Aaaarghhh

Djöh vildi ég að ég gæti unnið þegar það koma góðir dagar hjá Þuríði minni, bwaaaaahhh!!  Það er mannskemmandi að þurfa hanga svona heima og hafa ekkert að gera sérstaklega þegar mín er komin í frí frá skólanum.  Þuríður mín fór sem sagt í leikskólann í morgun, pensilínið er væntanlega farið að virka því hún er ekki með svona þungan andardrátt einsog síðustu daga.  Veit reyndar ekkert hvernig hún er á leikskólanum, vissi að henni langaði að leggja sig um leið og hún kom í leikskólann í morgun en þá var hún búin að vera vakandi síðan 5:30 í morgun (geeeeisp) og búin að fara til iðjuþjálfans sem var nota bene síðasta skiptið og vonandi síðasta skiptið hjá talmeinafræðingnum á morgun og þá er þetta loksins búið.  Thank god!!

Reyndar get ég alveg haft nóg að gera, hérna heima þá en mig langar bara að vera innan fólk og svo verður sumarið þétt skipað fyrir Þuríði mína og dekur fyrir hin tvö en samt......  Samt fegin að ég hafi ekki mikið að gera hérna heima sambandi við ummönnun því þá veit ég líka að Þuríði minni líður vel og getur umgangast önnur börn sem hún þarf á að halda.

Var að fá bréf áðan frá skólanum hennar en það er "sumarskóli" á þriðjudag, miðvikudag og fimmtudag hjá henni sem hún verður svakalega spennt að heyra um.  Fær að fara með nesti, hitta krakkana í 1. og 2.bekk, fara í frímínútur og leikfimi, fær að finna smjörþefin að vera í skóla sem vonandi hún mun plumma sig vel í.  Er bara svo hrædd um félagslegu hliðina, því börn geta verið svo grimm sem maður hefur alveg kynnst gagnkvart Þuríði minni, þau skilja hana ekki alveg þó hún vilji svo vel og reyni að umgangast aðra en þá eru mörg börn ekki að fíla hvernig hún er.  Það er ótrúlega sárt að horfa á hana reyna svo mikið og sjá svo hin börnin ýta henni í burtu og leggja hana í "einelti" ef það má kalla það svo þó þau viti kanski ekki hvað einelti er en þá vilja þau hana ekki í kringum sig.  Ótrúlega sárt.  Sjálf veit ég hvernig er að vera lögð í einelti í grunnskóla sem ég mun kanski fara nánar útí seinna og það er ofsalega erfitt sérstaklega fyrir barn sem kann ekki að svara fyrir sig eða verja sig, heldur að allir séu góðir í kringum sig.  Þetta er ég mest kvíðin fyrir, fyrir hennar hönd.  Það er mannskemmandi.  Mér verður bara óglatt við þessa tilhugsun.

Best að fara gera mig til að sækja börnin mín, förum beint til mömmu og pabba erum nefnilega búin að bjóða okkur í mat þangað í kvöld þar sem Skari er ekki heima.  Ekki amalegt að geta boðið sér bara í mat ehe og leyfa krökkunum aðeins að leika við Evu sætu músina okkar sem verður líka þar, þar sem verðandi hjónin (systir mín og verðandi mágur) eru að fara á hjónanámskeið.  Ohh hver man ekki eftir þeim gömlu góðu dögum ehehe.  Bara fimm ár þanga til ég fer til Vegas og giftist Skara mínum aftur þó ég hefði ekkert á móti því að gera á fimm ára afmælinu í sumar en það er víst ekki í boði.

Knús í krús....

Er ég rík eða hvað?  Kanski á ég eftir að verða ennþá ríkari?  Þessi mynd var tekin af systkinunum í des síðastliðin í Kaupmannahöfn sem var ómetanleg ferð fyrir okkur öll.

Athugasemdir

[Helga Linnet, 6.5.2008 kl. 14:39]

þetta með eineltið...bara rétt að byrja

mín dama er að verða 14 ára og það er fyrst núna sem hún getur verið HÚN í skólanum. Hún er hætt að taka þetta svona inn á sig eins og hún gerði.

Þetta skóla ár er það fyrsta síðan hún byrjaði í skóla sem við erum ekki vikulega á fundum vegna eineltisins...ömurlegt hvernig þetta er búið að vera...barnsins vegna.

Ég vona að þið lendið ALDREI í þessum sporum... vertu bara grimm strax frá upphafi. Sýndu þeim hvar Davíð keypti ölið.

[Anna Kristinsdóttir, 6.5.2008 kl. 14:52]

Langar að benda þér á góða leið sem hefur virkað vel fyrir mitt barn. Hann er með lotningargalla og um margt sérstakur strákur.

Í byrjun hvers skólaárs, bæði í leikskóla og fyrstu ár í grunnskóla, var haldinn fundur með foreldrum. Á þeim fundi fékk ég leyfi til að kynna hann fyrir foreldrum. Þar fór ég yfir fötlun barnsins og hversu mikilvægt væri fyrir alla að fá tækifæri til að kynnast honum. Þau skilaboð sem þarna fóru fram virtust færast yfir til nemendanna.

Oft var það þannig að foreldrar höfðu meiri "fordóma" en börnin og fengu þannig tækifæri til að spyrja um það sem þeim lá á hjarta.

Sonur minn hefur aldrei orðið fyrir einelti af hálfu skólafélaga sinna og þau þvert á móti, passa upp á hann gagnvart ókunnugum.

Þetta er ekki sjálfgefið, en þó góð leið að fara til þess að koma í veg fyrir einelti eða stríðni.

[4 barna mamman (IP-tala skráð) 6.5.2008 kl. 15:05]

Sæl fallega fjölskylda.....sem ég er viss um að á eftir að stækka.  Skil vel að þú viljir hitta og vera innan um fólk...þannig vildi til að mín 4 stykki fæddust á undraveðan hátt á 4 árum en vinnan mín sem ég er í í dag gaf mér tækifæri til að vera innan um fólk og hitta og kynnast fullt af skemmtilegu fólki.  Ég vinn eingöngu á kvöldin, ræð mér sjálf og get farið út t.d. einu sinni í viku bara til að pústa.  Ég sendi þér kannski mail varðandi þetta :) en þetta bjargaði mér alveg fyrstu árin.

Vona að þið eigið áfram góða og fallega daga kveðja 4 barna mamman

[Helga Linnet, 6.5.2008 kl. 18:32]

Rosalega var þetta fróðlegt hjá Önnu Kristinsdóttur

Vildi að ég hefði áttað mig á þessu í upphafi skólagöngu minnar dömu.

Ráðlegg þér að fara eftir þessum ráleggingum frá Önnu. Gæti alveg örugglega komið sér vel.

[Þórunn Eva , 6.5.2008 kl. 19:51]

LOVE LOVE á ykkur....  á þú ert sko heldur betur rík sæta mín....

[Sólveig (IP-tala skráð) 6.5.2008 kl. 20:14]

Já er algerlega sammála Önnu Kristínu, einnig myndi ég ræða við krakkana og segja þeim frá sjúkdómnnum og hvaða áhrif hann hefur á Þuríði og þannig að þau fái smá skilning á henni og hennar sjúkdóm.

Kveðja Sólveig ( kennari)

[Halldór Jóhannsson (IP-tala skráð) 6.5.2008 kl. 21:46]

Hæ.Þú ert svo sannarlega rík,en verður ríkari engin spurning.En hetja góð,við erum langríkust bloggvinir þínir sem fáum að kynnast þér plús þínum og  deila með ykkar lífi,með skrifum þínum um þessa stórkostlegu kraftaverkahetju hana Þuríði.Þú og ég leyfi mér að nefna hana Ástu Lovísu hafið gefið og kennt okkur ótrulega mikið.Takk og kærleikskveðja til allra.Dóri

[Linda Linnet Hilmarsdóttir, 7.5.2008 kl. 08:51]

[Lilja Kópavogi (IP-tala skráð) 7.5.2008 kl. 12:27]

awww þau eru bara fallegust :)

[Kristín (IP-tala skráð) 7.5.2008 kl. 22:03]

[Gréta (IP-tala skráð) 10.5.2008 kl. 11:36]

Sæl Áslaug.

Ég á líka veikt barn, en veikindi þess koma fram í hegðunarröskunum. Mér var ráðlagt að láta bekkjarsystkini fá fræðslu um veikindin. Það kom ekki vel út hjá okkur. Ég get sagt þér betur frá því í tölvupósti ef þú vilt. Það er erfitt að gefa eitt ráð sem henta öllum. Eftir þessa reynslu mína þá hef ég heyrt ýmsar útfærslur á þessari aðferð, hún hentar stundum en í öðrum tilfellum alls ekki. Fordómar af öllum toga eru óþolandi. Börnin fæðast ekki fordómafull, heldur læra þá af fyrirmyndum sínum. Mér fannst foreldrarnir verstir, miklu verri en börnin. Hin börnin mín eru fullfrísk og í kringum þau hef ég starfað í foreldrastarfi og aðrir foreldrar svo ánægðir með mín störf. Hjá veika barninu mínu ef ég fór á foreldrakvöld þá var ekki yrt á okkur foreldrana (tvenn hjón ræddu við okkur í rúmlega 20 barna bekk). Það sem bjargaði því var að við erum örugg með okkur og það truflaði okkur ekki. Okkur fannst það lýsa þeim frekar en okkur. Svo þegar það kemur að íþróttafélögunum, þar fann maður sko fyrir því. Ég ætla að skrifa um þetta bók þegar og ef ég kem barninu mínu til manns.

Þú hefur svo sanarlega fundið fyrir þessu í bloggheimum, undarleg komment oft á tíðum frá fólki sem þykist vita allt en veit í raun afar lítið.

Gangi þér allt í haginn duglega kona ég veit að þú hefur staðið þig vel í skólanum. Baráttukveðjur!!!

Kjúklingauppskrifta Gréta;)