Beta biður að heilsa

Við mæðgur erum mættar á svæðið aftur en við skruppum yfir helgina til London og gistum hjá Dísinni vinkonu minni og höfðum það ofsalega notanlegt.  Oddný Erla mín skemmti sér rosalega vel, fékk smá dekur, skruppum í Hamleys þar sem hún fékk að velja afmælisgjöfina sína frá systkinum sínum og til Þuríðar frá þeim sem henni fannst ofsalega gaman, kíktum í Disney búðina þar sem hún fékk að koma við allt prinsessudótið og lét sig dreyma.  Vávh þetta fannst henni æðislega gaman og að sjálfsögðu fékk hún að velja pakka handa Þuríði og Theodóri þegar við komum heim, keyptum nokkrar flíkur fyrir sumarið og ekki fannst henni leiðinlegt að fá að máta.  Þess á milli knúsuðumst við og höfðum það ofsalega gott.  Auðvidað var kíkt í te til Betu en Kalli var ekki heima þannig við hittum hann ekki, var víst á skitteríi.  Það var sem sagt æðislega gaman hjá okkur. 

Næst á dagskrá er að safna vildarpunktum fyrir mig og hetjuna mína sem þarf líka á þessu að halda (en ég átti heilan helling af vildarpunktum sem ég nýtti í þessa ferð fyrir mig og perluna mína), ekki bara fá mömmutíma á spítalaheimsóknum, sjúkraþjálfun eða veikindum hérna heima.

Ég var einmitt að koma úr einni sjúkraþjálfunarheimsókninni með hetjunni minni en hún er á fullu í greiningum þar fyrir næst komandi haust og það gengur svona lala.  Bara einsog við vissum þá eru grófhreifingar hennar á við 2-2 og hálfs árs börn, þannig það kallar bara fram meiri þjálfun fyrir hana, hittum sálfræðing seinna í vikunni, talmeinafræðing í næstu viku og svona mætti lengi telja. Hún stendur sig samt ótrúlega vel.

Á morgun er svo stóri dagurinn en þá er svæfing og myndatökur og mikil magapína fyrir foreldrana, fáum niðurstöður úr því síðasta lagi á miðvikudag og þá verður áframhaldið ákveðið með krabbameinsmeðferðina og vonandi fær hún að byrja aftur í henni í þessari viku.  krossa alla putta og tær.

Læt fylgja nokkara myndir úr ferðinni okkar Oddnýjar minnar, njótið:

Mætt í flugvélina og farin að hlusta á Gosa

Perlan mín að fara sofa, fannst ofsalega sniðugt að vera með þetta fyrir augunum.

Erum á leiðinni í bæinn, kunni ekki alveg að snúa myndinni.  dóóhh!!

Á leiðinni heim og Oddný perlan mín svakalega spennt að hitta systkin sín og auðvidað pabba sinn líka.  Þegar við hittum þau á flugvellinum þá var það fyrsta sem Þuríður mín sagði við hana "þú ert svo fín og sæt" eheh.  Þuríður hefur heldur aldrei verið jafn ánægð að hitta systir sína, saknaði hennar greinilega mjööööög mikið.

Athugasemdir

[Ragnheiður , 14.4.2008 kl. 11:00]

Sætust

[Þórhildur Daðadóttir, 14.4.2008 kl. 12:06]

[Halldór Jóhannsson (IP-tala skráð) 14.4.2008 kl. 13:14]

Við njótum þess svo sannarlega að sjá skvísuna.Góðar óskir með morgundaginn sem og alltaf.Bestu kveðjur

[Binna (IP-tala skráð) 14.4.2008 kl. 13:26]

Bara æðislegt :)

Kveðja frá einni ókunnugri.

[Kristín (IP-tala skráð) 14.4.2008 kl. 13:37]

Takk fyrir myndirnar af fallegu stelpunni.  Bið Guð um að gefa ykkur styrk á morgun.

[Hólmfríður Bjarnadóttir, 14.4.2008 kl. 14:13]

Frábært hjá ykkur að skreppa til Betu. Þetta hefur aldeilis verið góð helgi sem þið hafið svo sannarlega átt inni. Augnhlífarnar eru bara hrein snilld. Krossa alla putta fyrir morgundaginn. Guð veri með ykkur Fríða 

[Hanna, 14.4.2008 kl. 14:53]

Þetta hefur verið yndislegt :)  Er ánægð fyrir ykkar hönd.

Gangi ykkur vel í vikunni.

[Jóhanna (ókunnug) (IP-tala skráð) 14.4.2008 kl. 15:00]

Frábært hjá ykkur að fara til London     Hugsa til ykkar áfram

[María Guðmundsdóttir, 14.4.2008 kl. 15:03]

Ædislegt hvad ferdin var ánægjuleg Gangi ykkur súpervel á morgun,krossa allt sem krossast getur

[Linda Linnet Hilmarsdóttir, 14.4.2008 kl. 15:27]

Bara

[Linda Linnet Hilmarsdóttir, 14.4.2008 kl. 15:29]

Sorrý-eitthvað var mín að flýta sér

Það átti að standa - bara flottust og til lukku með helgina góðu

[Díana (IP-tala skráð) 14.4.2008 kl. 15:35]

Frábært að þið áttuð svona fína helgi saman Gott að Oddný fær að njóta sín með þér og þú með henni.

Bið fyrir styrk og blessun ykkur til handa fyrir morgundaginn

Knús á mömmu þína og hlý kveðja frá Sunnevu til ykkar allra

[Þórunn Eva , 14.4.2008 kl. 15:55]

knús á ykkur sætu mæðgur....

[Kristín Amelía (IP-tala skráð) 14.4.2008 kl. 15:58]

En yndislegt hvað þið mæðgurnar áttuð góðar stundir saman í dekri út af fyrir ykkur. Það er ómetanlegt að geta átt svona tíma með börnunum sínum. Þið eruð alltaf í bænunum okkar elsku vinir. Vonandi sé ég ykkur fljótlega. Knús og kossar. Kristín Amelía.

[Helga Magnúsdóttir, 14.4.2008 kl. 16:21]

Gaman að heyra hvað Londonferðin gekk. Það er svo mikils virði að eiga gæðatíma með börnunum sínum. Gangi ykkur vel á morgun.

[Sólveig (IP-tala skráð) 14.4.2008 kl. 21:45]

Dásamlegt að allt var svona gaman hjá ykkur, enda örugglega fáir sem kunna að njóta á þann hátt sem þú gerir, því miður.

Sendi ykkur kærleiks og styrktarkveðjur og bið um kraftaverk fyrir ykkur öll á morgun sem og auðvitað alla daga..

með kærri kveðju

frá Sólveigu

[Katrín Ösp og Ólöf Alda (IP-tala skráð) 15.4.2008 kl. 09:41]

Hugsum til ykkar! Gott að þið áttuð góða helgi saman;)

[Steinþór Ásgeirsson, 15.4.2008 kl. 09:52]

Fæ bara sting í hjartað

Bestu kveðjur

[Guðborg Eyjólfsdóttir, 15.4.2008 kl. 11:03]

Frábært að þið skuluð hafa átt góða helgi saman