuríði minni,vona líka Áslaug mín að þú hafir orku í ræktina eftir helgi,hittumst hressar á þriðjudaginn..eigið þið yndislega helgi og ég sendi ykkur ljós og orku...knús,knús

[Kristborg Bóel Steindórsdóttir, 4.4.2008 kl. 01:21]

Frábært að lesa hvað gengur vel

Kveðja úr austrinu

[Emma Vilhjálmsdóttir, 4.4.2008 kl. 01:33]

Mikið er gott að vita að litlu hetjunni líður betur.  Áfram svona.

kv. Emma

[Eyrún Gísladóttir (IP-tala skráð) 4.4.2008 kl. 08:02]

Mikið er gott að Þuríði líður betur ,og góða skemtun í leikhúsinu

[Ragnhildur (IP-tala skráð) 5.4.2008 kl. 02:19]

Vá hvað hún er klár!!!!! Litla skottið sko:) Ég veit að þessi stelpa er furðuverk eins og hún segir sjálf en þetta kom mér samt á óvart! You go girl! Ég þekki ykkkur annars ekki nú eða kannski smá því ég les alltaf bloggið þitt Áslaug og finnst mér ég þekkja ykkur smá:) Meira svona Þuríður Arna!!!!

[Kristín Gunnarsdóttir, 6.4.2008 kl. 10:54]

Æi hvað það er gott að elsku littla hetjan hafi það gott